West Indies vs India, 2nd Test: ಭಾರತ-ವೆಸ್ಟ್​ ಇಂಡೀಸ್​ 2ನೇ ಟೆಸ್ಟ್​​ ಡ್ರಾ: ಸರಣಿ ಗೆದ್ದ ಭಾರತ

West Indies vs India, 2nd Test: ಭಾರತ ಮತ್ತು ವೆಸ್ಟ್​ ಇಂಡೀಸ್​ ನುಡುವಿನ ಎರಡನೇ ಟೆಸ್​ ಪಂದ್ಯ ಡ್ರಾದಲ್ಲಿ ಮುಕ್ತಾಯ ಕಂಡಿದೆ.

ಪೋರ್ಟ್​ ಆಫ್​ ಸ್ಪೇನ್ : ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಎರಡನೇ ಟೆಸ್ಟ್ ಪಂದ್ಯ ಡ್ರಾ ಆಗಿದೆ. ಅಂತಿಮ ದಿನದಾಟಕ್ಕೆ ವರುಣ ಅಡ್ಡಿಪಡಿಸಿದ್ದರಿಂದ ಒಂದೇ ಒಂದು ಎಸೆತವನ್ನೂ ಕಾಣದೇ ಪಂದ್ಯ ಮುಗಿಯಿತು. ಈ ಮೂಲಕ ಕೆರಿಬಿಯನ್ನರನ್ನು ವೈಟ್ ವಾಶ್ ಮಾಡುವ ರೋಹಿತ್​ ಪಡೆಯ ರಣತಂತ್ರ ಫಲಿಸಲಿಲ್ಲ. 1-0 ರ ಅಂತರದಿಂದ ಭಾರತ ಸರಣಿ ವಶಪಡಿಸಿಕೊಂಡಿದೆ. ಈ ಮೂಲಕ ಭಾರತ ಕ್ರಿಕೆಟ್ ತಂಡ ವಿಶ್ವ ಟೆಸ್ಟ್​ ಚಾಂಪಿಯನ್​ ಅಭಿಯಾನದಲ್ಲಿ ಶುಭಾರಂಭ ಮಾಡಿದೆ.

ಕ್ವೀನ್ಸ್ ಪಾರ್ಕ್ ಓವಲ್‌ನಲ್ಲಿ ನಡೆದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ವಿಂಡೀಸ್ ಗೆಲುವಿಗೆ ಭಾರತ 365 ರನ್‌ಗಳ ಗುರಿ ನೀಡಿತ್ತು. ಈ ಗುರಿ ಬೆನ್ನತ್ತಿದ ವೆಸ್ಟ್ ಇಂಡೀಸ್ ನಾಲ್ಕನೇ ದಿನದಾಟದ ಅಂತ್ಯಕ್ಕೆ ಎರಡು ವಿಕೆಟ್ ನಷ್ಟಕ್ಕೆ 76 ರನ್ ಗಳಿಸಿತ್ತು. ಕೆರಿಬಿಯನ್ನರ ಗೆಲುವಿಗೆ ಐದನೇ ದಿನಕ್ಕೆ 289 ರನ್‌ಗಳ ಅಗತ್ಯವಿತ್ತು. ಇದೇ ಸಮಯದಲ್ಲಿ ಭಾರತಕ್ಕೂ ಗೆಲುವಿಗೆ 8 ವಿಕೆಟ್‌ಗಳು ಬೇಕಿತ್ತು. ಆದರೆ ಉಭಯ ತಂಡಗಳ ಗೆಲುವಿನ ಆಸೆಗೆ ಮಳೆರಾಯ ತಣ್ಣೀರೆರಚಿದ.

• That Series-Winning Grin 😊
  
  Congratulations to the Rohit Sharma-led #TeamIndia on the Test series win 👏 👏#WIvIND pic.twitter.com/uWqmdtqhl5

  — BCCI (@BCCI) July 24, 2023 " class="align-text-top noRightClick twitterSection" data="

  That Series-Winning Grin 😊
  
  Congratulations to the Rohit Sharma-led #TeamIndia on the Test series win 👏 👏#WIvIND pic.twitter.com/uWqmdtqhl5

  — BCCI (@BCCI) July 24, 2023

  ">

  That Series-Winning Grin 😊
  
  Congratulations to the Rohit Sharma-led #TeamIndia on the Test series win 👏 👏#WIvIND pic.twitter.com/uWqmdtqhl5

