ನವದೆಹಲಿ: ಭಾರತದ ಗೌರವ್ ಸೈನಿ 70 ಕೆಜಿ ವಿಭಾಗದ ಜೂನಿಯರ್ ಬಾಯ್ಸ್ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ. ಅವರು ಎಎಸ್ಬಿಸಿ ಏಷ್ಯನ್ ಯೂತ್ & ಜೂನಿಯರ್ ಬಾಕ್ಸಿಂಗ್ ಚಾಂಪಿಯನ್ಶಿಪ್ಸ್ನಲ್ಲಿ ಸೋಮವಾರ ಕಿರ್ಗಿಸ್ತಾನದ ಜಾಕಿರೋವ್ ಮುಖಮಾಡಾಜಿಜ್ ಅವರನ್ನು ಮಣಿಸಿದರು.
ಹರಿಯಾಣದ ಗೌರವ್ ಇಂದಿನ ಪಂದ್ಯದಲ್ಲಿ ಎದುರಾಳಿ ಬಾಕ್ಸರ್ನಿಂದ ಪ್ರತಿರೋಧ ಎದುರಾದರೂ ತಮ್ಮ ಬಲಿಷ್ಠ ಪಂಚ್ಗಳಿಂದ 4-1ರಲ್ಲಿ ಗೆಲುವು ಸಾಧಿಸಿದರು. ಇವರಷ್ಟೇ ಅಲ್ಲದೆ 3 ಬಾಕ್ಸರ್ಗಳು ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಮತ್ತೆ ಪದಕಗಳನ್ನು ಖಚಿತಪಡಿಸಿದರು.
54 ಕೆಜಿ ವಿಭಾಗದಲ್ಲಿ ಆಶಿಷ್ ತಜಿಕಿಸ್ತಾನ ರೆಹ್ಮನೊವ್ ಜಾಫರ್ ವಿರುದ್ಧ 5-0ಯಲ್ಲಿ, ಅನ್ಶುಲ್ 57 ಕೆಜಿ ವಿಭಾಗದಲ್ಲಿ ಸ್ಥಳೀಯ ಬಾಕ್ಸರ್ ಮನ್ಸೂರ್ ಖಲೀದ್ ವಿರುದ್ಧ ಗೆಲುವು ಸಾಧಿಸಿದರು. ಅನ್ಶುಲ್ ನಿರಂತರ ದಾಳಿ ನಡೆಸಿದ್ದರಿಂದ ಎದುರಾಳಿ ಚೇತರಿಸಿಕೊಳ್ಳುವಲ್ಲಿ ವಿಫಲರಾದ ಕಾರಣ ರೆಫ್ರಿ ಭಾರತೀಯನನ್ನು ವಿಜೇತರೆಂದು ಘೋಷಿಸಿದರು.
81+ ಕೆಜಿ ವಿಭಾಗದಲ್ಲಿ ಭರತ್ ಕಠಿಣ ಪೈಪೋಟಿಯ ನಡುವೆಯೂ 3-2ರಲ್ಲಿ ಉಜ್ಬೆಕಿಸ್ತಾನದ ಕೆನೆಸ್ಬೇವ್ ಅಯ್ನಾಜರ್ ಟೋಲಿಬೇ ವಿರುದ್ಧ ಗೆದ್ದು ಅಂತಿಮ ನಾಲ್ಕರ ಘಟ್ಟ ಪ್ರವೇಶಿಸಿದರು. 46 ಕೆಜಿ ವಿಭಾಗದಲ್ಲಿ ಕ್ರಿಸ್ ಪಾಲ್, 63 ಕೆಜಿ ವಿಭಾಗದಲ್ಲಿ ಪ್ರೀತ್ ಮಲಿಕ್ 8ರ ಘಟ್ಟದಲ್ಲಿ ಸೋಲು ಕಂಡರು.
ಇದೇ ಮೊದಲ ಬಾರಿಗೆ ಜೂನಿಯರ್ ಮತ್ತು ವಯಸ್ಸಿನಾಧಾರಿತ ಬಾಕ್ಸರ್ಗಳು ಒಂದೇ ಬಾರಿಗೆ ಏಷ್ಯನ್ ಚಾಂಪಿಯನ್ಶಿಪ್ನಲ್ಲಿ ಭಾಗವಹಿಸಿದ್ದಾರೆ. ಈಗಾಗಾಲೆ ಈ ಯುವ ಬಾಕ್ಸರ್ಗಳು ಭಾರತಕ್ಕೆ 25ಕ್ಕೂ ಹೆಚ್ಚು ಪದಕಗಳನ್ನು ಖಚಿತಪಡಿಸಿದ್ದಾರೆ.
ಇದನ್ನು ಓದಿ:ಗಾಯದ ಕಾರಣ ವಿಶ್ವಚಾಂಪಿಯನ್ಶಿಪ್ನಿಂದ ಬಜರಂಗ್ ಪೂನಿಯಾ ದೂರ
