ಉಮ್ರಾನ್ ಮಲಿಕ್‌​ ಭಾರತ ತಂಡದಲ್ಲಿ ಆಡುವಂತಾಗಲಿ: ಶಶಿ ತರೂರ್

ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಉಮ್ರಾನ್ 20ನೇ ಓವರ್​ನಲ್ಲಿ 4 ವಿಕೆಟ್ ಜೊತೆಗೆ ಮೇಡನ್ ಪಡೆದಿದ್ದರು. ಒಟ್ಟಾರೆ ಪಂದ್ಯದಲ್ಲಿ 28ರನ್​ ನೀಡಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಮುಂಬೈ: 2022ರ ಆವೃತ್ತಿಯಲ್ಲಿ ಸನ್​ರೈಸರ್ಸ್ ಹೈದರಾಬಾದ್ ತಂಡದ ವೇಗಿ ಉಮ್ರಾನ್ ಮಲಿಕ್ ತಮ್ಮ ಅದ್ಭುತ ಪ್ರದರ್ಶನದ ಮೂಲಕ ಕ್ರಿಕೆಟ್ ಅಭಿಮಾನಿಗಳ ಮತ್ತು ಕ್ರಿಕೆಟ್​ ತಜ್ಞರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಭಾನುವಾರ ನಡೆದ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೋಡಿದ ಕಾಂಗ್ರೆಸ್​ ಸಂಸದ ಶಶಿ ತರೂರ್​ ಕಾಶ್ಮೀರಿ ವೇಗಿ ಆದಷ್ಟು ಬೇಗ ಭಾರತ ತಂಡದಲ್ಲಿ ಆಡುವಂತಾಗಲಿ ಎಂದು ಆಶಿಸಿದ್ದಾರೆ.

ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಉಮ್ರಾನ್ 20ನೇ ಓವರ್​ನಲ್ಲಿ 4 ವಿಕೆಟ್ ಜೊತೆಗೆ ಮೇಡನ್ ಪಡೆದಿದ್ದರು. ಒಟ್ಟಾರೆ ಪಂದ್ಯದಲ್ಲಿ 28ರನ್​ ನೀಡಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಆರಂಭಿಕ ಪಂದ್ಯಗಳಲ್ಲಿ ಕೇವಲ ವೇಗದ ಎಸೆತಗಳಿಂದ ಗಮನ ಸೆಳೆದಿದ್ದ ಅವರು ಕಳೆದ ಒಂದೆರಡು ಪಂದ್ಯಗಳಲ್ಲಿ ವಿಕೆಟ್​ಗಳನ್ನು ಪಡೆಯುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ.

ಇಂದಿನ ಪ್ರದರ್ಶನವನ್ನು ಕಂಡು ಇಂಗ್ಲೆಂಡ್ ತಂಡದ ನಾಯಕ ಕೆವಿನ್ ಪೀಟರ್ಸನ್​ ಯುವ ವೇಗಿಯ ಹೆಸರನ್ನು ತಮ್ಮ ಟ್ವಿಟರ್​ ಖಾತೆಯಲ್ಲಿ ಹಾಕಿ ಅವರ ವೇಗವನ್ನು ರಾಕೆಟ್​ಗೆ ಹೋಲಿಸಿದ್ದರು. ಈ ಟ್ವೀಟ್​ ಫೋಟೋವನ್ನು ಇಎಸ್​ಪಿಎನ್ ತನ್ನ ಟ್ವಿಟರ್​​ನಲ್ಲಿ ಪ್ರಕಟಿಸಿ, ಉಮ್ರಾನ್ ಮಲಿಕ್ ಐಪಿಎಲ್​ಅನ್ನು ವಿದೇಶಕ್ಕೂ ಕೊಂಡೊಯ್ದಿದ್ದಾರೆ ಎಂದು ಬರೆದು ಶೇರ್​ ಮಾಡಿಕೊಂಡಿತ್ತು.

• We need him in India colours asap. What a phenomenal talent. Blood him before he burns out! Take him to England for the Test match greentop. He and Bumrah bowling in tandem will terrify the Angrez! #UmranMalik https://t.co/T7yLb1JapM

  — Shashi Tharoor (@ShashiTharoor) April 17, 2022 " class="align-text-top noRightClick twitterSection" data="

  We need him in India colours asap. What a phenomenal talent. Blood him before he burns out! Take him to England for the Test match greentop. He and Bumrah bowling in tandem will terrify the Angrez! #UmranMalik https://t.co/T7yLb1JapM

  — Shashi Tharoor (@ShashiTharoor) April 17, 2022

  ">

  We need him in India colours asap. What a phenomenal talent. Blood him before he burns out! Take him to England for the Test match greentop. He and Bumrah bowling in tandem will terrify the Angrez! #UmranMalik https://t.co/T7yLb1JapM

  — Shashi Tharoor (@ShashiTharoor) April 17, 2022

ಇದಕ್ಕೆ ಪ್ರತಿಕ್ರಿಯಿಸಿರುವ ತರೂರ್​, ಈತ ಆದಷ್ಟು ಬೇಗ ಭಾರತ ತಂಡದ ಪರ ಆಡುವ ಅಗತ್ಯವಿದೆ. ಎಂತಹ ಅದ್ಭುತ ಪ್ರತಿಭೆ. ಗ್ರೀನ್​​ಟಾಪ್ ವಿಕೆಟ್ ಇರುವ​ ಇಂಗ್ಲೆಂಡ್​ಗೆ ಕರೆದುಕೊಂಡು ಹೋಗಿ ಟೆಸ್ಟ್ ಪಂದ್ಯದಲ್ಲಿ ಅವಕಾಶ ಕೊಡಿ. ಈತ ಮತ್ತು ಬುಮ್ರಾ ಒಟ್ಟಿಗೆ ಬೌಲಿಂಗ್ ಮಾಡುವುದು ಇಂಗ್ಲೀಷರಿಗೆ ಭಯವನ್ನುಂಟು ಮಾಡಲಿದೆ ಎಂದು ಟ್ವೀಟ್ ಮಾಡಿ ಯುವ ಬೌಲರ್​ನನ್ನು ಪ್ರಶಂಸಿಸಿದ್ದಾರೆ.

ಐಪಿಎಲ್ ಇತಿಹಾಸದಲ್ಲಿ ಮಲಿಕ್​ 20ನೇ ಓವರ್​ನಲ್ಲಿ ಮೇಡನ್ ಒವರ್ ಮಾಡಿದ 4ನೇ ಬೌಲರ್ ಆಗಿದ್ದಾರೆ. ಇವರಿಗೂ ಮುನ್ನ ಇರ್ಫಾನ್ ಪಠಾಣ್, ಲಸಿತ್ ಮಾಲಿಂಗ, ಜಯದೇವ್ ಉನಾದ್ಕಟ್ ಈ ವಿಶೇಷ ಸಾಧನೆ ತೋರಿದ್ದರು.

ಇದನ್ನೂ ಓದಿ:0 W 0 W W W! 20ನೇ ಓವರ್​ನಲ್ಲಿ ಒಂದೂ ರನ್​ ನೀಡದೆ 4 ವಿಕೆಟ್​ ಕಿತ್ತ ಉಮ್ರಾನ್ ಮಲಿಕ್​