  — BCCI (@BCCI) July 24, 2023

ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತ 438 ರನ್ ಗಳಿಸಿತ್ತು. ಇದಕ್ಕುತ್ತರವಾಗಿ ವೆಸ್ಟ್ ಇಂಡೀಸ್​ ಮೊದಲ ಇನಿಂಗ್ಸ್​ನಲ್ಲಿ 255 ರನ್‌ಗಳಿಗೆ ಸರ್ವಪತನ ಕಂಡಿತು. ಟೀಂ ಇಂಡಿಯಾ 183 ರನ್​ಗಳ ಮುನ್ನಡೆ ಸಾಧಿಸಿತ್ತು. ಎರಡನೇ ಇನ್ನಿಂಗ್ಸ್‌ನಲ್ಲಿ ಭಾರತ ಎರಡು ವಿಕೆಟ್‌ಗೆ 181 ರನ್ ಗಳಿಸುವ ಮೂಲಕ ಎರಡನೇ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿತ್ತು. ಒಟ್ಟು 364 ರನ್‌ಗಳ ಮುನ್ನಡೆ ಸಾಧಿಸಿತ್ತು. ಮೊಹಮ್ಮದ್ ಸಿರಾಜ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು. ​

ಇದಕ್ಕೂ ಮೊದಲು ಡೊಮಿನಿಕಾದಲ್ಲಿ ನಡೆದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್​ ವಿರುದ್ಧ ಭಾರತ ಇನ್ನಿಂಗ್ಸ್​ನೊಂದಿಗೆ 141 ರನ್‌ಗಳ ಜಯ ಸಾಧಿಸಿತ್ತು.

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ (WTC) 2023-25 ​​ಅಂಕಪಟ್ಟಿಯಲ್ಲಿ ಭಾರತ 16 ಅಂಕ ಮತ್ತು 66.67 ಪರ್ಸೆಂಟೆಜ್ (PCT)​ನೊಂದಿಗೆ ಎರಡನೇ ಸ್ಥಾನದಲ್ಲಿದೆ. ವೆಸ್ಟ್ ಇಂಡೀಸ್ 4 ಅಂಕಗಳು ಮತ್ತು 16.67 PCT ನೊಂದಿಗೆ ಐದನೇ ಸ್ಥಾನದಲ್ಲಿದೆ. ಪಾಕಿಸ್ತಾನ ಒಂದು ಪಂದ್ಯ ಆಡಿದ್ದು 12 ಅಂಕ ಮತ್ತು 100 PCT ಗಳೊಂದಿಗೆ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಆಸ್ಟ್ರೇಲಿಯಾ, ಇಂಗ್ಲೆಂಡ್​ ಕ್ರಮವಾಗಿ 2 ಮತ್ತು 3ನೇ ಸ್ಥಾನದಲ್ಲಿವೆ.

ಟೆಸ್ಟ್​ ಸರಣಿ ಮುಕ್ತಾಯಗೊಂಡಿದ್ದು, ಭಾರತ ಮತ್ತು ವೆಸ್ಟ್ ಇಂಡೀಸ್ ಮೂರು ಮೂರು ಪಂದ್ಯಗಳ ಏಕದಿನ ಸರಣಿಯೊಂದಿಗೆ ವೈಟ್-ಬಾಲ್ ಸರಣಿ ಪ್ರಾರಂಭಿಸಲಿವೆ. ನಂತರ ಐದು ಪಂದ್ಯಗಳ ಟಿ20 ಸರಣಿ ಆಗಸ್ಟ್ 13ರಂದು ಮುಕ್ತಾಯಗೊಳ್ಳಲಿದೆ. ಭಾರತ- ವೆಸ್ಟ್ ಇಂಡೀಸ್ ನಡುವೆ ಮೊದಲ ಏಕದಿನ ಪಂದ್ಯ ಜುಲೈ 27ರಂದು ಬಾರ್ಬಡೋಸ್‌ನಲ್ಲಿ ನಿಗದಿಯಾಗಿದೆ.

ಇದನ್ನೂ ಓದಿ: ವಿಶ್ವ ಟೆಸ್ಟ್​ ಚಾಂಪಿಯನ್​ನಲ್ಲಿ ವಾರ್ನರ್​ ಹಿಂದಿಕ್ಕಿದ ರೋಹಿತ್: ಶರ್ಮಾ ಹೆಸರಿನಲ್ಲಿ ಮತ್ತೊಂದು ದಾಖಲೆ