WPL Award winners: ಶಫಾಲಿ ಅತ್ಯುತ್ತಮ ಸ್ಟ್ರೈಕ್​ರೇಟ್​, ಲ್ಯಾನಿಂಗ್​ಗೆ ಆರೆಂಜ್ ಕ್ಯಾಪ್

ಮುಂಬೈ ಇಂಡಿಯನ್ಸ್ ತಂಡ ಚೊಚ್ಚಲ ಮಹಿಳಾ ಪ್ರೀಮಿಯರ್ ಲೀಗ್‌ ಗೆದ್ದುಕೊಂಡಿದೆ. ಜೊತೆಗೆ, ಟೂರ್ನಿಯಲ್ಲಿ ಗಮನ ಸೆಳೆಯುವ ಪ್ರದರ್ಶನ ತೋರಿದ ಆಟಗಾರ್ತಿಯರಿಗೆ ವಿಶೇಷ ಗೌರವ ನೀಡಲಾಗಿದೆ.

ಮುಂಬೈ: ಭಾನುವಾರ ಮುಕ್ತಾಯಗೊಂಡ ಚೊಚ್ಚಲ ಮಹಿಳಾ ಪ್ರೀಮಿಯರ್ ಲೀಗ್‌ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಮಣಿಸಿದ ಹರ್ಮನ್​ಪ್ರೀತ್ ಕೌರ್​ ನಾಯಕತ್ವದ​ ಮುಂಬೈ ಇಂಡಿಯನ್ಸ್ ತಂಡವು ಚಾಂಪಿಯನ್​ ಆಗಿ ಹೊರಹೊಮ್ಮಿತು. 132 ರನ್​ಗಳ ಗೆಲುವಿನ ಗುರಿಯನ್ನು 19.3 ಓವರ್​ಗಳಲ್ಲಿ ಮೂರು ವಿಕೆಟ್​ ಕಳೆದುಕೊಂಡು ತಲುಪಿದ ಮುಂಬೈ ಡಬ್ಲ್ಯೂಪಿಎಲ್​ ಕಿರೀಟಕ್ಕೆ ಮುತ್ತಿಕ್ಕಿತು. ಗೆಲುವಿನ ಬಳಿಕ ಮುಂಬೈನ ಬ್ರಬೋರ್ನ್​ ಮೈದಾನದಲ್ಲಿ ಚಾಂಪಿಯನ್​ ಆಟಗಾರ್ತಿಯರ ಗೆಲುವಿನ ಸಂಭ್ರಮ ಮುಗಿಲು ಮುಟ್ಟಿತ್ತು.

ಉದ್ಘಾಟನಾ ಟೂರ್ನಿಯಲ್ಲಿ ಹಲವು ಆಟಗಾರ್ತಿಯರು ಅದ್ಭುತ ಪ್ರದರ್ಶನ ತೋರಿದ್ದಾರೆ. ಲೀಗ್‌ನ ವಿವಿಧ ವಿಭಾಗದಲ್ಲಿ ಮಿಂಚಿದ ವನಿತೆಯರು ವಿಶೇಷ ಪ್ರಶಸ್ತಿಗಳನ್ನು ಪಡೆದರು. ಮುಂಬೈ ತಂಡದ ಆರಂಭಿಕ ಆಟಗಾರ್ತಿ ಹಾಗೂ ಆಲ್‌ರೌಂಡರ್ ಹೇಲಿ ಮ್ಯಾಥ್ಯೂಸ್ 16 ವಿಕೆಟ್​ ಕಬಳಿಸಿ ಪರ್ಪಲ್ ಕ್ಯಾಪ್ ಪಡೆದರೆ, ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕಿ ಮೆಗ್ ಲ್ಯಾನಿಂಗ್ ಅತ್ಯಧಿಕ 345 ರನ್​ ಸಿಡಿಸಿ ಆರೆಂಜ್ ಕ್ಯಾಪ್ ತನ್ನದಾಗಿಸಿಕೊಂಡರು.

