ವಿಶ್ವಕಪ್​ಗೆ ಕ್ರಿಕೆಟ್​ ಅಭಿಮಾನಿಗಳಿಂದ ಭರ್ಜರಿ ರೆಸ್ಪಾನ್ಸ್​: ಮೈದಾನಕ್ಕೆ ದಾಖಲೆಯ​ ವೀಕ್ಷಕರ ಭೇಟಿ

2023ರ ವಿಶ್ವಕಪ್​ ಡಿಜಿಟಲ್​ ವೀಕ್ಷಣೆಯ ಜೊತೆಗೆ ಮೈದಾನಕ್ಕೆ ಭೇಟಿ ನೀಡಿ ವೀಕ್ಷಿಸಿದವರ ಸಂಖ್ಯೆಯೂ ದಾಖಲೆ ಬರೆಯುತ್ತಿದೆ.

ಹೈದರಾಬಾದ್​: ಭಾರತದಲ್ಲಿ ಕ್ರಿಕೆಟ್​ ಒಂದು ಧರ್ಮವೇ ಆಗಿದೆ ಎಂಬ ಮಾತು ಆಗಾಗ ಕೇಳುತ್ತಿರುತ್ತೇವೆ. ಅದಕ್ಕೆ ನಿದರ್ಶನ ಎಂಬಂತೆ ಪ್ರೇಕ್ಷಕರು ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಕ್ರೀಡಾಂಗಣಕ್ಕೆ ಬಂದು ವಿಶ್ವಕಪ್​ ಪಂದ್ಯಗಳನ್ನು ವೀಕ್ಷಿಸಿದ ದಾಖಲೆ ನಿರ್ಮಾಣ ಆಗಿದೆ. ಈ ಬಗ್ಗೆ ಐಸಿಸಿಯೇ ತನ್ನ ಅಧಿಕೃತ ಎಕ್ಸ್​ ಖಾತೆಯಲ್ಲಿ ಪ್ರಕಟಿಸಿಕೊಂಡಿದೆ.

• Another milestone achieved at #CWC23 😍
  
  More 👉 https://t.co/xc0si1DhMF pic.twitter.com/gKeW87nI3B

  — ICC Cricket World Cup (@cricketworldcup) November 11, 2023 " class="align-text-top noRightClick twitterSection" data="

  Another milestone achieved at #CWC23 😍
  
  More 👉 https://t.co/xc0si1DhMF pic.twitter.com/gKeW87nI3B

  — ICC Cricket World Cup (@cricketworldcup) November 11, 2023

  ">

  Another milestone achieved at #CWC23 😍
  
  More 👉 https://t.co/xc0si1DhMF pic.twitter.com/gKeW87nI3B

  — ICC Cricket World Cup (@cricketworldcup) November 11, 2023

ಒಂದೆಡೆ ಏಕದಿನ ಮಾದರಿಯ ಕ್ರಿಕೆಟ್​ ತನ್ನ ಪ್ರಾಮುಖ್ಯತೆ, ಪ್ರೇಕ್ಷಕರನ್ನು ಕಳೆದುಕೊಳ್ಳುತ್ತಿದೆ ಎಂಬ ಮಾತಿತ್ತು. ಆದರೆ, ಭಾರತದಲ್ಲಿ ನಡೆದ 2023ರ ವಿಶ್ವಕಪ್​ಗೆ ಕ್ರಿಕೆಟ್​ ಅಭಿಮಾನಿಗಳು ಉತ್ತಮವಾಗಿ ಸ್ಪಂದಿಸಿದ್ದು, ಕ್ರೀಡಾಂಗಣಕ್ಕೆ ಬಂದು 10 ಲಕ್ಷ ಮಂದಿ ವೀಕ್ಷಿಸಿದ ದಾಖಲೆ ನಿರ್ಮಾಣ ಆಗಿದೆ. ಶುಕ್ರವಾರ ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಅಫ್ಘಾನಿಸ್ತಾನ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಪಂದ್ಯದಲ್ಲಿ 1 ಮಿಲಿಯನ್ ಪ್ರೇಕ್ಷಕರಿಂದ 2023ರ ವಿಶ್ವಕಪ್ ವೀಕ್ಷಣೆಗೊಳಗಾಗಿದೆ.

ಟಿ-20 ಕ್ರಿಕೆಟ್​ ಮತ್ತು ಲೀಗ್​ ಕ್ರಿಕೆಟ್​ಗಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ವೃದ್ಧಿಸಿರುವುದರಿಂದ, ದೀರ್ಘ ಮಾದರಿಯ ಕ್ರಿಕೆಟ್​ನತ್ತ ಜನರು ಬರುತ್ತಿಲ್ಲ ಎಂಬ ಆಪಾದನೆ ಇತ್ತು. ಅಲ್ಲದೇ ಮುಂದಿನ ಬಾರಿ ಏಕದಿನ ವಿಶ್ವಕಪ್​ ಮಾದರಿಯಲ್ಲಿ ಬದಲಾವಣೆಯ ಅಗತ್ಯ ಇದೆ ಎಂದು ಹಿರಿಯ ಆಟಗಾರರು ಮತ್ತು ಕ್ರಿಕೆಟ್​ ತಜ್ಞರು ವಿಶ್ಲೆಷಿಸಿದ್ದರು. ಆದರೆ, ಭಾರತದಲ್ಲಿ ಈ ಆವೃತ್ತಿಯ ವಿಶ್ವಕಪ್​ಗೆ ಉತ್ತಮ ಪ್ರತಿಕ್ರಿಯೆ ದೊರೆತಿರುವುದು ಲೆಕ್ಕಾಚಾರ ಅಡಿಮೇಲಾದಂತಿದೆ.

