ಟುರಿನ್: ಪೋರ್ಚುಗಲ್ ಸ್ಟಾರ್ ಫುಟ್ಬಾಲ್ ಆಟಗಾರ ಕ್ರಿಸ್ಚಿಯಾನೋ ರೊನಾಲ್ಡೊ ಭಾನುವಾರ ಯುಡಿನೆಸ್ ವಿರುದ್ಧ ಜುವೆಂಟಸ್ಗೆ 2 ಗೋಲು ಸಿಡಿಸುವ ಮೂಲಕ ಬ್ರೆಜಿಲಿಯನ್ ಲೆಜೆಂಡ್ ಪೀಲೆ ಅವರನ್ನು ಹಿಂದಿಕ್ಕಿ ಸ್ಪರ್ಧಾತ್ಮಕ ಫುಟ್ಬಾಲ್ನಲ್ಲಿ ಗರಿಷ್ಠ ಗೋಲು ಸಿಡಿಸಿದರವರ ಪಟ್ಟಿಯಲ್ಲಿ 2ನೇ ಸ್ಥಾನಕ್ಕೇರಿದ್ದಾರೆ.
ಭಾನುವಾರದ ಸಿರೀ ಎ ಟೂರ್ನಿಯಲ್ಲಿ ಜುವೆಂಟಸ್ 4-1 ಗೋಲುಗಳ ಅಂತದಲ್ಲಿ ಜಯ ಸಾಧಿಸಿತು. ಈ ಪಂದ್ಯದಲ್ಲಿ ಜುವೆಂಟಸ್ ಪರ ರೊನಾಲ್ಡೊ 2 ಗೋಲು ಸಿಡಿಸಿದರೆ, ಫೆಡರಿಕೊ ಚೀಸಾ ಮತ್ತು ಪೌಲೊ ಡಿಬಾಲಾ ತಲಾ ಒಂದು ಗೋಲು ಸಿಡಿಸಿ ಗೆಲುವಿನ ರೂವಾರಿಯಾದರು. ಈ ಎರಡು ಗೋಲುಗಳು ರೊನಾಲ್ಡೊ ಅವರ ವೃತ್ತಿ ಜೀವನದ 757 ಮತ್ತು 758ನೇ ಗೋಲುಗಳಾದವು.
ಈ ಮೂಲಕ ಫುಟ್ಬಾಲ್ನಲ್ಲಿ ಹೆಚ್ಚು ಗೋಲು ಸಿಡಿಸಿದವರ ಪಟ್ಟಿಯಲ್ಲಿ ಪೋರ್ಚುಗಲ್ ನಾಯಕ 2ನೇ ಸ್ಥಾನ ಪಡೆದರು. ಮೊದಲ ಸ್ಥಾನದದಲ್ಲಿ ಆಸ್ಟ್ರಿಯನ್ ಆಟಗಾರ ಜೋಸೆಫ್ ಬಿಕಾನ್ ಇದ್ದು, ಅವರು 1932-1955ರ ಅವಧಿಯಲ್ಲಿ 530 ಪಂದ್ಯಗಳಲ್ಲಿ 805 ಗೋಲು ಗಳಿಸಿದ್ದಾರೆ. ಪೀಲೆ 1956-77ರವರೆಗೆ 757 ಗೋಲು ಗಳಿಸಿ 3ನೇ ಸ್ಥಾನಕ್ಕೆ ಕುಸಿದಿದ್ದಾರೆ.
2002ರಲ್ಲಿ ಫುಟ್ಬಾಲ್ಗೆ ಪದಾರ್ಪಣೆ ಮಾಡಿದ ರೊನಾಲ್ಡೊ, 18 ವರ್ಷಗಳ ವೃತ್ತಿ ಜೀವನದಲ್ಲಿ ವಿವಿಧ ಕ್ಲಬ್ಗಳ ಪರ 656 ಮತ್ತ ಪೋರ್ಚುಗಲ್ ಪರ 118 ಗೋಲು ಗಳಿಸಿದ್ದಾರೆ. ರೊನಾಲ್ಡೊ ಮ್ಯಾಂಚೆಸ್ಟರ್ ಯುನೈಟೆಡ್ ಪರ 118, ರಿಯಲ್ ಮ್ಯಾಡ್ರಿಡ್ ಪರ 450 ಗೋಲು ಸಿಡಿಸಿದ್ದಾರೆ.
ಇದನ್ನೂ ಓದಿ: ಬಾರ್ಸಿಲೋನಾ ಪರ 500ನೇ ಪಂದ್ಯ ಆಡಿದ ಲಿಯೋನೆಲ್ ಮೆಸ್ಸಿ:
