ಜಿಂದ್ (ಹರಿಯಾಣ): ಭಾರತದ ಯುವ ಪ್ರತಿಭೆ ಅನ್ಶು ಮಲಿಕ್ ಏಷ್ಯನ್ ಕ್ವಾಲಿಫೈಯರ್ನಲ್ಲಿ ಆಕರ್ಷಕ ಪ್ರದರ್ಶನ ತೋರಿ ಜೂನಿಯರ್ ನಿಂದ ಸೀನಿಯರ್ಹಂತಕ್ಕೆ ತೇರ್ಗಡೆಯಾಗಿದ್ದಲ್ಲದೆ, ಟೋಕಿಯೋ ಒಲಿಂಪಿಕ್ಸ್ಗೆ ಅರ್ಹತೆಗಿಟ್ಟಿಸಿಕೊಂಡಿದ್ದಾರೆ.
ಹರಿಯಾಣದ ಜಿಂದ್ ಜಿಲ್ಲೆಯ ನಿಡಾನಿ ಎಂಬ ಪುಟ್ಟಹಳ್ಳಿಯ ಪ್ರತಿಭೆ, ಈಗ ವಿಶ್ವ ಮಟ್ಟದಲ್ಲಿ ಭಾರತದ ಕೀರ್ತಿ ಪತಾಕೆ ಹಾರಿಸುತ್ತಿರುವ ಯುವತಿ ಅನ್ಶು ಮಲಿಕ್. ಸಣ್ಣ ಹಳ್ಳಿಯಲ್ಲಿ ಆಟ ಶುರು ಮಾಡಿದ ಅನ್ಶು, ಟೋಕಿಯೋ ಒಲಿಂಪಿಕ್ಸ್ಗಾಗಿ ಪೋಲೆಂಡ್ನಲ್ಲಿ ಅಭ್ಯಾಸ ಮಾಡುತ್ತಿದ್ದಾರೆ.
ಜೂನಿಯರ್ ವಿಭಾಗದಲ್ಲಿದ್ದರೂ ಎರಡು ವರ್ಷಗಳ ಹಿಂದೆ ಹಿರಿಯರ ಕುಸ್ತಿ ಪಂದ್ಯದಲ್ಲಿ ಭಾಗವಹಿಸಿ ಚಿನ್ನದ ಪದಕ ಗೆದ್ದಿದ್ದಾರೆ. 57 ಕೆಜಿ ತೂಕ ವಿಭಾಗದಲ್ಲಿ ದೇಶದ ನಂಬರ್ ಒನ್ ಕುಸ್ತಿಪಟು ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಅನ್ಶು ಮಲಿಕ್ ಈ ಸಾಧನೆಗೆ ಅವರ ಅಜ್ಜಿಯೇ ಸ್ಫೂರ್ತಿಯಂತೆ. ಅಜ್ಜಿಯಿಂದ ಸ್ಫೂರ್ತಿ ಪಡೆದ ಅನ್ಶು 2013 ರಿಂದ ಆಟ ಆರಂಭಿಸಿದರು. ನಂತರ ಸೋಲು ಎಂಬುದು ಇವರ ಬಳಿ ಸುಳಿಯಲೇ ಇಲ್ಲ.
ಮುಂಜಾನೆ ನಾಲ್ಕು ಗಂಟೆಗೆ ಎದ್ದು, ವ್ಯಾಯಾಮ ಮಾಡಿದ ಬಳಿಕ ಕುಸ್ತಿ ಅಭ್ಯಾಸ ಮಾಡುತ್ತಾರೆ ಅನ್ಶು. ಈ ಬಾರಿಯ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಗೆದ್ದು ಬರುವ ಸಂಪೂರ್ಣ ನಿರೀಕ್ಷೆಯಿದೆ. ಅವರ ತಂದೆ, ಚಿಕ್ಕಪ್ಪ ಕೂಡ ಕುಸ್ತಿಪಟುಗಳಾಗಿದ್ದು, ಇವರೇ ಅನ್ಶುಗೆ ತರಬೇತುದಾರರಾಗಿದ್ದಾರೆ.
ಇದನ್ನೂ ಓದಿ:ಟೋಕಿಯೋ ಒಲಿಂಪಿಕ್ಸ್ - ವಿಂಬಲ್ಡನ್ ಚಾಂಪಿಯನ್ಶಿಪ್ ಆಡದಿರಲು ರಾಫೆಲ್ ನಡಾಲ್ ನಿರ್ಧಾರ
ಅನ್ಶು 2016 ರಲ್ಲಿ ಸಿಬಿಎಸ್ಎಂ ಕ್ರೀಡಾ ಕಾಲೇಜಿನಿಂದ ಕುಸ್ತಿ ಪ್ರಾರಂಭಿಸಿದ್ದು, 2017 ರಲ್ಲಿ ವಿಶ್ವ ಚಾಂಪಿಯನ್ ಆದರು.
