ಜೈಪುರ: ವಿಜಯ್ ಹಜಾರೆ ಟ್ರೋಫಿಯ ಕ್ವಾರ್ಟರ್ ಫೈನಲ್ನಲ್ಲಿ ತಮಿಳುನಾಡು ವಿರುದ್ಧ ಕರ್ನಾಟಕ 151 ರನ್ಗಳಿಂದ ಸೋಲುವ ಮೂಲಕ ಟೂರ್ನಿಯಲ್ಲಿ ತನ್ನ ಅಭಿಯಾನವನ್ನು ಅಂತ್ಯಗೊಳಿಸಿದೆ. ಇತ್ತ ತಮಿಳುನಾಡು ಮೊದಲ ತಂಡವಾಗಿ ಸೆಮಿಫೈನಲ್ ಪ್ರವೇಶಿಸಿದೆ.
ಜೈಪುರದಲ್ಲಿ ನಡೆದ 2ನೇ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ತಮಿಳುನಾಡು ತಂಡ ಕರ್ನಾಟಕದ ಬೌಲಿಂಗ್ ದಾಳಿಯನ್ನು ಪುಡಿಗಟ್ಟಿದರು. 50 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 354 ರನ್ಗಳಿಸಿದರು.
ಆರಂಭಿಕ ಬ್ಯಾಟರ್ ಎನ್ ಜಗದೀಶನ್ 101 ಎಸೆತಗಳಲ್ಲಿ 9 ಬೌಂಡರಿ ಸಹಿತ 102, ಸಾಯಿ ಕಿಶೋರ್ 71 ಎಸೆತಗಳಲ್ಲಿ 4 ಬೌಂಡರಿ 3 ಸಿಕ್ಸರ್ಗಳ ಸಹಿತ 61, ಶಾರುಕ್ ಖಾನ್ ಕೇವಲ 39 ಎಸೆತಗಳಲ್ಲಿ 7 ಬೌಂಡರಿ ಮತ್ತು 6 ಸಿಕ್ಸರ್ಗಳ ಮೂಲಕ ಅಜೇಯ 79 ರನ್ಗಳಿಸಿ ಬೃಹತ್ ಮೊತ್ತಕ್ಕೆ ಕಾರಣರಾದರು.
ಕರ್ನಾಟಕ ಪರ ಪ್ರಸಿಧ್ ಕೃಷ್ಣ 57ಕ್ಕೆ 2, ಪ್ರವೀಣ್ ದುಬೆ 67ಕ್ಕೆ 3 ವಿಕೆಟ್, ಕಾರಿಯಪ್ಪ 46ಕ್ಕೆ 1 ವಿಕೆಟ್ ಪಡೆದರು. ವೈಶಾಕ್ (79ಕ್ಕೆ1) ಮತ್ತು ಪ್ರತೀಕ್ ಜೈನ್ 79 ರನ್ ನೀಡಿ ದುಬಾರಿಯಾದರು.
355 ರನ್ಗಳ ಗುರಿ ಬೆನ್ನಟ್ಟಿದ ಕರ್ನಾಟಕ 39 ಓವರ್ಗಳಲ್ಲಿ 203 ರನ್ಗಳಿಗೆ ಸರ್ವಪತನ ಕಂಡಿತು. ಭರವಸೆಯ ಬ್ಯಾಟರ್ ದೇವದತ್ ಪಡಿಕಲ್ ಶೂನ್ಯಕ್ಕೆ ಔಟಾದರೆ, ನಾಯಕ ಮನೀಶ್ ಪಾಂಡೆ 9 ರನ್ಗಳಿಗೆ ಔಟಾಗಿದ್ದರಿಂದ ಕರ್ನಾಟಕ ಚೇತರಿಸಿಕೊಳ್ಳಲು ವಿಫಲವಾಯಿತು. ರೋಹನ್ ಕಡಮ್ 24, ಕೃಷ್ಣಮೂರ್ತಿ ಸಿದ್ಧಾರ್ಥ್ 29, ಅಭಿನವ್ ಮನೋಹರ್ 34, ಶ್ರೀನಿವಾಸ್ ಶರತ್ 43 , ಪ್ರವೀಣ್ ದುಬೆ 26 ರನ್ಗಳಿಸಿದರು.
ತಮಿಳುನಾಡು ಪರ ಆರ್ ಸಿಲಂಬರಸನ್ 36ಕ್ಕೆ 4, ವಾಷಿಂಗ್ಟನ್ ಸುಂದರ್ 43ಕ್ಕೆ 3 ವಿಕೆಟ್ ಪಡೆದರೆ, ಸಂದೀಪ್ ವಾರಿಯ್, ಸಾಯಿ ಕಿಶೋರ್ ಮತ್ತು ಎಂ ಸಿದ್ಧಾರ್ಥ್ ತಲಾ ಒಂದು ವಿಕೆಟ್ ಪಡೆದು ಬೃಹತ್ ಜಯದೊಂದಿಗೆ ತಮಿಳುನಾಡು ತಂಡವನ್ನು ಸೆಮಿಫೈನಲ್ಗೆ ಕೊಂಡೊಯ್ದರು.
ಮತ್ತೊಂದು ಸೆಮಿಫೈನಲ್ ಪಂದ್ಯದಲ್ಲಿ ಹಿಮಾಚಲ ಪ್ರದೇಶ 5 ವಿಕೆಟ್ಗಳಿಂದ ಉತ್ತರ ಪ್ರದೇಶ ತಂಡವನ್ನು ಮಣಿಸಿ ಮಣಿಸಿ ಸೆಮಿಫೈನಲ್ ಪ್ರವೇಶಿಸಿತು. ಯುಪಿ ನೀಡಿದ 207 ರನ್ಗಳ ಸಾಧಾರಣ ಗುರಿಯನ್ನು ಹಿಮಾಚಲ 45.3 ಓವರ್ಗಳಲ್ಲಿ 3 ವಿಕೆಟ್ ಕಳೆದುಕೊಂಡು ತಲುಪಿತು. ಬುಧವಾರ ನಡೆಯುವ ಮತ್ತೆರಡು ಕ್ವಾರ್ಟರ್ ಫೈನಲ್ನಲ್ಲಿ ಸರ್ವೀಸಸ್ ಮತ್ತು ಕೇರಳ ಹಾಗೂ ಸೌರಾಷ್ಟ್ರ ಮತ್ತು ವಿದರ್ಭ ತಂಡಗಳು ಮುಖಾಮುಖಿಯಾಗಲಿವೆ.
ಇದನ್ನೂ ಓದಿ: ರವಿಶಾಸ್ತ್ರಿಯ ಆ ಒಂದು ಹೇಳಿಕೆ ನನ್ನ ಮನಸ್ಸನ್ನು ಪುಡಿ ಪುಡಿ ಮಾಡಿತ್ತು: ಅಶ್ವಿನ್