ಟೂರ್ನಿಯುದ್ದಕ್ಕೂ ಅದ್ಭುತ ಬ್ಯಾಟಿಂಗ್​ ತೋರಿದ ಲ್ಯಾನಿಂಗ್ ಡೆಲ್ಲಿ ತಂಡವನ್ನು ಯಶಸ್ವಿಯಾಗಿ ಫೈನಲ್​ ತನಕ ಮುನ್ನಡೆಸುವ ಜೊತೆಗೆ ಬ್ಯಾಟ್​ ಮೂಲಕವೂ ಕಾಣಿಕೆ ನೀಡಿದರು. ಫೈನಲ್​ನಲ್ಲಿ 35 ರನ್‌ ಸೇರಿದಂತೆ 9 ಪಂದ್ಯಗಳಲ್ಲಿ 345 ರನ್​ ಬಾರಿಸಿದರು. 49.29ರ ಸರಾಸರಿ ಹಾಗೂ 139.11ರ ಸ್ಟ್ರೈಕ್ ರೇಟ್​​​ನಲ್ಲಿ ಬ್ಯಾಟ್​ ಮಾಡಿರುವುದು ವಿಶೇಷ.

ಮಹಿಳಾ ಪ್ರೀಮಿಯರ್ ಲೀಗ್‌ನಲ್ಲಿ ಮಿಂಚಿನ ಆಟ ತೋರಿದ ಮತ್ತೊಬ್ಬ ಆಟಗಾರ್ತಿಯೆಂದರೆ ಮುಂಬೈ ಇಂಡಿಯನ್ಸ್​ನ ಹೇಲಿ ಮ್ಯಾಥ್ಯೂಸ್. ಕೆರಿಬಿಯನ್ ಆಲ್​ರೌಂಡರ್ ಅಂತಿಮ ಪಂದ್ಯದಲ್ಲೂ ನಾಲ್ಕು ಓವರ್‌ಗಳಲ್ಲಿ 5 ರನ್​ಗೆ 3 ವಿಕೆಟ್​ ಉರುಳಿಸಿದರು. ಒಟ್ಟಾರೆ ಟೂರ್ನಿಯಲ್ಲಿ 16 ವಿಕೆಟ್​ ಪಡೆದರು. ಯುಪಿ ವಾರಿಯರ್ಜ್‌ನ ಸೋಫಿ ಎಕ್ಲೆಸ್ಟೋನ್‌ಗೆ ಕೂಡ 16 ವಿಕೆಟ್​ ಪಡೆದಿದ್ದರೂ ಸಹ ಅವರು ಹೆಚ್ಚಿನ ಸರಾಸರಿ ಮತ್ತು ರನ್​ರೇಟ್​ ಹೊಂದಿದ್ದರು. ಅಲ್ಲದೆ, ಬ್ಯಾಟಿಂಗ್​ನಲ್ಲೂ ಮಿಂಚಿದ ಮ್ಯಾಥ್ಯೂಸ್ (271 ರನ್​) ಕೆಲ ಉಪಯುಕ್ತ ಕೊಡುಗೆ ನೀಡಿದ್ದರು. ಟೂರ್ನಿಯಲ್ಲಿ ಮುಂಬೈ ಇಂಡಿಯನ್ಸ್​ನ ಬೌಲಿಂಗ್‌ ಅದ್ಭುತವಾಗಿತ್ತು. ಅಮೆಲಿಯಾ ಕೆರ್, ನ್ಯಾಟ್ ಸಿವರ್ ಬ್ರಂಟ್, ಸೈಕಾ ಇಶಾಕ್ ಮತ್ತು ಇಸ್ಸಿ ವಾಂಗ್ ಅಗ್ರ 10 ವಿಕೆಟ್ ಪಡೆದವರ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ.

ಚಾಂಪಿಯನ್​ ಮುಂಬೈ ಇಂಡಿಯನ್ಸ್​ ತಂಡ ಪ್ರಶಸ್ತಿ ಜೊತೆಗೆ 5 ಕೋಟಿ ರೂ. ನಗದು ಬಹುಮಾನ ಪಡೆದರೆ, ರನ್ನರ್​ ಅಪ್​ ಡೆಲ್ಲಿ ಕ್ಯಾಪಿಟಲ್ಸ್​ಗೆ 3 ಕೋಟಿ ರೂಪಾಯಿ ನಗದು ಬಹುಮಾನ ನೀಡಲಾಗಿದೆ.

