ನಮ್ಮ ಬಿಂದಾಸ್​ ತಂಡದ ಬಗ್ಗೆ ನನಗೆ ಹೆಮ್ಮೆ ಇದೆ: ಟೀಂ ಇಂಡಿಯಾ ಕೋಚ್ ರವಿಶಾಸ್ತ್ರಿ

ನಿನ್ನೆ ಬಿಡುಗಡೆಯಾಗಿರುವ ಐಸಿಸಿ ವಾರ್ಷಿಕ ಟೆಸ್ಟ್​ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಭಾರತ ಕ್ರಿಕೆಟ್​ ತಂಡ ಮತ್ತೆ ಮೊದಲ ಸ್ಥಾನ ಅಲಂಕರಿಸಿದೆ. ಈ ಮೂಲಕ ಐಸಿಸಿ ಟೆಸ್ಟ್​ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಸತತ 5ನೇ ವರ್ಷವೂ ಟೀಂ​ ಇಂಡಿಯಾ ಅಗ್ರಸ್ಥಾನ ಕಾಯ್ದುಕೊಂಡಿದೆ.

ನವದೆಹಲಿ: ಐಸಿಸಿ ಬಿಡುಗಡೆ ಮಾಡಿರುವ ಟೆಸ್ಟ್​ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಭಾರತ ತಂಡ ಮತ್ತೆ ಮೊದಲ ಸ್ಥಾನಕ್ಕೇರಿದ್ದು, ಕೋಚ್​ ರವಿಶಾಸ್ತ್ರಿ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

ಈ ಬಗ್ಗೆ ಟ್ವೀಟ್​ ಮಾಡಿರುವ ಅವರು, "ಈ ಸಾಧನೆಗೆ ಪ್ರತಿಯೊಬ್ಬ ಆಟಗಾರನ ದೃಢತೆ ಮತ್ತು ಅಚಲವಾದ ಗುರಿಯೇ ಕಾರಣ. ತಂಡಕ್ಕೆ ಅನೇಕ ಅಡೆತಡೆಗಳು ಎದುರಾದರೂ ಅವುಗಳನ್ನು ಮೆಟ್ಟಿನಿಂತು ಹುಡುಗರು ಈ ಸಾಧನೆ ಮಾಡಿದ್ದಾರೆ. ನಮ್ಮ ಬಿಂದಾಸ್​ ತಂಡದ ಬಗ್ಗೆ ನನಗೆ ಹೆಮ್ಮೆ ಇದೆ." ಎಂದು ತಿಳಿಸಿದ್ದಾರೆ.

• This 🇮🇳team has shown steely resolve & unwavering focus to be crowned No. 1. It is something the boys have earned fair & square. Rules changed midway but #TeamIndia overcame every hurdle along the way. My boys played tough cricket in tough times. Super proud of this bindass bunch pic.twitter.com/StzcsexCRF

  — Ravi Shastri (@RaviShastriOfc) May 13, 2021 " class="align-text-top noRightClick twitterSection" data="

  This 🇮🇳team has shown steely resolve & unwavering focus to be crowned No. 1. It is something the boys have earned fair & square. Rules changed midway but #TeamIndia overcame every hurdle along the way. My boys played tough cricket in tough times. Super proud of this bindass bunch pic.twitter.com/StzcsexCRF

  — Ravi Shastri (@RaviShastriOfc) May 13, 2021

  ">

  This 🇮🇳team has shown steely resolve & unwavering focus to be crowned No. 1. It is something the boys have earned fair & square. Rules changed midway but #TeamIndia overcame every hurdle along the way. My boys played tough cricket in tough times. Super proud of this bindass bunch pic.twitter.com/StzcsexCRF

  — Ravi Shastri (@RaviShastriOfc) May 13, 2021

24 ಪಂದ್ಯಗಳಲ್ಲಿ 2,914 ಅಂಕ ಗಳಿಸಿರುವ ಭಾರತ 121 ರೇಟಿಂಗ್​ ಪಾಯಿಂಟ್​ಗಳನ್ನು ಪಡೆದು ಐಸಿಸಿ ಟೆಸ್ಟ್​ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಸತತ 5ನೇ ವರ್ಷವೂ ಅಗ್ರಸ್ಥಾನ ಕಾಯ್ದುಕೊಂಡಿದೆ. ವಿರಾಟ್ ಕೊಹ್ಲಿ ಪಡೆಯ ವಿರುದ್ಧ ಟೆಸ್ಟ್​ ಸರಣಿ ಸೋತ ನ್ಯೂಜಿಲ್ಯಾಂಡ್​ ತಂಡ 120 ರೇಟಿಂಗ್​ ಪಾಯಿಂಟ್​ಗಳ ಮೂಲಕ 2ನೇ ಸ್ಥಾನದಲ್ಲಿದೆ. ಕಿವೀಸ್ ತಂಡ 18 ಟೆಸ್ಟ್ ಪಂದ್ಯಗಳಿಂದ 2,166 ಅಂಕಗಳನ್ನು ಸಂಪಾದಿಸಿದೆ.

ಐಸಿಸಿ ಟೆಸ್ಟ್​ ರ‍್ಯಾಂಕಿಂಗ್ ಪಟ್ಟಿಯ ಪ್ರಕಾರ, ಭಾರತ ತಂಡ 121, ನ್ಯೂಜಿಲ್ಯಾಂಡ್​ 120, ಇಂಗ್ಲೆಂಡ್​ 109, ಆಸ್ಟ್ರೇಲಿಯಾ 108, ಪಾಕಿಸ್ತಾನ 94, ವೆಸ್ಟ್​ ಇಂಡೀಸ್ 84, ದಕ್ಷಿಣ ಆಫ್ರಿಕಾ 80, ಶ್ರೀಲಂಕಾ 78, ಬಾಂಗ್ಲಾದೇಶ 46 ಮತ್ತು ಜಿಂಬಾಬ್ವೆ ತಂಡ 35 ರೇಟಿಂಗ್​ ಅಂಕದೊಂದಿಗೆ 10ನೇ ಸ್ಥಾನ ಪಡೆದಿದೆ.

ಜೂನ್ 18 ರಿಂದ 22 ರವರೆಗೆ ಸೌತಾಂಪ್ಟನ್‌ನ ಏಗಾಸ್ ಬೌಲ್‌ನಲ್ಲಿ ನಡೆಯುವ ಉದ್ಘಾಟನಾ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ನಲ್ಲಿ ಭಾರತ ಮತ್ತು ನ್ಯೂಜಿಲೆಂಡ್ ತಂಡಗಳು ಸೆಣಸಲಿವೆ.