’ವಿಶ್ವಕಪ್​ ತಂಡ ಸಮತೋಲನದಿಂದ ಕೂಡಿದೆ, ಆದರೆ ತಂಡದಲ್ಲಿ ಆ ಸ್ಪಿನ್ನರ್ ಇರಬೇಕಿತ್ತು’: ಯುವಿ ಆಯ್ಕೆಯ ಆಟಗಾರ ಯಾರು?​

Cricket World Cup 2023:ಭಾರತ ತಂಡ ಮೂವರು ಪ್ರಮುಖ ಸ್ಪಿನ್ನರ್​ಗಳ ತಂಡದೊಂದಿಗೆ ವಿಶ್ವಕಪ್ ಅ​ನ್ನು ಎದುರಿಸಲಿದೆ. ಅಕ್ಷರ್​ ಬದಲು ಟೀಮ್​ ಇಂಡಿಯಾಗೆ ಅಶ್ವಿನ್ ಅವರನ್ನು​ ಆಯ್ಕೆ ಮಾಡಲಾಗಿದೆ.

ಹೈದರಾಬಾದ್: ಭಾರತದ ಕ್ರಿಕೆಟ್​ ಮೈದಾನಗಳು ಹೆಚ್ಚು ಸ್ಪಿನ್​ ಸ್ನೇಹಿಯಾಗಿರುತ್ತದೆ. ಇಂತಹ ವಿಕೆಟ್​ನಲ್ಲಿ ಚಹಾಲ್​ ಅವರನ್ನು ವಿಶ್ವಕಪ್​ ತಂಡದಲ್ಲಿ ಆಡಿಸುವುದು ಸೂಕ್ತ ಆಯ್ಕೆ ಆಗಬಹುದಿತ್ತು ಎಂದು ಟೀಮ್​ ಇಂಡಿಯಾ ಮಾಜಿ ಆಲ್​ರೌಂಡರ್​ ಯುವರಾಜ್​ ಸಿಂಗ್​​ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಇದರ ಜೊತೆಗೆ ಈಗ ಪ್ರಕಟಿತ ಆಗಿರುವ 15 ಜನ ಸದಸ್ಯರ ವಿಶ್ವಕಪ್​ ತಂಡ ಸಮತೋಲಿತವಾಗಿದೆ ಎಂದು ಹೇಳಿದ್ದಾರೆ.

ಭಾರತ ತಂಡದಲ್ಲಿ ಸ್ಟಾರ್​ ಆಲ್​ರೌಂಡರ್​ ಆಗಿದ್ದ ಯುವರಾಜ್​ ಸಿಂಗ್​ ಪ್ರಕಟಿತ ವಿಶ್ವಕಪ್​ ತಂಡದ ಬಗ್ಗೆ ಮಾಧ್ಯಮ ಒಂದರಲ್ಲಿ ಮಾತನಾಡಿದ್ದಾರೆ. ಈ ವೇಳೆ ಅವರು"ನಮ್ಮ ತಂಡದ ಸಮತೋಲನ ಉತ್ತಮವಾಗಿದೆ. ನಾವು ಭಾರತದಲ್ಲಿ ಆಡುತ್ತಿರುವ ಕಾರಣ ಮತ್ತು ಸ್ಪಿನ್ ಪಿಚ್‌ಗಳು ಇರುವುದರಿಂದ ಯುಜ್ವೇಂದ್ರ ಚಹಾಲ್ ಇರಬೇಕಿತ್ತು ಎಂದು ನಾನು ಭಾವಿಸುತ್ತೇನೆ. ಆದರೆ, ಚಹಾಲ್​ ರಹಿತವಾಗಿಯೂ ಇದು ಉತ್ತಮ ಸಮತೋಲನದಿಂದ ಕೂಡಿರುವ ತಂಡವಾಗಿ ಕಂಡುಬರುತ್ತಿದೆ" ಎಂದು ಹೇಳಿದ್ದಾರೆ.

"ತಂಡದ ಆಯ್ಕೆ ಸ್ವಲ್ಪ ಆಶ್ಚರ್ಯಕರವಾಗಿತ್ತು, ಏಕೆಂದರೆ ಯುಜ್ವೇಂದ್ರ ಚಹಾಲ್ ಪಂದ್ಯಗಳನ್ನು ಗೆಲ್ಲುವಂತೆ ಮಾಡುವ ಲೆಗ್ ಸ್ಪಿನ್ನರ್ ಆಗಿರುವುದರಿಂದ ಉತ್ತಮ ಆಯ್ಕೆಯಾಗಿದ್ದರು ಎಂದು ನಾನು ಹೇಳುತ್ತೇನೆ. ನಾನು ವಾಷಿಂಗ್ಟನ್ ಸುಂದರ್ ಯುವಕ ಮತ್ತು ಬ್ಯಾಟಿಂಗ್ ಮಾಡುವ ಸಾಮರ್ಥ್ಯವನ್ನೂ ಹೊಂದಿದ್ದಾರೆ. ಆದರೆ ಕೊನೆಯಲ್ಲಿ ನಾಯಕ ರೋಹಿತ್ ಶರ್ಮಾ ಮತ್ತು ಕೋಚ್ ರಾಹುಲ್ ದ್ರಾವಿಡ್ ತಂಡಕ್ಕೆ ಅಗತ್ಯ ಆಯ್ಕೆ ಮಾಡಿಕೊಂಡಿದ್ದಾರೆ " ಎಂದು ಯುವರಾಜ್ ಹೇಳಿದ್ದಾರೆ.