ಕಿಂಗ್ಸ್ಟನ್: ವೆಸ್ಟ್ ಇಂಡೀಸ್ ವಿರುದ್ದದ ಮೊದಲ ಟೆಸ್ಟ್‌ನಲ್ಲಿ ತಂಡ ಕಳಪೆ ಫೀಲ್ಡಿಂಗ್ ಪ್ರದರ್ಶಿಸಿದೆ ಎಂದು ಪಾಕಿಸ್ತಾನದ ಬೌಲಿಂಗ್ ತರಬೇತುದಾರ ವಕಾರ್ ಯೂನಿಸ್ ಅಭಿಪ್ರಾಯಪಟ್ಟಿದ್ದಾರೆ. ಭಾನುವಾರ ಸಬೀನಾ ಪಾರ್ಕ್‌ನಲ್ಲಿ ನಡೆದ ಎರಡು ಪಂದ್ಯಗಳ ಸರಣಿಯ ಮೊದಲ ಟೆಸ್ಟ್‌ನಲ್ಲಿ ವೆಸ್ಟ್ ಇಂಡೀಸ್ ಪಾಕಿಸ್ತಾನದ ವಿರುದ್ಧ ಒಂದು ವಿಕೆಟ್ನಲ್ಲಿ ಜಯಗಳಿಸಿತು.
"ಟೆಸ್ಟ್ ಕ್ರಿಕೆಟ್‌ನ ಪ್ರದರ್ಶನಕ್ಕಾಗಿ ನಾವು ಉತ್ತಮ ಜಾಹೀರಾತು ಪಡೆಯುವುದಿಲ್ಲ. ಎರಡೂ ತಂಡಗಳು ಚೆನ್ನಾಗಿ ಹೋರಾಡಿವೆ. ಆದರೆ, ದುರದೃಷ್ಟವಶಾತ್ ಪಂದ್ಯದ ನಿರ್ಣಾಯಕ ಹಂತದಲ್ಲಿ ನಾವು ಕೆಲವು ಉತ್ತಮ ಅವಕಾಶಗಳನ್ನು ಬಳಸಿಕೊಳ್ಳಲಿಲ್ಲ. ಅದು ಕೊನೆಯಲ್ಲಿ ನಮ್ಮ ಸೋಲಿಗೆ ಕಾರಣವಾಯಿತು ಎಂದು ವಕಾರ್ ಹೇಳಿದ್ದಾರೆ ಎಂದು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ತಿಳಿಸಿದೆ.
ಪಿಚ್ ಸೀಮ್ ಬೌಲಿಂಗ್‌ಗೆ ಅನುಕೂಲಕರವಾಗಿತ್ತು ಮತ್ತು ನಮ್ಮವರು ಚೆನ್ನಾಗಿ ಬೌಲಿಂಗ್ ಮಾಡಿದರು. ನಿಸ್ಸಂದೇಹವಾಗಿ, ನಾವು ಕಷ್ಟಪಟ್ಟು ಹೋರಾಡಿದ್ದೇವೆ. ಆದರೆ, ಕೆಲವು ಕ್ಯಾಚ್ಗಳು ಕೈ ತಪ್ಪಿದ್ದರಿಂದ ಆಟವನ್ನು ಗೆಲ್ಲಲಾಗಲಿಲ್ಲ ಎಂದಿದ್ದಾರೆ.
ನನ್ನ ಬೌಲರ್‌ಗಳ ಬಗ್ಗೆ ನನಗೆ ತುಂಬಾ ಹೆಮ್ಮೆ ಇದೆ. ಶಾಹೀನ್ ಶಾ ಅಫ್ರಿದಿ ಮತ್ತು ಹಸನ್ ಅಲಿ ಅದ್ಭುತ ಬೌಲಿಂಗ್ ಮಾಡಿದ್ದಾರೆ. ಮೊಹಮ್ಮದ್ ಅಬ್ಬಾಸ್ ಅವರ ಸಾಮರ್ಥ್ಯದ ಮೇಲೆ ನನಗೆ ಸಂಪೂರ್ಣ ವಿಶ್ವಾಸವಿದೆ. ಅವರು ಪಂದ್ಯದಲ್ಲಿ ತುಂಬಾ ಪ್ರಭಾವಶಾಲಿಯಾಗಿದ್ದರು. ಆದರೆ, ದುರದೃಷ್ಟವಶಾತ್ ಅವರು ಹೆಚ್ಚು ವಿಕೆಟ್ ಪಡೆದಿಲ್ಲ ಎಂದು ವಕಾರ್ ಅಭಿಪ್ರಾಯಪಟ್ಟಿದ್ದಾರೆ. ಶುಕ್ರವಾರದಿಂದ ಆರಂಭವಾಗಲಿರುವ ಆತಿಥೇಯ ರಾಷ್ಟ್ರದ ವಿರುದ್ಧದ ಕೊನೆಯ ಟೆಸ್ಟ್ ಪಂದ್ಯದಲ್ಲಿ ಪಾಕಿಸ್ತಾನ ಉತ್ತಮ ಪ್ರದರ್ಶನ ನೀಡಲಿದೆ ಎಂದು ಮಾಜಿ ಬೌಲರ್ ಆಶಿಸಿದ್ದಾರೆ.
ಲೆಗ್ಗಿ ಯಾಸಿರ್ ಶಾ ಮ್ಯಾಚ್ ವಿನ್ನರ್ ಆಗಿದ್ದಾರೆ ಮತ್ತು ನೌಮನ್ ಅಲಿ ಉತ್ತಮ ಬ್ಯಾಕ್ ಅಪ್ ಸ್ಪಿನ್ನರ್ ಆಗಿರುವುದು ನಮ್ಮ ಅದೃಷ್ಟ. ಎರಡನೇ ಪಂದ್ಯದಲ್ಲಿ ನಾವು ಸಕರಾತ್ಮಕ ಮನಸ್ಥಿತಿಯೊಂದಿಗೆ ಹೋಗುತ್ತೇವೆ ಮತ್ತು ಉತ್ತಮವಾಗಿ ಆಟವಾಡಲು ಪ್ರಯತ್ನಿಸುತ್ತೇವೆ ಎಂದು ಅವರು ಹೇಳಿದ್ದಾರೆ.
ಓದಿ: ICC Test Rankings : ಕೇನ್ ವಿಲಿಯಮ್ಸನ್ ಅಗ್ರಸ್ಥಾನ, ಟಾಪ್-10ನಲ್ಲಿ ಮೂವರು ಭಾರತೀಯರು
