ಮನಿಲಾ(ಫಿಲಿಫೈನ್ಸ್) : ಎರಡು ಬಾರಿಯ ಒಲಿಂಪಿಕ್ಸ್ ಪದಕ ವಿಜೇತೆ ಪಿ ವಿ ಸಿಂಧು ಬ್ಯಾಡ್ಮಿಂಟನ್ ಏಷ್ಯಾ ಚಾಂಪಿಯನ್‌ಶಿಪ್‌ನ ಮಹಿಳಾ ಸಿಂಗಲ್ಸ್ನಲ್ಲಿ ಸೆಮಿಫೈನಲ್ನಲ್ಲಿ ಜಪಾನ್ನ ಅಕಾನೆ ಯಮಗುಚಿ ವಿರುದ್ಧ ಸೋಲು ಕಾಣುವ ಮೂಲಕ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ.
ಶನಿವಾರ ನಡೆದ ನಾಲ್ಕರ ಘಟ್ಟದ ಪಂದ್ಯದಲ್ಲಿ ಸಿಂಧು 3 ಗೇಮ್ಗಳ ಪಂದ್ಯದಲ್ಲಿ 21-13 19-21, 16-21ರ ಅಂತರದಲ್ಲಿ ಸೋಲು ಕಂಡರು. ಮೊದಲ ಗೇಮ್ನಲ್ಲಿ ಉತ್ತಮ ಪ್ರದರ್ಶನ ತೋರಿ ಗೆದ್ದ ಸಿಂಧು 2ನೇ ಗೇಮ್ನಲ್ಲಿ ರೋಚಕ ಸೋಲು ಕಂಡರು. ಆದರೆ ಮೂರನೇ ಗೇಮ್ನಲ್ಲಿ ಜಪಾನ್ ಆಟಗಾರ್ತಿ ಮೇಲುಗೈ ಸಾಧಿಸಿ ಫೈನಲ್ ಪ್ರವೇಶಿಸಿದರು. ಈ ಟೂರ್ನಮೆಂಟ್ನಲ್ಲಿ ಸಿಂಧು ಪಡೆದ 2ನೇ ಪದಕ ಇದಾಗಿದೆ. 2014 ರ ಆವೃತ್ತಿಯಲ್ಲಿ ಸಿಂಧು ಕಂಚಿನ ಪದಕ ಪಡೆದಿದ್ದರು.
ಸಿಂಧುಗೆ ಮುಳುವಾದ ಪೆನಾಲ್ಟಿ: ಸಿಂಧು 11-14ರಲ್ಲಿ ಹಿನ್ನಡೆ ಪಡೆದಿದ್ದ ಸಂದರ್ಭದಲ್ಲಿ ಅಂಪೈರ್ ಲೇಟ್ ಸರ್ವ್ ನೆಪವೊಡ್ಡಿ ಒಂದು ಅಂಕ ಕಡಿತಗೊಳಿಸಿ ಸರ್ವ್ಅನ್ನು ಯಮಗುಚಿಗೆ ನೀಡಿದರು. ರೆಫ್ರಿ ಜೊತೆಗಿನ ವಾಗ್ವಾದದ ಸಮಯವನ್ನು ಬಳಸಿಕೊಂಡ ಜಪಾನ್ ಆಟಗಾರ್ತಿ ಮತ್ತೆ ಸಿಂಧುವನ್ನು ಪಂದ್ಯದಲ್ಲಿ ಸೆಟ್ ಆಗಲು ಬಿಡಲಿಲ್ಲ. ಪಿ ವಿ ಸಿಂಧು ಸೋಲಿನೊಂದಿಗೆ ಟೂರ್ನಿಯಲ್ಲಿ ಭಾರತೀಯರ ಸವಾಲು ಕೂಡ ಅಂತ್ಯವಾಯಿತು.
ಇದನ್ನೂ ಓದಿ:14 ಪಂದ್ಯಗಳ ಬಳಿಕ ಐಪಿಎಲ್ನಲ್ಲಿ ಅರ್ಧಶತಕ ಸಿಡಿಸಿದ ವಿರಾಟ್ ಕೊಹ್ಲಿ!
