Asian Kabaddi Championship: 8ನೇ ಬಾರಿಗೆ ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್‌ ಗೆದ್ದು ಬೀಗಿದ ಭಾರತ!

ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್: ಇರಾನ್ ತಂಡವನ್ನು ಮಣಿಸಿದ ಭಾರತ ಪ್ರಶಸ್ತಿ ಗೆದ್ದುಕೊಂಡಿತು.

ಬುಸಾನ್ (ದಕ್ಷಿಣ ಕೊರಿಯಾ) : ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್​​​ನಲ್ಲಿ ಭಾರತ ತಂಡ ತನ್ನ ಪಾರಮ್ಯ ಮುಂದುವರೆಸಿದ್ದು ಸತತ ಎಂಟನೇ ಬಾರಿಗೆ ದಾಖಲೆಯ ಪ್ರಶಸ್ತಿ​ ಮುಡಿಗೇರಿಸಿಕೊಂಡಿತು. ಶುಕ್ರವಾರ ನಡೆದ ಫೈನಲ್​ ಪಂದ್ಯದಲ್ಲಿ ಇರಾನ್ ತಂಡವನ್ನು ಮಣಿಸಿ ಈ ಸಾಧನೆ ತೋರಿತು.

ಕೊರಿಯಾದ ಬುಸಾನ್‌ನಲ್ಲಿರುವ ಡಾಂಗ್-ಇಯುಯಿ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸಿಯೋಕ್‌ಡಾಂಗ್ ಕಲ್ಚರಲ್ ಸೆಂಟರ್‌ನಲ್ಲಿ ನಡೆದ ಫೈನಲ್‌ನಲ್ಲಿ ಭಾರತವು 42-32 ರಿಂದ ಇರಾನ್ ತಂಡವನ್ನು ಸೋಲಿಸಿತು. ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್​ನ ಒಂಬತ್ತು ಆವೃತ್ತಿಗಳಲ್ಲಿ ಭಾರತ ಎಂಟನೇ ಪ್ರಶಸ್ತಿ ಗೆದ್ದುಕೊಂಡಿತು. ಅಂತಿಮ ಪಂದ್ಯದಲ್ಲಿ ತಂಡದ ನಾಯಕ ಪವನ್ ಸೆಹ್ರಾವತ್ ಸೂಪರ್ 10​ ಸಾಧಿಸಿ ತಂಡದ ಗೆಲುವಿಗೆ ಕಾರಣರಾದರು.

ಭಾರತ ಆರಂಭದಿಂದಲೇ ಬಿಗಿಹಿಡಿತ ಸಾಧಿಸಿತು. ಮೊದಲ ಐದು ನಿಮಿಷದಲ್ಲಿ ಇರಾನ್​ಗೆ ಸೋತು ಖಾತ್ರಿ ಮಾಡಿತು. ಪವನ್ ಸೆಹ್ರಾವತ್ ಮತ್ತು ಅಸ್ಲಾಮ್ ಇನಾಮದಾರ್​ ಅವರ ಯಶಸ್ವಿ ದಾಳಿ ಮತ್ತು ಕೆಲವು ಟ್ಯಾಕಲ್​ ಪಾಯಿಂಟ್​​ಗಳಿಂದ 10ನೇ ನಿಮಿಷದಲ್ಲಿ ಇರಾನ್​ ಮೊದಲ ಆಲೌಟ್​ ಅನುಭವಿಸಿತು.

• India WIN Asia Kabaddi Championship title 🔥🔥🔥
  ➡️ India BEAT Iran 42-32 in Final.
  ➡️ It's record 8th title for India in overall 9 editions. pic.twitter.com/UYl82Vu6tJ

  — India_AllSports (@India_AllSports) June 30, 2023 " class="align-text-top noRightClick twitterSection" data="

  India WIN Asia Kabaddi Championship title 🔥🔥🔥
  ➡️ India BEAT Iran 42-32 in Final.
  ➡️ It's record 8th title for India in overall 9 editions. pic.twitter.com/UYl82Vu6tJ

  — India_AllSports (@India_AllSports) June 30, 2023

  ">

  India WIN Asia Kabaddi Championship title 🔥🔥🔥
  ➡️ India BEAT Iran 42-32 in Final.
  ➡️ It's record 8th title for India in overall 9 editions. pic.twitter.com/UYl82Vu6tJ

