World Cup 2023: ಪಾಕಿಸ್ತಾನಿ ಆಟಗಾರಿಗೆ ದೊರೆತ ಭಾರತೀಯ ವೀಸಾ.. ಭದ್ರತಾ ಕಾರಣಕ್ಕೆ ಪಾಕ್ ಅಭ್ಯಾಸ ಪಂದ್ಯಕ್ಕಿಲ್ಲ ಪ್ರೇಕ್ಷಕರಿಗೆ ಅವಕಾಶ

ಭಾರತ ಪ್ರಯಾಣಕ್ಕೆ ಪಾಕಿಸ್ತಾನ ತಂಡಕ್ಕೆ ವೀಸಾ ಕ್ಲಿಯರೆನ್ಸ್ ನೀಡಿರುವ ಬಗ್ಗೆ ಐಸಿಸಿ ಮಾಹಿತಿ ನೀಡಿದೆ.

ಇಂದೋರ್ (ಮಧ್ಯಪ್ರದೇಶ): ಹೈದರಾಬಾದ್‌ಗೆ ರಾಷ್ಟ್ರೀಯ ತಂಡದ ಪ್ರಯಾಣ ವಿಳಂಬದ ಬಗ್ಗೆ ಪಿಸಿಬಿ ಜಾಗತಿಕ ಸಂಸ್ಥೆಯೊಂದಿಗೆ ಗಂಭೀರ ಕಳವಳ ವ್ಯಕ್ತಪಡಿಸಿದ ಕೆಲ ಗಂಟೆಗಳ ನಂತರ ಪಾಕಿಸ್ತಾನ ಕ್ರಿಕೆಟ್ ತಂಡದ ಸದಸ್ಯರಿಗೆ ಏಕದಿನ ವಿಶ್ವಕಪ್‌ಗಾಗಿ ಸೋಮವಾರ ಭಾರತೀಯ ವೀಸಾಗಳನ್ನು ನೀಡಲಾಗಿದೆ ಎಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಖಚಿತಪಡಿಸಿದೆ. ಸೆಪ್ಟೆಂಬರ್ 29 ರಂದು ಹೈದರಾಬಾದ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಮೊದಲ ಪಾಕಿಸ್ತಾನದ ಅಭ್ಯಾಸ ಪಂದ್ಯವನ್ನು ಭದ್ರತಾ ಕಾರಣಗಳಿಂದ ಪ್ರೇಕ್ಷಕರಿಗೆ ಅವಕಾಶ ನೀಡದೇ ಆಡಿಸಲಾಗುವುದು ಎಂದು ಬಿಸಿಸಿಐ ದೃಢಪಡಿಸಿದೆ.

"ಐಸಿಸಿ ಪುರುಷರ ಕ್ರಿಕೆಟ್ ವಿಶ್ವಕಪ್ 2023 ನ್ಯೂಜಿಲೆಂಡ್ ಮತ್ತು ಪಾಕಿಸ್ತಾನ ನಡುವೆ ಸೆಪ್ಟೆಂಬರ್ 29 ರಂದು ಹೈದರಾಬಾದ್‌ನಲ್ಲಿ ನಡೆಯಲಿರುವ ಅಭ್ಯಾಸ ಪಂದ್ಯವು ಭದ್ರತಾ ಏಜೆನ್ಸಿಗಳ ಸಲಹೆಯಂತೆ ಪ್ರೇಕ್ಷಕರಿಗೆ ಅವಕಾಶ ನೀಡದೇ ಆಡಿಸಲಾಗುವುದು. ಹೈದರಾಬಾದ್‌ನಲ್ಲಿನ ಪಂದ್ಯ ಮತ್ತು ಹಬ್ಬ ಒಂದೇ ದಿನ ಇರುವುದರಿಂದ ಭದ್ರತಾ ಸಮಸ್ಯೆ ಆಗದಂತೆ ಮುನ್ನೆಚ್ಚರಿಕೆ ವಹಿಸಲಾಗಿದೆ. ಪಂದ್ಯಕ್ಕಾಗಿ ಟಿಕೆಟ್ ಖರೀದಿಸಿದ ಪ್ರೇಕ್ಷಕರಿಗೆ ಸಂಪೂರ್ಣ ಮರುಪಾವತಿ ಮಾಡಲಾಗುವುದು" ಎಂದು ಬಿಸಿಸಿಐ ಸೋಮವಾರ ಸಂಜೆ ಹೇಳಿಕೆಯಲ್ಲಿ ತಿಳಿಸಿದೆ.

• ICC CWC 2023 warm-up match update.
  
  The warm-up match between New Zealand and Pakistan scheduled to take place in Hyderabad on 29th September will now take place behind closed doors as per the advice of the local security agencies.
  
  More details here - https://t.co/eKoFEZ4u94… pic.twitter.com/24PwvIkg7m

  — BCCI (@BCCI) September 25, 2023 " class="align-text-top noRightClick twitterSection" data="

  ICC CWC 2023 warm-up match update.
  
