ಆ್ಯಂಟಿಗುವಾ: ಅಂಡರ್ 19 ವಿಶ್ವಕಪ್ನ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ 6 ವಿಕೆಟ್ಗಳ ಭರ್ಜರಿ ಜಯದೊಂದಿಗೆ ಮೊದಲ ತಂಡವಾಗಿ ಸೆಮಿಫೈನಲ್ ಪ್ರವೇಶಿಸಿದೆ.
ಬುಧವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ದಕ್ಷಿಣ ಆಫ್ರಿಕಾ ತಂಡ 43.4 ಓವರ್ಗಳಲ್ಲಿ 209 ರನ್ಗಳಿಗೆ ಆಲೌಟ್ ಆಗಿತ್ತು. ತಂಡದ ಇತರೆ ಬ್ಯಾಟರ್ಗಳು ಕೈಕೊಟ್ಟರೂ, ಅತ್ಯುತ್ತಮ ಫಾರ್ಮ್ನಲ್ಲಿರುವ ಡೆವಾಲ್ಡ್ ಬ್ರೆವಿಸ್ ಕೇವಲ 88 ಎಸೆತಗಳಲ್ಲಿ 9 ಬೌಂಡರಿ ಮತ್ತು 4 ಸಿಕ್ಸರ್ಗಳ ಸಹಿತ 97 ರನ್ಗಳಿಸಿದರು. ಇವರನ್ನು ಹೊರೆತುಪಡಿಸಿದರೆ ವಿಕೆಟ್ ಕೀಪರ್ ಗೆರ್ಹಾರ್ಡಸ್ ಮೇರಿ 27 ಮತ್ತು ಮ್ಯಾಥ್ಯೂ ಬೋಸ್ಟ್ 22 ರನ್ಗಳಿಸಿದರು.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಇಂಗ್ಲೆಂಡ್ ಪರ ರೆಹಾನ್ ಅಹ್ಮದ್ 48ಕ್ಕೆ 4, ಜೋಶುವಾ ಬಾಯ್ಡನ್ 31ಕ್ಕೆ 2, ಜೇಮ್ಸ್ ಸೇಲ್ಸ್ 33ಕ್ಕೆ 2 ಮತ್ತು ಬೆತೆಲ್ 30ಕ್ಕೆ 1 ವಿಕೆಟ್ ಪಡೆದು ಮಿಂಚಿದರು.
210 ರನ್ಗಳ ಗುರಿ ಪಡೆದ ಆಂಗ್ಲ ಯುವ ಪಡೆ ಕೇವಲ 31.2 ಓವರ್ಗಳಲ್ಲಿ 4 ವಿಕೆಟ್ ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು.
ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿದ ಆರಂಭಿಕ ಜಾಕೋಬ್ ಬೆಥೆಲ್ 42 ಎಸೆತಗಳಲ್ಲಿ 16 ಬೌಂಡರಿ ಮತ್ತು 2 ಸಿಕ್ಸರ್ ಸಹಿತ 88 ರನ್ಗಳಿಸಿದರೆ, ವಿಲಿಯಮ್ ಲಕ್ಷ್ಟನ್ 41 ಎಸೆತಗಳಲ್ಲಿ 6 ಬೌಂಡರಿ , 2 ಸಿಕ್ಸರ್ಗಳ ಸಹಿತ ಅಜೇಯ 47 ರನ್ಗಳಿಸಿ ತಂಡವನ್ನು ಗೆಲುವಿನ ಗಡಿದಾಟಿಸಿದರು. ನಾಯಕ ಟಾಮ್ ಪ್ರೆಸ್ಟ್ 24 ರನ್ಗಳಿಸಿದರು.
ಮೊದಲ ತಂಡವಾಗಿ ಸೆಮಿಫೈನಲ್ ತಲುಪಿರುವ ಇಂಗ್ಲೆಂಡ್ ಜೂನಿಯರ್ ತಂಡ ನಾಲ್ಕರ ಘಟ್ಟದ ಪಂದ್ಯದಲ್ಲಿ ಶ್ರೀಲಂಕಾ ಮತ್ತು ಅಫ್ಘಾನಿಸ್ತಾನ ನಡುವಿನ ಕ್ವಾರ್ಟರ್ ಫೈನಲ್ ಪಂದ್ಯದ ವಿಜೇತರನ್ನು ಫೆಬ್ರವರಿ 1ರಂದು ಎದುರಿಸಲಿದೆ.
ಇದನ್ನೂ ಒದಿ:RCB ಅಲ್ಲ, ಈ ತಂಡದ ಪರ ಆಡುವ ಇಚ್ಛೆ ವ್ಯಕ್ತಪಡಿಸಿದ ಹರ್ಷಲ್ ಪಟೇಲ್
