ಅರ್ಜೆಂಟೀನಾ: ಬಾರ್ಸಿಲೋನಾದ ಸ್ಟಾರ್ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ ಲಾ ಲೀಗಾ ಫುಟ್ಬಾಲ್ ಲೀಗ್ನಲ್ಲಿ ಮತ್ತೊಂದು ದಾಖಲೆ ಸೃಷ್ಟಿಸಿದ್ದಾರೆ. ಲಾ ಲೀಗಾ ಫುಟ್ಬಾಲ್ ಲೀಗ್ನಲ್ಲಿ ಬಾರ್ಸಿಲೋನಾದ ವಿಲ್ಲಾರೆಲ್ ಫುಟ್ಬಾಲ್ ಕ್ಲಬ್, ಬಾರ್ಕಾ ಫುಟ್ಬಾಲ್ ಕ್ಲಬ್ ವಿರುದ್ಧ ಆಡುವ ವೇಳೆ ಅತಿ ಹೆಚ್ಚು ಗೋಲ್ಗಳಿಗೆ ಸಹಕರಿಸಿದ (ಬೆಸ್ಟ್ ಎವರ್ ಅಸಿಸ್ಟ್) ದಾಖಲೆಗೆ ಪಾತ್ರರಾಗಿದ್ದಾರೆ
ಈ ಪಂದ್ಯದಲ್ಲಿ ಬಾರ್ಸಿಲೋನಾದ ಪರವಾಗಿ ಮೆಸ್ಸಿ ಆಂಟೋಯಿನ್ ಗ್ರಿಜ್ಮನ್ನ ಮೂರನೇ ಗೋಲ್ಗೆ ಸಹಕರಿಸುವ ಮೂಲಕ ಈ ದಾಖಲೆ ಸೃಷ್ಟಿ ಮಾಡಿದರು. ಈ ಮೂಲಕ ಗೋಲ್ ಬಾರಿಸಲು ಲಾ ಲೀಗಾ ಫುಟ್ಬಾಲ್ ಲೀಗ್ನಲ್ಲಿ 19ನೇ ಬಾರಿಗೆ ಮೆಸ್ಸಿ ಸಹಕಾರ ನೀಡಿದ್ದರು.
33 ವರ್ಷದ ಮೆಸ್ಸಿ ಇದಕ್ಕೂ ಮೊದಲು ಆಟಗಾರ ಲೂಯಿಸ್ ಸೌರೆಜ್ಗೆ ವಿಲ್ಲಾರೆಲ್ ವಿರುದ್ಧ ಆಡುವಾಗ ಗೋಲ್ ಹೊಡೆಯಲು ಉತ್ತಮ ಪಾಸ್ ನೀಡಿದ್ದರು. ಈ ಮೂಲಕ ಲಾ ಲೀಗಾದಲ್ಲಿ 18 ಗೋಲುಗಳಿಗೆ ಸಹಕರಿಸುವ ಮೂಲಕ ದಾಖಲೆ ಬರೆದಿದ್ದರು. ಆಂಟೋಯಿನ್ ಗ್ರಿಜ್ಮನ್ಗೆ 19ನೇ ಪಾಸ್ ಮೂಲಕ ಅವರು ಗೋಲ್ ಹೊಡೆಯಲು ಸಹಕಾರ ನೀಡಿದ್ದರು.
ಈ ಪಂದ್ಯದಲ್ಲಿ ಪೌ ಟೊರೆಸ್, ಲೂಯಿಸ್ ಸೌರೆಜ್, ಆಂಟೋಯಿನ್ ಗ್ರಿಜ್ಮನ್ ಹಾಗೂ ಅನ್ಸು ಫತಿ ತಲಾ ಒಂದೊಂದು ಗೋಲ್ ಬಾರ್ಸಿಲೋನಾ ಪರವಾಗಿ ದಾಖಲಿಸಿದ್ದರು. ವಿಲ್ಲಾರೆಲ್ ಪರವಾಗಿ ಗೆರಾರ್ಡ್ ಮೊರೆನೋ ಒಂದು ಗೋಲ್ ಮಾತ್ರ ದಾಖಲಿಸಿದ್ದರು. ಇದರಿಂದಾಗಿ ಬಾರ್ಸಿಲೋನಾ ಈ ಪಂದ್ಯದಲ್ಲಿ ಜಯಭೇರಿ ಗಳಿಸಿತ್ತು.
