Japan Open 2023: ಜೊನಾಟನ್ ಕ್ರಿಸ್ಟಿ ವಿರುದ್ಧ ಸೆಮಿಫೈನಲ್​ನಲ್ಲಿ ಎಡವಿದ ಲಕ್ಷ್ಯ ಸೇನ್ ​​

ಕೆನಡಾ ಓಪನ್ ವಿಜೇತ ಲಕ್ಷ್ಯ ಸೇನ್ ಜಪಾನ್ ಓಪನ್​ನಲ್ಲಿ ಪ್ರಶಸ್ತಿ ಸುತ್ತನ್ನು ಪ್ರವೇಶಿಸುವಲ್ಲಿ ಎಡವಿದ್ದಾರೆ. ಸೆಮಿಫೈನಲ್​ನಲ್ಲಿ ಜೊನಾಟನ್ ಕ್ರಿಸ್ಟಿ ವಿರುದ್ಧ ಸೋಲು ಕಂಡಿದ್ದಾರೆ.

ಟೋಕಿಯೊ: ಕೆನಡಾ ಓಪನ್ 2023 ವಿಜೇತ ಲಕ್ಷ್ಯ ಸೇನ್ ಜಪಾನ್ ಓಪನ್ ಸೂಪರ್ 750 ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ ತಮ್ಮ ಪ್ರಯಾಣ ಅಂತ್ಯಗೊಳಿಸಿದ್ದಾರೆ. ಭಾರತಕ್ಕೆ ಸೇನ್​ ಅವರಿಂದ ಒಂದು ಪ್ರಶಸ್ತಿಯ ನಿರೀಕ್ಷೆ ಇತ್ತು. ಆದರೆ, ಸೆಮಿಸ್​​ನಲ್ಲಿ ಸೋಲು ಕಂಡ ಸೇನ್​ ಪ್ರಶಸ್ತಿ ಸುತ್ತಿಗೆ ಅರ್ಹತೆ ಪಡೆಯುವಲ್ಲಿ ಎಡವಿದರು.

• Indian badminton player #LakshyaSen out of #JapanOpen2023 badminton tournament after losing to world No. 9 Jonatan Christie of #Indonesia in the men's singles semi finals. pic.twitter.com/DZzpkEfYZP

  — IANS (@ians_india) July 29, 2023 " class="align-text-top noRightClick twitterSection" data="

  Indian badminton player #LakshyaSen out of #JapanOpen2023 badminton tournament after losing to world No. 9 Jonatan Christie of #Indonesia in the men's singles semi finals. pic.twitter.com/DZzpkEfYZP

  — IANS (@ians_india) July 29, 2023

  ">

  Indian badminton player #LakshyaSen out of #JapanOpen2023 badminton tournament after losing to world No. 9 Jonatan Christie of #Indonesia in the men's singles semi finals. pic.twitter.com/DZzpkEfYZP

  — IANS (@ians_india) July 29, 2023

ಶನಿವಾರ ನಡೆದ ಜಪಾನ್ ಓಪನ್ ಸೂಪರ್ 750 ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಸೆಮಿಫೈನಲ್‌ನಲ್ಲಿ ಭಾರತದ ಸ್ಟಾರ್ ಷಟ್ಲರ್ ಲಕ್ಷ್ಯ ಸೇನ್ ಅವರು ವಿಶ್ವದ 9 ನೇ ಶ್ರೇಯಾಂಕಿತ ಮತ್ತು ಏಷ್ಯನ್ ಗೇಮ್ಸ್ ಚಾಂಪಿಯನ್ ಜೊನಾಟನ್ ಕ್ರಿಸ್ಟಿ ವಿರುದ್ಧ 15-21, 21-13, 16-21 ರಿಂದ ಸೋಲನುಭವಿಸಿದರು. ಇಬ್ಬರ ನಡುವೆ 68 ನಿಮಿಷಗಳ ಕಾಲ ರೋಚಕ ಸ್ಪರ್ಧೆ ಏರ್ಪಟ್ಟಿತು. ಸೇನ್​ ಸೋಲು ಕಂಡರೂ ಸುಲಭವಾಗಿ ಸ್ಪರ್ಧೆಯನ್ನು ಬಿಟ್ಟುಕೊಡಲಿಲ್ಲ.

21 ವರ್ಷದ ಯುವ ಸ್ಟಾರ್​ ಆಟಗಾರ ಸೇನ್ ತಮ್ಮ ಎದುರಾಳಿಯ ಮೇಲೆ ಮೊದಲ ಸೆಟ್​​ನಲ್ಲಿ ಪ್ರತಿರೋಧ ಒಡ್ಡುವಲ್ಲಿ ವಿಫಲರಾದರು. ವಿಶ್ವದ 9 ನೇ ಶ್ರೇಯಾಂಕಿತ ಜೊನಾಟನ್ ಕ್ರಿಸ್ಟಿ ಮುನ್ನಡೆಯನ್ನು ಕಾಯ್ದುಕೊಂಡು 15-21 ರಿಂದ ಮೊದಲ ಗೇಮ್​ ತಮ್ಮದಾಗಿಸಿಕೊಂಡರು. ಎರಡನೇ ಸೆಟ್​ನಲ್ಲಿ ಪುಟಿದೆದ್ದ ಸೇನ್​​, ಕ್ರಿಸ್ಟಿ ವಿರುದ್ಧ ಬಲಿಷ್ಟ ಹೋರಾಟವನ್ನು ತೋರಿದರು. ಮೊದಲ ಸೆಟ್​​ನ ವೈಫಲ್ಯಗಳನ್ನು ತಿದ್ದಿಕೊಂಡ ಲಕ್ಷ್ಯ ಎರಡನೇ ಗೇಮ್​​​ನಲ್ಲಿ ಉತ್ತಮ ಮುನ್ನಡೆ ಪಡೆದುಕೊಂಡರು.

1-1ರ ಸಮಬಲ ಸಾಧಿಸಿದ ಸೇನ್​: ಮೊದಲ ಗೇಮ್​ನ ನಂತರ ಪಟ್ಟುಬಿಡದೇ ಎದುರಾಳಿಗೆ ಒತ್ತಡವನ್ನು ಹಾಕಲು ಆರಂಭಿಸಿದರು. ಕ್ರಿಸ್ಟಿ ಅವರ ರಕ್ಷಣಾ ಮತ್ತು ಗುಣಮಟ್ಟದ ಹೊಡೆತಗಳ ಹೊರತಾಗಿಯೂ ಲಕ್ಷ್ಯ ಅವರು ಕಠಿಣ ಹೋರಾಟ ನಡೆಸಿದರು. ಮೊದಲ ಗೇಮ್‌ನಲ್ಲಿ ಕ್ರಿಸ್ಟಿಯ ಆರಂಭಿಕ ತಪ್ಪುಗಳ ಲಾಭ ಪಡೆದು ಲಕ್ಷ್ಯ 7-4ರ ಮುನ್ನಡೆಯೊಂದಿಗೆ ಆರಂಭಿಕ ಮುನ್ನಡೆ ಸಾಧಿಸಿದರು. ಇಂಡೋನೇಷ್ಯಾದ ಆಟಗಾರನು ಮತ್ತೆ ಲಯಕ್ಕೆ ಮರಳುವಷ್ಟರಲ್ಲಿ ಸೇನ್​​ ಅಂತಿಮ ಅಂಕಗಳನ್ನು ಗಳಿಸುವಲ್ಲಿ ಯಶಸ್ವಿಯಾದರು. ಎರಡನೇ ಸೆಟ್​ನ್ನು 21-13 ಅಂತರದಲ್ಲಿ ಗೆದ್ದು ಕೊಂಡರು. ಇದರಿಂದ 1-1ರ ಸಮಬಲ ಸಾಧಿಸಿದರು.

ಗೆಲುವಿಗಾಗಿ ನಡೆದ ಮೂರನೇ ಸೆಟ್​​ನ ಪೈಪೋಟಿ ಜೋರಾಗಿಯೆ ಇತ್ತು. ಇಬ್ಬರು ಆಟಗಾರರು ಮಾಡುತ್ತಿದ್ದ ಸಣ್ಣ ಪುಟ್ಟ ತಪ್ಪುಗಳೇ ಅಂಕಕ್ಕೆ ಕಾರಣವಾಗಿತ್ತು. ಲಕ್ಷ್ಯ ಸೇನ್​ ಅವರ ಕೆಲ ತಪ್ಪು ಹೊಡೆತಗಳು ಕ್ರಿಸ್ಟಿಗೆ ಅಂಕವನ್ನು ತಂದುಕೊಟ್ಟಿತು. ಮೂರನೇ ಸೆಟ್​​ನ್ನು 16-21 ರಿಂದ ಕ್ರಿಸ್ಟಿ ವಶಪಡಿಸಿಕೊಂಡು ಫೈನಲ್​​ ಪ್ರವೇಶ ಪಡೆದರು. ಇದು ಲಕ್ಷ್ಯ ಸೇನ್​ಗೆ ಕ್ರಿಸ್ಟಿ ವಿರುದ್ಧ ಮೂರನೇ ಹೆಡ್-ಟು-ಹೆಡ್ ಪಂದ್ಯವಾಗಿದ್ದು, ಸೇನ್​ ಎರಡರಲ್ಲಿ ಸೋಲು ಕಂಡಿದ್ದಾರೆ.

ಇದನ್ನೂ ಓದಿ: ಸೆಮಿಫೈನಲ್‌ ಪ್ರವೇಶಿಸಿದ ಲಕ್ಷ್ಯ ಸೇನ್: ಕ್ವಾರ್ಟರ್‌ಫೈನಲ್‌ನಲ್ಲಿ ಎಡವಿದ ಪ್ರಣಯ್, ಸಾತ್ವಿಕ್‌, ಚಿರಾಗ್