ವಿರಾಟ್​​ ನೀಡಿದ್ದ ಸಲಹೆ: ಕಿಂಗ್​ ಕೊಹ್ಲಿ ಹಿಂದಿಕ್ಕಿ ಐಸಿಸಿ ಏಕದಿನ ಅಗ್ರಸ್ಥಾನಕ್ಕೇರಿದ ಬಾಬರ್​!

ಟೀಂ ಇಂಡಿಯಾ ಕ್ಯಾಪ್ಟನ್​ ಜೊತೆ ಬಾಬರ್​ ಅಜಮ್​ನನ್ನ ಈ ಹಿಂದೆ ಹೋಲಿಕೆ ಮಾಡಲಾಗಿದ್ದು, ಈ ರೀತಿ ಹೋಲಿಕೆ ಮಾಡಿರುವುದರಿಂದಲೇ ಸವಾಲು ಸ್ವೀಕಾರ ಮಾಡಲು ನನಗೆ ನೆರವಾಗುತ್ತಿದೆ ಎಂದು ಪಾಕ್​ ಕ್ಯಾಪ್ಟನ್​ ಹೇಳಿದ್ದರು.

ದುಬೈ: ಪಾಕಿಸ್ತಾನ ಕ್ರಿಕೆಟ್ ತಂಡದ ಕ್ಯಾಪ್ಟನ್​ ಬಾಬರ್​ ಅಜಮ್​ ಇದೀಗ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್​ನಲ್ಲಿ ನಂಬರ್​​ 1 ಸ್ಥಾನಕ್ಕೆ ಲಗ್ಗೆ ಹಾಕಿದ್ದು, ಈ ಮೂಲಕ ಟೀಂ ಇಂಡಿಯಾ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ ಹಿಂದಿಕ್ಕಿದ್ದಾರೆ.

ಬರೋಬ್ಬರಿ ಮೂರು ವರ್ಷಗಳ ಬಳಿಕ ವಿರಾಟ್​​ ಕೊಹ್ಲಿ ಏಕದಿನ ನಂಬರ್​ 1 ಪಟ್ಟ ಕಳೆದುಕೊಂಡಿದ್ದು, ರನ್​ ಮಷಿನ್​ ವಿರಾಟ್​​​ ಕೊಹ್ಲಿ ನೀಡಿದ್ದ ಸಲಹೆಯಿಂದಲೇ ಇದೀಗ ಅವರನ್ನ ಪಾಕ್​ ಕ್ರಿಕೆಟಿಗ ಹಿಂದಿಕ್ಕಿದ್ದಾರೆ. ಐಸಿಸಿ ನೂತನವಾಗಿ ರಿಲೀಸ್ ಮಾಡಿರುವ ಪಟ್ಟಿಯಲ್ಲಿ ಬಾಬರ್​ 865 ಅಂಕಗಳಿಸಿದ್ದು, ವಿರಾಟ್​​ ಕೊಹ್ಲಿ 857 ಅಂಕಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ.

ಮೂರು ಮಾದರಿ ಕ್ರಿಕೆಟ್​​ನಲ್ಲಿ ಅದ್ಭುತ ಪ್ರದರ್ಶನ ನೀಡುತ್ತಿರುವ ಬಾಬರ್​ ಅಜಮ್​ ಇದೀಗ ಈ ಸ್ಥಾನಕ್ಕೇರಲು ಕಾರಣವಾಗಿದ್ದು, ವಿರಾಟ್​​ ಕೊಹ್ಲಿ ನೀಡಿರುವ ಸಲಹೆ ಎಂಬುದು ಗಮನಾರ್ಹ ವಿಚಾರವಾಗಿದೆ.