• The young promising wicketkeeper-batter shined bright in a victorious season for @mipaltan 👏👏@YastikaBhatia becomes the emerging player of the season 👌#TATAWPL pic.twitter.com/hO8qMDUkty

  — Women's Premier League (WPL) (@wplt20) March 26, 2023 " class="align-text-top noRightClick twitterSection" data="

  The young promising wicketkeeper-batter shined bright in a victorious season for @mipaltan 👏👏@YastikaBhatia becomes the emerging player of the season 👌#TATAWPL pic.twitter.com/hO8qMDUkty

  — Women's Premier League (WPL) (@wplt20) March 26, 2023

  ">

  The young promising wicketkeeper-batter shined bright in a victorious season for @mipaltan 👏👏@YastikaBhatia becomes the emerging player of the season 👌#TATAWPL pic.twitter.com/hO8qMDUkty

  — Women's Premier League (WPL) (@wplt20) March 26, 2023

• ವಿಶೇಷ ಗೌರವ ಪಡೆದವರ ಪಟ್ಟಿ:

ಪಂದ್ಯಾವಳಿಯ ಅತ್ಯಮೂಲ್ಯ ಆಟಗಾರ್ತಿ - ಹೇಯ್ಲಿ ಮ್ಯಾಥ್ಯೂಸ್ (16 ವಿಕೆಟ್​ ಹಾಗೂ 271 ರನ್​)

ಆರೆಂಜ್ ಕ್ಯಾಪ್ - ಮೆಗ್ ಲ್ಯಾನಿಂಗ್

ಪರ್ಪಲ್ ಕ್ಯಾಪ್- ಹೇಲಿ ಮ್ಯಾಥ್ಯೂಸ್

ಪಂದ್ಯಾವಳಿಯ ಪವರ್​ಫುಲ್​ ಸ್ಟ್ರೈಕರ್ - ಸೋಫಿ ಡಿವೈನ್

ಋತುವಿನ ಉದಯೋನ್ಮುಖ ಆಟಗಾರ್ತಿ - ಯಸ್ತಿಕಾ ಭಾಟಿಯಾ

ಋತುವಿನ ಕ್ಯಾಚ್ - ಹರ್ಮನ್​ಪ್ರೀತ್ ಕೌರ್

ಫೇರ್‌ಪ್ಲೇ ಪ್ರಶಸ್ತಿ - ಮುಂಬೈ ಇಂಡಿಯನ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್

• ಮಹಿಳಾ ಪ್ರೀಮಿಯರ್ ಲೀಗ್ 2023 ಪ್ರಮುಖ ಅಂಕಿ-ಅಂಶಗಳು

ಅತ್ಯಧಿಕ ಸರಾಸರಿ - ನ್ಯಾಟ್ ಸ್ಕಿವರ್ ಬ್ರಂಟ್ (66.4)

ಅತ್ಯುತ್ತಮ ಸ್ಟ್ರೈಕ್​ರೇಟ್​ - ಶಫಾಲಿ ವರ್ಮಾ (185.29)

ಅತ್ಯಧಿಕ ರನ್ - ಮೆಗ್ ಲ್ಯಾನಿಂಗ್ (345)

ಅತ್ಯಧಿಕ ಸ್ಕೋರ್ - ಡಿವೈನ್ 99 (36 ಎಸೆತ), ಗುಜರಾತ್ ಜೈಂಟ್ಸ್ ವಿರುದ್ಧ

ಅಧಿಕ ಸಿಕ್ಸರ್‌ - ಶಫಾಲಿ ವರ್ಮಾ (13), ಡಿವೈನ್ (13)

ಅತ್ಯಧಿಕ ವಿಕೆಟ್‌ - ಮ್ಯಾಥ್ಯೂಸ್ (16), ಎಕ್ಲೆಸ್ಟೋನ್ (16)

ಅತ್ಯುತ್ತಮ ಬೌಲಿಂಗ್​ - ಮರಿಜಾನ್ನೆ ಕಾಪ್ಪ್ (15ಕ್ಕೆ 5 ವಿಕೆಟ್​), ಗುಜರಾತ್ ಜೈಂಟ್ಸ್ ವಿರುದ್ಧ

ಇದನ್ನೂ ಓದಿ: WPL Final 2023.. ಚೊಚ್ಚಲ ಮಹಿಳಾ ಪ್ರೀಮಿಯರ್ ಲೀಗ್​ ಟ್ರೋಫಿ ಗೆದ್ದ ಮುಂಬೈ