ಮನಿಲಾ(ಫಿಲಿಪೈನ್ಸ್): ಭಾರತದ ಅಗ್ರ ಡಬಲ್ಸ್ ಜೋಡಿಯಾದ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಬ್ಯಾಡ್ಮಿಂಟನ್ ಏಷ್ಯಾ ಚಾಂಪಿಯನ್ಶಿಪ್ಸ್ನಲ್ಲಿ ಮಂಗಳವಾರ ಥಾಯ್ ಜೋಡಿಯನ್ನು ಮಣಿಸಿ 2ನೇ ಸುತ್ತಿಗೆ ಪ್ರವೇಶಿಸಿದ್ದಾರೆ.
ವಿಶ್ವದ 7ನೇ ಶ್ರೇಯಾಂಕ ಮತ್ತು 3ನೇ ಸೀಡ್ ಪಡೆದಿರುವ ಭಾರತೀಯ ಜೋಡಿ ತುಂಬಾ ಕಷ್ಟಪಡದೇ 21-13, 21-9ರ ನೇರ ಗೇಮ್ಗಳಲ್ಲಿ ಥಾಯ್ ಜೋಡಿ ಅಪಿಲುಕ್ ಗುಟರ್‌ಹ್ಯಾಂಗ್ ಮತ್ತು ನ್ಯಾಚನೋನ್ ತುಲ್ಮೊಕ್ ರನ್ನು ಮಣಿಸಿದರು. ಸಾತ್ವಿಕ್ ಮತ್ತು ಚಿರಾಗ್ ಎರಡನೇ ಸುತ್ತಿನಲ್ಲಿ ಜಪಾನ್ನ ಅಕಿರೊ ಕೋಗಾ ಮತ್ತು ತೈಚಿ ಸಯಿಟೊ ವಿರುದ್ಧ ಸೆಣಸಾಡಲಿದ್ದಾರೆ.
ಇಶಾನ್ ಭಟ್ನಗರ್ ಮತ್ತು ತನಿಶಾ ಕೂಡ ಮಿಶ್ರ ಡಬಲ್ಸ್ನಲ್ಲಿ ದ್ವಿತೀಯ ಸುತ್ತು ಪ್ರವೇಶಿಸಿದ್ದಾರೆ. ಈ ಜೋಡಿ ಹಾಂಕಾಂಗ್ನ ಲಾ ಚೆವುಕ್ ಹಿಮ್ ಮತ್ತು ಯೆಂಗ್ ನಾ ಟಿಂಗ್ ವಿರುದ್ಧ 21-15,21-17ರಲ್ಲಿ ಜಯ ಸಾಧಿಸಿದರು.
ಆದರೆ ಕೃಷ್ಣ ಪ್ರಸಾದ್ ಮತ್ತು ವಿಷ್ಣುವರ್ಧನ್ ಗೌಡ್ ಪುರುಷರ ಡಬಲ್ಸ್ನಲ್ಲಿ ಮೊದಲ ಸುತ್ತಿನಲ್ಲೇ ಕೊರಿಯಾದ ಕಾಂಗ್ ಮಿನ್ಹ್ಯುಕ್ ಮತ್ತು ಕಿಮ್ ವೊನ್ಹೋ 10-21 21-19 16-21 ಸೋತು ಹೊರಬಿದ್ದರು.
ಇದನ್ನೂ ಓದಿ:'ನಮ್ಮಲ್ಲಿ ಅಸೂಯೆ ಜಾಸ್ತಿ, ಕೋಚ್ ಆದಾಗ ವೈಫಲ್ಯ ಅನುಭವಿಸಲೆಂದು ಸಾಕಷ್ಟು ಜನ ಬಯಸಿದ್ದರು'
