ಮಿಲನ್: ಪೋರ್ಚುಗೀಸ್ ಸ್ಟಾರ್ ಕ್ರಿಶ್ವಿಯಾನೊ ರೊನಾಲ್ಡೊ ಸಿಡಿಸಿದ ಗೋಲಿನ ನೆರವಿನಿಂದ ಭಾನುವಾರ ನಡೆದ ಪಂದ್ಯದಲ್ಲಿ ಸಂಪಡೋರಿಯಾ ವಿರುದ್ಧ 2-0ಯ ಜಯ ಗಳಿಸುವ ಮೂಲಕ ಜುವೆಂಟಸ್ ತಂಡ ಸತತ 9ನೇ ಬಾರಿಗೆ ಸೀರಿ ಎ ಪ್ರಶಸ್ತಿ ಜಯಿಸಿದೆ.
ನಿನ್ನೆಯ ಪಂದ್ಯದಲ್ಲಿ ಕ್ರಿಸ್ಚಿಯಾನೊ ರೊನಾಲ್ಡೋ 45+7ನೇ ನಿಮಿಷದಲ್ಲಿ ಮೊದಲ ಗೋಲ್ ಬಾರಿಸಿ ತಂಡಕ್ಕೆ ಮುನ್ನಡೆ ಕೊಟ್ಟರು. ಅದಾಗಿ 66ನೇ ನಿಮಿಷದಲ್ಲಿ ಫೆಡೆರಿಕೊ ಬರ್ನಾರ್ಡೆಸ್ಚಿ ಎರಡನೇ ಗೋಲ್ ಬಾರಿಸಿ ಗೆಲುವಿನ ಅಂತರ ಹೆಚ್ಚಿಸಿದರು.
ಇದೀಗ ಜುವೆಂಟಸ್ ತಂಡ ಇನ್ನು 2 ಪಂದ್ಯಗಳು ಬಾಕಿ ಉಳಿದಿದ್ದರೂ ಟ್ರೋಫಿ ಗೆಲ್ಲಲು ಬೇಕಾದಷ್ಟು ಅಂಕ ಹೊಂದಿರುವುದರಿಂದ ಪ್ರಶಸ್ತಿ ವಶಪಡಿಸಿಕೊಂಡಿದೆ.
ಈ ಪಂದ್ಯ ಗೆಲ್ಲುತ್ತಿದ್ದಂತೆ ಇಂಟರ್ ಮಿಲನ್ ತಂಡವನ್ನು ಹಿಂದಿಕ್ಕಿ ಮೊದಲ ಸ್ಥಾಕ್ಕೇರಿದ ಜುವೆಂಟಸ್ ಪ್ರಶಸ್ತಿ ತನ್ನದಾಗಿಸಿಕೊಂಡಿದೆ. ಎರಡನೇ ಸ್ಥಾನದಲ್ಲಿರುವ ಇಂಟರ್ ಮಿಲನ್ ತಂಡಕ್ಕಿಂತ ಜುವೆಂಟಸ್ 7 ಅಂಕ ಹೆಚ್ಚು ಪಡೆದಿದೆ.
