ಚದುರಂಗದಾಟದಲ್ಲಿ ಭಾರತೀಯರ ಬುದ್ಧಿಪರಾಕ್ರಮಕ್ಕೆ ಸಾಟಿ ಇಲ್ಲ ಎಂಬುದು ಮತ್ತೆ ಸಾಬೀತಾಗಿದೆ. 5 ಬಾರಿಯ ವಿಶ್ವಚಾಂಪಿಯನ್, ವಿಶ್ವ ನಂ.1 ಆಟಗಾರ ನಾರ್ವೆಯ ಮ್ಯಾಗ್ನಸ್ ಕಾರ್ಲಸನ್ ಅವರು ಭಾರತ ಕಿರಿಯ ಆಟಗಾರರ ವಿರುದ್ಧ 2 ಬಾರಿ ಪರಾಭವಗೊಂಡಿದ್ದಾರೆ. ಐಮ್‌ಚೆಸ್ ರಾಪಿಡ್ ಆನ್ಲೈನ್ ಪಂದ್ಯಾವಳಿಯ 7 ನೇ ಸುತ್ತಿನಲ್ಲಿ ಭಾರತದ ಅರ್ಜುನ್ ಎರಿಗೈಸಿ ವಿರುದ್ಧ ಸೋತರೆ, 9 ನೇ ಸುತ್ತಿನಲ್ಲಿ ಡೊನ್ನಾರುಮ್ಮ ಗುಕೇಶ್ ವಿರುದ್ಧ ಮಂಡಿಯೂರಿದರು.
ಇದೇ ವರ್ಷದ 6 ತಿಂಗಳ ಅಂತರದಲ್ಲಿ 3 ಸಲ ನಾರ್ವೆಯ ಮ್ಯಾಗ್ನಸ್ ಕಾರ್ಲ್ಸನ್ಗೆ ತಮಿಳುನಾಡಿನ ಜೂನಿಯರ್ ಗ್ರ್ಯಾಂಡ್ಮಾಸ್ಟರ್ ಆರ್ ಪ್ರಗ್ನಾನಂದ್ ಸೋಲಿನ ಕಹಿ ತೋರಿಸಿದ್ದರು. ಇದೀಗ ಮತ್ತಿಬ್ಬರು ಭಾರತೀಯ ಗ್ರ್ಯಾಂಡ್ಮಾಸ್ಟರ್ಗಳು ವಿಶ್ವ ನಂ.1 ಆಟಗಾರನನ್ನು ಮಣಿಸಿದ್ದಾರೆ. ಭಾನುವಾರ ನಡೆದ ಟೂರ್ನಿಯ 7ನೇ ಸುತ್ತಿನ ಪಂದ್ಯದಲ್ಲಿ 19 ವರ್ಷದ ಅರ್ಜುನ್ ಎರಿಗೈಸಿ ಕಾರ್ಲ್ಸನ್ರನ್ನು ಸೋಲಿಸಿದರು. ಕಳೆದ ತಿಂಗಳು ಜ್ಯೂಲಿಯಸ್ ಬೇರ್ ಆನ್ಲೈನ್ ಟೂರ್ನಿಯಲ್ಲಿ ಕಾರ್ಲ್ಸನ್ ವಿರುದ್ಧ ಸೋತಿದ್ದರು.
ಬಳಿಕ ನಡೆದ 9ನೇ ಸುತ್ತಿನ ಪಂದ್ಯದಲ್ಲಿ ಭಾರತದ ಇನ್ನೊಬ್ಬ ಗ್ರ್ಯಾಂಡ್ಮಾಸ್ಟರ್ 16 ವರ್ಷದ ಡೊನ್ನಾರುಮ್ಮ ಗುಕೇಶ್ ಅವರು ಮ್ಯಾಗ್ನಸ್ ಕಾರ್ಲ್ಸನ್ ವಿರುದ್ಧವೇ ಕಣಕ್ಕಿಳಿದು ಜಯಿಸಿದರು. ಈ ಮೂಲಕ ವಿಶ್ವಚಾಂಪಿಯನ್ರನ್ನು ಸೋಲಿಸಿದ ಅತ್ಯಂತ ಕಿರಿಯ ಆಟಗಾರ ಎಂಬ ದಾಖಲೆ ಬರೆದರು.
ಓದಿ: ಬಾಲಕನ ಪ್ರತಿಭೆಗೆ ರೋಹಿತ್ ಶರ್ಮಾ ಫಿದಾ... ಅಭ್ಯಾಸದ ವೇಳೆ ಕರೆದು ಬೌಲಿಂಗ್ ಮಾಡಿಸಿಕೊಂಡ ಕ್ಯಾಫ್ಟನ್
