ಏಷ್ಯಾಡ್​​ನಲ್ಲಿ 'ಸಾಚಿ' ಜೋಡಿ ವಿಕ್ರಮ.. ಬ್ಯಾಡ್ಮಿಂಟನ್​ನಲ್ಲಿ ಮೊದಲ ಬಾರಿಗೆ ದಾಖಲೆಯ ಚಿನ್ನ

ಪುರುಷರ ಬ್ಯಾಡ್ಮಿಂಟನ್ ಡಬಲ್ಸ್ ಫೈನಲ್‌ನಲ್ಲಿ ಭಾರತದ ಸಾತ್ವಿಕ್‌ ಸಾಯಿರಾಜ್ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಜೋಡಿಯು ಕೊರಿಯಾ ತಂಡವನ್ನು ಮಣಿಸಿದೆ.

ಹ್ಯಾಂಗ್‌ಝೌ: ಇಲ್ಲಿ ನಡೆಯುತ್ತಿರುವ ಏಷ್ಯನ್​ ಗೇಮ್ಸ್​ನಲ್ಲಿ ಭಾರತ ಮತ್ತೊಂದು ದಾಖಲೆ ಬರೆದಿದೆ. ಏಷ್ಯಾಡ್​ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಬ್ಯಾಡ್ಮಿಂಟನ್​ನಲ್ಲಿ ಚಿನ್ನದ ಪದಕ ಪಡೆದಿದೆ. ಪುರುಷರ ಬ್ಯಾಡ್ಮಿಂಟನ್‌ ಡಬಲ್ಸ್‌ ಫೈನಲ್‌ನಲ್ಲಿ 'ಸಾಚಿ' ಖ್ಯಾತಿಯ ಸಾತ್ವಿಕ್‌ ಸಾಯಿರಾಜ್‌ ರಾಂಕಿರೆಡ್ಡಿ ಮತ್ತು ಚಿರಾಗ್‌ ಶೆಟ್ಟಿ ಜೋಡಿ ಕೊರಿಯಾದ ಚೊಯ್‌ ಸೊಲ್​ಗ್ಯೂ ಮತ್ತು ಕಿಮ್‌ ವೊನ್ಹೊ ಜೋಡಿಯನ್ನು ಸೋಲಿಸಿ, ಬಂಗಾರದ ಪದಕಕ್ಕೆ ಕೊರಳೊಡ್ಡಿದ್ದಾರೆ. ಈ ಮೂಲಕ ಭಾರತ ಏಷ್ಯಾಡ್​ನಲ್ಲಿ 101 ನೇ ಪದಕವನ್ನು ತನ್ನದಾಗಿಸಿಕೊಂಡಿತು.

ಈ ಪದಕದೊಂದಿಗೆ ಭಾರತ ಬ್ಯಾಡ್ಮಿಂಟನ್​ನಲ್ಲಿ ಮೂರನೇ ಪದಕ ಗೆದ್ದಿತು. ಪುರುಷರ ಸಿಂಗಲ್ಸ್​ನಲ್ಲಿ ಹೆಚ್​ಎಸ್​ ಪ್ರಣೋಯ್​ ಕಂಚು ಗೆದ್ದರೆ, ಪುರುಷರ ಡಬಲ್ಸ್​ನಲ್ಲಿ ಸಾಚಿ ಜೋಡಿ ಚಿನ್ನ ಮತ್ತು ಪುರುಷರ ಇನ್ನೊಂದು ತಂಡ ಬೆಳ್ಳಿ ಪದಕ ಪಡೆಯಿತು.

ಪಂದ್ಯ ಹೀಗಿತ್ತು: ಸವಾಲಿನಿಂದ ಕೂಡಿದ್ದ ಡಬಲ್ಸ್​ನ ಫೈನಲ್​ ಪಂದ್ಯದಲ್ಲಿ ಭಾರತದ ಜೋಡಿಯು, ದಕ್ಷಿಣ ಕೊರಿಯಾದ ಚೊಯ್‌ ಸೊಲ್​ಗ್ಯೂ ಮತ್ತು ಕಿಮ್‌ ವೊನ್ಹೊ ಜೋಡಿಯನ್ನು 57 ನಿಮಿಷಗಳಲ್ಲಿ 21-18, 21-16 ನೇರ ಸೆಟ್​ಗಳಿಂದ ಸೋಲಿಸಿ ತಮ್ಮ ಅಮೋಘ ಪ್ರದರ್ಶನವನ್ನು ಮುಂದುವರಿಸಿತು. ಮೊದಲ ಸೆಟ್‌ನಲ್ಲಿ ದಕ್ಷಿಣ ಕೊರಿಯಾ ಜೋಡಿ 18-15ರಲ್ಲಿ ಮುನ್ನಡೆ ಸಾಧಿಸಿತ್ತು. ಭಾರತದ ಸ್ಟಾರ್ ಜೋಡಿ ಮರು ಹೋರಾಟ ನಡೆಸಿ, ಆರು ಅಂಕಗಳನ್ನು ಸತತವಾಗಿ ಖಾತೆಗೆ ಸೇರಿಸಿಕೊಳ್ಳುವ ಮೂಲಕ 21-18 ರಿಂದ ಮೊದಲ ಸೆಟ್ ಅನ್ನು ಗೆದ್ದಿತು.