ಡಿಜಿಟಲ್​​​ನಲ್ಲೂ ದಾಖಲೆಯ ವೀಕ್ಷಣೆ: ವಿಶ್ವಕಪ್​ನ ಡಿಜಿಟಲ್​ ಪ್ರಸಾರದ ಹಕ್ಕು ಡಿಸ್ನಿ + ಹಾಟ್​ಸ್ಟಾರ್​ ಕೈಯಲ್ಲಿದ್ದು, 3.5 ಕೋಟಿ ವೀಕ್ಷಕರಿಂದ ಒಮ್ಮೆಗೆ ವೀಕ್ಷಣೆ ಪಡೆದಿರುವ ದಾಖಲೆ ನಿರ್ಮಾಣ ಆಗಿದೆ. ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯ, ವಿರಾಟ್​ ಕೊಹ್ಲಿಯ ಶತಕದ ಸಂದರ್ಭದಲ್ಲಿ ಹಾಟ್​ಸ್ಟಾರ್​ ಅತಿ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ. 16ನೇ ಆವೃತ್ತಿಯ ಐಪಿಎಲ್​ನಲ್ಲಿ ಧೋನಿ ಬ್ಯಾಟಿಂಗ್​ ಸಮಯದಲ್ಲಿ ಆದ 3.2 ಕೋಟಿ ವೀಕ್ಷಣೆಯ ದಾಖಲೆಯನ್ನು ಈ ವಿಶ್ವಕಪ್​ನಲ್ಲಿ ಹಾಟ್​ಸ್ಟಾರ್​ ಮುರಿದಿದೆ.

• " class="align-text-top noRightClick twitterSection" data="">

ಐಸಿಸಿ ಈವೆಂಟ್‌ಗಳ ಮುಖ್ಯಸ್ಥ ಕ್ರಿಸ್ ಟೆಟ್ಲಿ,"10 ಲಕ್ಷಕ್ಕೂ ಹೆಚ್ಚು ವೀಕ್ಷಕರು ಪಾಲ್ಗೊಳ್ಳುವ ಮೂಲಕ ಹಿಂದಿನ ದಾಖಲೆ ಮುರಿಯುವತ್ತ 2023ರ ಐಸಿಸಿ ಪುರುಷರ ಕ್ರಿಕೆಟ್ ವಿಶ್ವಕಪ್ ಸಾಗುತ್ತಿದೆ. ಏಕದಿನ ವಿಶ್ವಕಪ್​ ಕ್ರಿಕೆಟ್​ ಎಷ್ಟು ಮೌಲ್ಯಯುತವಾಗಿದೆ ಎಂಬುದು ಹಾಗೇ ವಿಶ್ವಕಪ್​ನ ಜನಪ್ರಿಯತೆ ವಿಶ್ವಾದ್ಯಂತ ಕಡಿಮೆ ಆಗಿಲ್ಲ ಎಂಬುದನ್ನು ಕ್ರಿಕೆಟ್ ಅಭಿಮಾನಿಗಳು ನೆನಪಿಸಿದ್ದಾರೆ. ನಾಕೌಟ್ ಹಂತದಲ್ಲಿ ಇನ್ನಷ್ಟು ಪ್ರೇಕ್ಷಕರು ಭಾಗಿ ಆಗುವ ನಿರೀಕ್ಷೆ ಇದ್ದು, ಮತ್ತಷ್ಟು ದಾಖಲೆ ನಿರ್ಮಾಣ ಆಗಲಿದೆ. ಉತ್ತಮ ಕ್ರಿಕೆಟ್​ ಪಂದ್ಯಗಳಿಗಾಗಿ ಎದುರು ನೋಡುತ್ತಿದ್ದೇವೆ" ಎಂದಿದ್ದಾರೆ.

ಬಾಕಿ ಇರುವ ಪಂದ್ಯಗಳು:

• ನವೆಂಬರ್​ 12 - ಭಾರತ vs ನೆದರ್ಲೆಂಡ್ಸ್​​ - ಕೊನೆಯ ಲೀಗ್​ ಪಂದ್ಯ - ಬೆಂಗಳೂರು
• ನವೆಂಬರ್ 15 - ಮೊದಲ ಸೆಮಿಫೈನಲ್​ - ಮುಂಬೈ
• ನವೆಂಬರ್ 16 - ಎರಡನೇ ಸೆಮಿಫೈನಲ್​ - ಕೋಲ್ಕತ್ತಾ
• ನವೆಂಬರ್ 19 -​ ಫೈನಲ್​ - ಅಹಮದಾಬಾದ್​

ಇದನ್ನೂ ಓದಿ: ಭಾರತ vs ನೆದರ್ಲೆಂಡ್ಸ್‌ ಪಂದ್ಯ: ಚಿನ್ನಸ್ವಾಮಿ ಕ್ರೀಡಾಂಗಣದ ಸುತ್ತಮುತ್ತ ಸರಕು ಸಾಗಣೆ ವಾಹನಗಳಿಗೆ ನಿಷೇಧ