ಲೀಡ್ಸ್: ಭಾರತದ ವಿರುದ್ಧ ನಡೆಯುತ್ತಿರುವ 3ನೇ ಟೆಸ್ಟ್ ಪಂದ್ಯದಲ್ಲಿ ಅತಿಥೇಯ ಇಂಗ್ಲೆಂಡ್ ತನ್ನ ಮೊದಲ ಇನ್ನಿಂಗ್ಸ್ನಲ್ಲಿ ಇಂಗ್ಲೆಂಡ್ 104 ರನ್ಗಳ ಮುನ್ನಡೆ ಕಾಯ್ದುಕೊಂಡಿದೆ. ಭೋಜನ ವಿರಾಮಕ್ಕೆ ಮುನ್ನ 2 ವಿಕೆಟ್ ಕಳೆದುಕೊಂಡು 182 ರನ್ಗಳಿಸಿದೆ.
ಲೀಡ್ನ ಹೆಡಿಂಗ್ಲೆಯಲ್ಲಿ ಟಾಸ್ ಗೆದ್ದ ಬ್ಯಾಟಿಂಗ್ ಮಾಡಿದ್ದ ಭಾರತ ತನ್ನ ಮೊದಲ ಇನ್ನಿಂಗ್ಸ್ನಲ್ಲಿ ಕೇವಲ 78 ರನ್ಗಳಿಗೆ ಆಲೌಟ್ ಆಗಿತ್ತು. ನಂತರ ಇಂಗ್ಲೆಂಡ್ ಮೊದಲ ದಿನದಂತ್ಯಕ್ಕೆ ಯಾವುದೇ ವಿಕೆಟ್ ನಷ್ಟವಿಲ್ಲದೆ 120 ರನ್ಗಳಿಸಿತ್ತು. ರೋರಿ ಬರ್ನ್ಸ್ ಅಜೇಯ 52 ರನ್ ಮತ್ತು ಹಸೀಬ್ ಹಮೀದ್ ಅಜೇಯ 60 ರನ್ಗಳಿಸಿ 2ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದರು.
ಗುರುವಾರ 2ನೇ ದಿನ ಬ್ಯಾಟಿಂಗ್ ಮುಂದುವರಿಸಿದ ಅವರಿಬ್ಬರು ಕೇವಲ 15 ರನ್ಗಳ ಅಂತರದಲ್ಲಿ ವಿಕೆಟ್ ಒಪ್ಪಿಸಿದರು. 153 ಎಸೆತಗಳಲ್ಲಿ 6 ಬೌಂಡರಿ ಮತ್ತು 1 ಸಿಕ್ಸರ್ ಸಹಿತ 61 ರನ್ಗಳಿಸಿದ್ದ ಬರ್ನ್ಸ್ ಶಮಿ ಬೌಲಿಂಗ್ನಲ್ಲಿ ಬೌಲ್ಡ್ ಆದರೆ, 195 ಎಸೆತಗಳಲ್ಲಿ 12 ಬೌಂಡರಿಗಳ ಸಹಿತ 68 ರನ್ಗಳಿಸಿದ್ದ ಹಮೀದ್ ಜಡೇಜಾ ಬೌಲಿಂಗ್ನಲ್ಲಿ ಬೌಲ್ಡ್ ಆದರು.
ಪ್ರಸ್ತುತ ಡೇವಿಡ್ ಮಲನ್ 27 ಮತ್ತು ನಾಯಕ ಜೋ ರೂಟ್ 14 ರನ್ಗಳಿಸಿ ಕ್ರೀಸ್ನಲ್ಲಿದ್ದಾರೆ.
ಇದಕ್ಕು ಮೊದಲ ದಿನ ಪ್ರಚಂಡ ಬೌಲಿಂಗ್ ಪ್ರದರ್ಶನ ತೋರಿದ್ದ ಇಂಗ್ಲೆಂಡ್ ಬೌಲರ್ಸ್ ಭಾರತವನ್ನು ಕೇವಲ 78 ಕ್ಕೆ ಕಟ್ಟಿಹಾಕಿದ್ದರು. ಜೇಮ್ಸ್ ಆ್ಯಂಡರ್ಸನ್ 6ಕ್ಕೆ3, ಆಲ್ಲಿ ರಾಬಿನ್ಸನ್ 16ಕ್ಕೆ2, ಸ್ಯಾಮ್ ಕರ್ರನ್ 23ಕ್ಕೆ2, ಕ್ರೇಗ್ ಓವರ್ಟರ್ನ್ 14ಕ್ಕೆ 3 ವಿಕೆಟ್ ಪಡೆದು ಭಾರತವನ್ನು ಅಲ್ಪ ಮೊತ್ತಕ್ಕೆ ಕಟ್ಟಿ ಹಾಕಿದರು. ರೋಹಿತ್ ಶರ್ಮಾ(19) ಮತ್ತು ರಹಾನೆ (18) ಮಾತ್ರ ಎರಡಂಕಿ ಮೊತ್ತ ದಾಖಲಿಸಿದ್ದರು.
ಇದನ್ನು ಓದಿ:ಪಿಚ್ ಮೃದುವಾಗಿದ್ದು, ಬೇಗ ಸೀಮರ್ಗಳಿಗೆ ನೆರವಾಯಿತು:ರಿಷಭ್ ಪಂತ್