• 🇮🇳's Historic Gold in Badminton 🥇🏸@satwiksairaj and @Shettychirag04 soar to victory in the Badminton Men's Doubles finals, clinching the coveted Gold Medal for the 1️⃣st time ever in the Asian Games history🏆🇮🇳
  
  Their incredible teamwork and unwavering spirit have made India… pic.twitter.com/iRqNLRHTs2

  — SAI Media (@Media_SAI) October 7, 2023 " class="align-text-top noRightClick twitterSection" data="

  🇮🇳's Historic Gold in Badminton 🥇🏸@satwiksairaj and @Shettychirag04 soar to victory in the Badminton Men's Doubles finals, clinching the coveted Gold Medal for the 1️⃣st time ever in the Asian Games history🏆🇮🇳
  
  Their incredible teamwork and unwavering spirit have made India… pic.twitter.com/iRqNLRHTs2

  — SAI Media (@Media_SAI) October 7, 2023

  ">

  🇮🇳's Historic Gold in Badminton 🥇🏸@satwiksairaj and @Shettychirag04 soar to victory in the Badminton Men's Doubles finals, clinching the coveted Gold Medal for the 1️⃣st time ever in the Asian Games history🏆🇮🇳
  
  Their incredible teamwork and unwavering spirit have made India… pic.twitter.com/iRqNLRHTs2

  — SAI Media (@Media_SAI) October 7, 2023

ಎರಡನೇ ಸೆಟ್​ನಲ್ಲೂ ಕೊರಿಯಾ ಜೋಡಿಗೆ ಯಾವುದೇ ಹಂತದಲ್ಲಿ ಮುನ್ನಡೆ ಸಾಧಿಸಲು ಬಿಡದ ಸಾತ್ವಿಕ್ ಸಾಯಿರಾಜ್-ಚಿರಾಗ್ ಸತತವಾಗಿ ಅಂಕ ಕಲೆ ಹಾಕಿ 21-16 ರಲ್ಲಿ ಎರಡನೇ ಸೆಟ್​​ ಅನ್ನೂ ಗೆದ್ದು ಐತಿಹಾಸಿಕ ಚಿನ್ನಕ್ಕೆ ಮುತ್ತಿಟ್ಟಿತು. ಇದಕ್ಕೂ ಮುನ್ನ ಈರ್ವರು ಆಟಗಾರರು ಏಷ್ಯಾ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನ, ಇಂಡೋನೇಷ್ಯಾ ಸೂಪರ್ 1000, ಕೊರಿಯಾ ಸೂಪರ್ 500 ಮತ್ತು ಸ್ವಿಸ್ ಓಪನ್ ಸೂಪರ್ 300 ಅನ್ನು ಗೆದ್ದಿದ್ದರು.

ಈ ಹಿಂದಿನ ಪದಕ ಸಾಧನೆ: 2018 ರ ಏಷ್ಯನ್ ಗೇಮ್ಸ್‌ನಲ್ಲಿ ಭಾರತದ ಅಗ್ರ ಬ್ಯಾಡ್ಮಿಂಟನ್​ ಆಟಗಾರ್ತಿ ಪಿವಿ ಸಿಂಧು ಸಿಂಗಲ್ಸ್​ ವಿಭಾಗದಲ್ಲಿ ಬೆಳ್ಳಿ ಪದಕ ಗೆದ್ದಿದ್ದರು. 1982 ರಲ್ಲಿ ಲೆರಾಯ್ ಡಿಸಾ ಮತ್ತು ಪ್ರದೀಪ್ ಗಂಧೆ ಕಂಚಿನ ಪದಕ ಗೆದ್ದಿದ್ದರು. ಇದಾದ ನಂತರ 41 ವರ್ಷಗಳ ಬಳಿಕ ಪುರುಷರ ಡಬಲ್ಸ್‌ನಲ್ಲಿ ಭಾರತದ ಮೊದಲ ಬಾರಿಗೆ ಐತಿಹಾಸಿಕ ಚಿನ್ನದ ಸಾಧನೆ ಮಾಡಿದೆ.

ಇದನ್ನೂ ಓದಿ: ಏಷ್ಯನ್ ಗೇಮ್ಸ್​ನಲ್ಲಿ ಭಾರತದ ಪದಕಗಳ ಶತಕದ ಸಾಧನೆ... ಕಬಡ್ಡಿಯಲ್ಲಿ ಭಾರತ ಮಹಿಳಾ ತಂಡಕ್ಕೆ ಚಿನ್ನದ ಗರಿ..