ಫುಕೆಟ್(ಥಾಯ್ಲೆಂಡ್): ಇಲ್ಲಿ ನಡೆಯುತ್ತಿರುವ ಆರ್ಚರಿ ಏಷ್ಯಾಕಪ್ನ ರಿಕರ್ವ್ ಮಿಶ್ರ ಸ್ಪರ್ಧೆಯ ಸೆಮಿಫೈನಲ್ ಪಂದ್ಯದಲ್ಲಿ ಮಲೇಷಿಯಾದ ಆಟಗಾರರನ್ನು ಸೋಲಿಸಿದ ಭಾರತೀಯ ಬಿಲ್ಲುಗಾರರಾದ ಪಾರ್ಥ್ ಸಾಲುಂಖೆ ಮತ್ತು ರಿಧಿ ಫೋರ್ ಫೈನಲ್ ತಲುಪಿದ್ದಾರೆ. ಈ ಮೂಲಕ ಸ್ಪರ್ಧೆಯಲ್ಲಿ ಕಂಚು ಸೇರಿದಂತೆ 8 ಪದಕಗಳು ಭಾರತದ ಸೇರುವ ನಿರೀಕ್ಷೆ ಇದೆ.
ಭಾರತದ ಅಗ್ರ ಶ್ರೇಯಾಂಕದ ಜೋಡಿಯಾದ ಪಾರ್ಥ್ ಸಾಲುಂಖೆ ಮತ್ತು ರಿಧಿ ಮಲೇಷಿಯಾದ ಜೋಡಿಯ ವಿರುದ್ಧ 6-2 ಅಂತರದಿಂದ ಜಯ ಸಾಧಿಸಿದರು. ಶನಿವಾರ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಬಾಂಗ್ಲಾದ ಜೋಡಿಯನ್ನು ಎದುರಿಸಲಿದ್ದಾರೆ.
ರಿಷಬ್- ಸಾಕ್ಷಿಗೆ ನಿರಾಸೆ: ಭಾರತದ ಇನ್ನೊಂದು ಆರ್ಚರಿ ಜೋಡಿಯಾದ ರಿಷಭ್ ಮತ್ತು ಸಾಕ್ಷಿ ಚೌಧರಿ ಮೊದಲ ಸುತ್ತಿನಲ್ಲಿಯೇ ಹೊರಬಿದ್ದಿದ್ದಾರೆ. ಇವರು ಮಲೇಷಿಯಾದ ಜೋಡಿಯ ವಿರುದ್ಧ 151-153 ರಿಂದ ಸೋರು ನಿರಾಸೆ ಅನುಭವಿಸಿದ್ದಾರೆ.
ಇದನ್ನೂ ಓದಿ: ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ: ಜಪಾನ್ ವಿರುದ್ಧ ಸೋತು ಹೊರಬಿದ್ದ ಭಾರತ ಹಾಕಿ ತಂಡ