  — India_AllSports (@India_AllSports) June 30, 2023

ಆಲೌಟ್​ ನಂತರ ಮತ್ತೆ ಮೈದಾನಕ್ಕೆ ಬಂದ ಇರಾನ್ ಬೋನಸ್​ ಜೊತೆಗೆ ಅಂಕಗಳನ್ನು ಕಲೆಹಾಕಲು ಪ್ರಾರಂಭಿಸಿತು. ಆದರೆ, ಪವನ್ ಸೆಹ್ರಾವತ್ ನಾಯಕತ್ವದಲ್ಲಿ ಭಾರತ ಉತ್ತಮ ಆಲ್​ರೌಂಡ್​ ಪ್ರದರ್ಶನ​ ನೀಡಿತು. ಇದರಿಂದಾಗಿ 19ನೇ ನಿಮಿಷದಲ್ಲಿ ಇರಾನ್​ ಎರಡನೇ ಬಾರಿಗೆ ಆಲೌಟ್​ ಆಯಿತು. ಇದರಿಂದ ಭಾರತ ಹೆಚ್ಚಿನ ಮುನ್ನಡೆ ಕಾಯ್ದುಕೊಂಡಿತು. ಪವನ್​ ಅವರ ಅದ್ಭುತ ರೈಡ್​ನಿಂದಾಗಿ ಇರಾನ್​ ಮೂರನೇ ಬಾರಿಗೂ ಇದೇ ರೀತಿಯ ಆಲೌಟ್​ ಸಂಕಷ್ಟ ಅನುಭವಿಸಿತು. ಭಾರತ ಈ ವೇಳೆಗೆ 33-14 ರ ಮುನ್ನಡೆ ಪಡೆದುಕೊಂಡಿತ್ತು.

ಮೂರನೇ ಬಾರಿಗೆ ಮತ್ತೆ ಆಲೌಟ್​ ಆಗಿ 19 ಅಂಕಗಳ ಹಿನ್ನಡೆಯಲ್ಲಿದ್ದ ಇರಾನ್​ ಒಮ್ಮೆಗೆ ಪುಟಿದೆದ್ದಿತು. ನಾಯಕ ಭರ್ಜರಿ ರೈಡ್​ ಪಾಯಿಂಟ್​ಗಳನ್ನು ಗಳಿಸಿ ಭಾರತವನ್ನು ಸವಾಲಾದರು. ಇದರ ಪರಿಣಾಮ 29ನೇ ನಿಮಿಷದಲ್ಲಿ ಭಾರತ ಆಲೌಟ್​ ಆಯಿತು. ಇದರಿಂದಾಗಿ ಅಂಕಗಳ ಅಂತರ 11ಕ್ಕೆ (34- 23) ಕುಸಿಯಿತು. ಕೊನೆಯ 10 ನಿಮಿಷ ಪಂದ್ಯವಿದ್ದಾಗ ಭಾರತ 10 ಅಂಕದ ವ್ಯತ್ಯಾಸ ಹೊಂದಿತ್ತು. ಕೊನೆಯ ಹತ್ತು ನಿಮಿಷ ಅಂಕವನ್ನು ಎದುರಾಳಿಗೆ ಬಿಟ್ಟುಕೊಟ್ಟಷ್ಟೇ ಪ್ರಮಾಣದಲ್ಲಿ ಭಾರತ ಅಂಕಗಳನ್ನೂ ಕಸಿಯುತ್ತಾ ಸಾಗಿತು. ಹೀಗಾಗಿ ಪಂದ್ಯದಂತ್ಯಕ್ಕೆ ತಂಡ 10 ಅಂಕದ ಅಂತರದಲ್ಲಿ ಗೆಲುವು ದಾಖಲಿಸಿತು.

ಹಾಂಕಾಂಗ್​ ವಿರುದ್ಧ ಭರ್ಜರಿ ಜಯ: ಫೈನಲ್​ ಪಂದ್ಯಕ್ಕೂ ಮುನ್ನ ಭಾರತ ತಂಡ ಹಾಂ​ಕಾಂಗ್​ ಅನ್ನು ಎದುರಿಸಿತ್ತು. ಇದರಲ್ಲಿ ಭಾರತ ತಂಡ 44 (64-20) ಅಂಕಗಳ ಅಂತರದ ಬೃಹತ್​ ಗೆಲುವು ಸಾಧಿಸಿತ್ತು. ಇದರಿಂದ ತಂಡ ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್​ ಫೈನಲ್​ಗೆ ಸೋಲಿಲ್ಲದೇ ಪ್ರವೇಶ ಪಡೆದುಕೊಂಡಿತು. ಇರಾನ್​ ಗುರುವಾರದ ಪಂದ್ಯದಲ್ಲಿ ಭಾರತದ ವಿರುದ್ಧ 33-28 ರಿಂದ ಸೋತು ಉಳಿದ ನಾಲ್ಕು ಪಂದ್ಯಗಳನ್ನು ಗೆದ್ದು ಫೈನಲ್​ ಪ್ರವೇಶಿಸಿತ್ತು.

ಇದನ್ನೂ ಓದಿ: Asian Kabaddi Championship: ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್​- ಭಾರತಕ್ಕೆ ಹ್ಯಾಟ್ರಿಕ್​ ಜಯ