  The warm-up match between New Zealand and Pakistan scheduled to take place in Hyderabad on 29th September will now take place behind closed doors as per the advice of the local security agencies.
  
  More details here - https://t.co/eKoFEZ4u94… pic.twitter.com/24PwvIkg7m

  — BCCI (@BCCI) September 25, 2023

  ">

  ICC CWC 2023 warm-up match update.
  
  The warm-up match between New Zealand and Pakistan scheduled to take place in Hyderabad on 29th September will now take place behind closed doors as per the advice of the local security agencies.
  
  More details here - https://t.co/eKoFEZ4u94… pic.twitter.com/24PwvIkg7m

  — BCCI (@BCCI) September 25, 2023

ಭಾರತಕ್ಕೆ ಪಾಕಿಸ್ತಾನ ಪ್ರಯಾಣಿಸುವ 48 ಗಂಟೆಗಳ ಒಳಗೆ ವೀಸಾ ಕ್ಲಿಯರೆನ್ಸ್ ನೀಡಲಾಗಿದೆ. ಪಾಕಿಸ್ತಾನ ತಂಡವು ಸೆಪ್ಟೆಂಬರ್ 27ರ ಮುಂಜಾನೆ ಭಾರತಕ್ಕೆ ಪ್ರಯಾಣಿಸಲಿದೆ. ಅವರು ಸೆಪ್ಟೆಂಬರ್ 29 ರಂದು ಹೈದರಾಬಾದ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ತಮ್ಮ ಮೊದಲ ಅಭ್ಯಾಸ ಪಂದ್ಯವನ್ನು ಆಡುತ್ತಾರೆ. ಪಾಕಿಸ್ತಾನಕ್ಕೆ ವೀಸಾಗಳನ್ನು ನೀಡಲಾಗಿದೆ," ಐಸಿಸಿ ವಕ್ತಾರರು ಹೇಳಿದ್ದಾರೆ ಎಂದು ಸುದ್ದಿ ಸಂಸ್ಥೆ ಮಾಹಿತಿ ನೀಡಿದ್ದಾರೆ.

ವೀಸಾ ಮಂಜೂರಾತಿ ವಿಚಾರದಲ್ಲಿ ಪಾಕಿಸ್ತಾನ ಕ್ರಿಕೆಟ್​ ಮಂಡಳಿಯಲ್ಲಿ ಗೊಂದಲ ಮನೆಮಾಡಿತ್ತು. "ವೀಸಾ ಕ್ಲಿಯರೆನ್ಸ್ ಕುರಿತು ನಮಗೆ ಇನ್ನೂ ಭಾರತೀಯ ಹೈಕಮಿಷನ್‌ನಿಂದ ಕರೆ ಬಂದಿಲ್ಲ" ಎಂದು ಪಿಸಿಬಿ ವಕ್ತಾರ ಉಮರ್ ಫಾರೂಕ್ ತಿಳಿಸಿದ್ದರು. ವೀಸಾ ವಿಳಂಬದ ಬಗ್ಗೆ ಪಿಸಿಬಿ ಸೋಮವಾರ ಐಸಿಸಿ ಸಿಇಒ ಜಿಯೋಫ್ ಅಲ್ಲಾರ್ಡಿಸ್‌ಗೆ ಪತ್ರ ಬರೆದ ನಂತರ ಐಸಿಸಿಯಿಂದ ದೃಢೀಕರಣ ನೀಡಲಾಗಿದೆ. ವೀಸಾದ ಕಾಯುವಿಕೆಯ ಕಾರಣ ತಂಡದ ಸಿದ್ಧತೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದೆ ಎಂದು ಪಿಸಿಬಿ ವಕ್ತಾರ ಹೇಳಿಕೆ ನೀಡಿದ್ದಾರೆ.

ಸೆಪ್ಟೆಂಬರ್ 27 ರಂದು ಹೈದರಾಬಾದ್‌ಗೆ ಆಗಮಿಸುವ ಮೊದಲು ಪಾಕಿಸ್ತಾನವು ದುಬೈನಲ್ಲಿ ಎರಡು ದಿನಗಳ ಬಾಂಡಿಂಗ್ ಅಧಿವೇಶನವನ್ನು ಹೊಂದಬೇಕಿತ್ತು. ಆದರೆ ಭಾರತೀಯ ವೀಸಾದ ಅನಿಶ್ಚಿತತೆಯ ಕಾರಣ ರದ್ದುಗೊಳಿಸಲಾಯಿತು.

ಇದನ್ನೂ ಓದಿ: Asian Games Womens T20I 2023: ಫೈನಲ್​ನಲ್ಲಿ ಮಿಂಚಿದ ಭಾರತದ ವನಿತೆಯರು.. ಶ್ರೀಲಂಕಾ ಮಣಿಸಿ ಚಿನ್ನಕ್ಕೆ ಮುತ್ತಿಟ್ಟ ನಾರಿ ಪಡೆ