• For the first time in his career, @babarazam258 has become the No.1 ODI batsman 🙌
  
  Read the story of his incredible rise to the top 📰👇

  — ICC (@ICC) April 14, 2021 " class="align-text-top noRightClick twitterSection" data="

  For the first time in his career, @babarazam258 has become the No.1 ODI batsman 🙌
  
  Read the story of his incredible rise to the top 📰👇

  — ICC (@ICC) April 14, 2021

  ">

  For the first time in his career, @babarazam258 has become the No.1 ODI batsman 🙌
  
  Read the story of his incredible rise to the top 📰👇

  — ICC (@ICC) April 14, 2021

ವಿರಾಟ್​ ನೀಡಿದ್ರೂ ಈ ಸಲಹೆ: ಈ ಹಿಂದೆ ವಿರಾಟ್​ ಕೊಹ್ಲಿ ಜತೆ ಮಾತನಾಡುವ ಅವಕಾಶ ಸಿಕ್ಕಾಗ, ನೆಟ್​ನಲ್ಲಿ ಅಭ್ಯಾಸ ಮಾಡುವಾಗ ಅದನ್ನ ಮೈದಾನದಲ್ಲಿ ಆಡುವ ಪಂದ್ಯದ ರೀತಿಯಲ್ಲೇ ಗಂಭೀರವಾಗಿ ತೆಗೆದುಕೊಳ್ಳುವಂತೆ ತಿಳಿಸಿದ್ದರು. ಗಂಭೀರತೆಯಿಂದ ನೆಟ್​ನಲ್ಲಿ ಬ್ಯಾಟ್​ ಬೀಸಿದಾಗ ಮಾತ್ರ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಲು ಸಾಧ್ಯ ಎಂಬ ಮಾತು ಅವರು ಹೇಳಿದ್ದರು ಎಂದು ಅಜಮ್​ ಹೇಳಿಕೊಂಡಿದ್ದಾರೆ. ಈಗ ನೆಟ್​​ನಲ್ಲಿ ನಾನು ಉತ್ತಮವಾಗಿ ಆಡದಿದ್ದರೆ ಅದು ನನ್ನ ಬ್ಯಾಟಿಂಗ್​ ಪ್ರದರ್ಶನದ ಮೇಲೂ ಪರಿಣಾಮ ಬೀರುತ್ತಿದೆ. ಇದರಿಂದ ನಾನು ಅನೇಕ ಸಹ ಒತ್ತಡಕ್ಕೂ ಒಳಗಾಗಿದ್ದೇನೆ ಎಂದಿದ್ದಾರೆ.

ಕೊಹ್ಲಿ ಸಲಹೆ ಪಡೆದುಕೊಳ್ಳುವುದಕ್ಕಿಂತಲೂ ಮೊದಲು ನೆಟ್​ನಲ್ಲಿ ನಾನು ಅಷ್ಟೊಂದು ಗಂಭೀರವಾಗಿ ಬ್ಯಾಟಿಂಗ್​ ಮಾಡುತ್ತಿರಲಿಲ್ಲ. ಇದು ಮೈದಾನದಲ್ಲಿ ನನ್ನ ಬ್ಯಾಟಿಂಗ್​​ ಮೇಲೆ ವ್ಯತಿರಿಕ್ತ ಪರಿಣಾಮ ಸಹ ಬೀರಿತು ಎಂದು ತಿಳಿಸಿದ್ದಾರೆ.

ಐಸಿಸಿ ಏಕದಿನ ನಂಬರ್​ 1 ಪಟ್ಟಕ್ಕೆ ಲಗ್ಗೆ ಹಾಕಿರುವ ಪೈಕಿ ಬಾಬರ್​​ ಅಜಮ್​ ಪಾಕ್​ನ 4ನೇ ಬ್ಯಾಟ್ಸಮನ್​ ಆಗಿದ್ದು, ಅದಕ್ಕೆ ಮುಖ್ಯ ಕಾರಣವಾಗಿರುವುದು ಟೀಂ ಇಂಡಿಯಾ ಕ್ಯಾಪ್ಟನ್​ ವಿರಾಟ್​​ ಕೊಹ್ಲಿ ಎಂಬುದು ಗಮನಾರ್ಹ ಸಂಗತಿಯಾಗಿದೆ.