ಅಡಿಲೇಡ್ (ಆಸ್ಟ್ರೇಲಿಯಾ): ಟಿ20 ವಿಶ್ವಕಪ್ ಟೂರ್ನಿಯ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಅಫ್ಘಾನಿಸ್ತಾನ ತಂಡ ಭಾರಿ ಪೈಪೋಟಿ ನೀಡಿ 4 ರನ್ಗಳಿಂದ ಸೋಲು ಕಂಡಿದೆ. 168 ರನ್ಗಳ ಗುರಿ ಬೆನ್ನಟ್ಟಿದ ಅಫ್ಘಾನಿಸ್ತಾನ ಆಟಗಾರರು ಕೊನೆಯ ಓವರ್ನವರೆಗೂ ಗೆಲುವಿಗೆ ಹೋರಾಟ ನಡೆಸಿದರು.
ಅಫ್ಘಾನಿಸ್ತಾನ ತಂಡ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತ್ತು. ಮೊದಲು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 168 ರನ್ಗಳನ್ನು ಪೇರಿಸಿತು. ಈ ಗೆಲುವಿನ ಗುರಿ ಬೆನ್ನಟ್ಟಿದ ಅಫ್ಘಾನಿಸ್ತಾನ ಆಟಗಾರರು ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿ ಪಂದ್ಯವನ್ನು ರೋಚಕ ಘಟ್ಟಕ್ಕೆ ತೆಗೆದುಕೊಂಡು ಹೋದರು.
ಕೊನೆಯ ಓವರ್ನಲ್ಲಿ ಅಫ್ಘಾನಿಸ್ತಾನ ಗೆಲುವಿಗೆ 22 ರನ್ಗಳ ಅವಶ್ಯಕತೆ ಇತ್ತು. ಮೊದಲ 4 ಎಸೆತಗಳಲ್ಲಿ ರಶೀದ್ ಖಾನ್ ಒಂದು ಸಿಕ್ಸರ್ ಮತ್ತು ಬೌಂಡರಿ ಬಾರಿಸಿ ಪಂದ್ಯವನ್ನು ಮತ್ತಷ್ಟು ರೋಚಕಕ್ಕೆ ತಿರುಗಿಸಿದರು. ಕೊನೆಯ 2 ಎಸೆತಗಳಲ್ಲಿ ಗೆಲುವಿಗೆ 12 ರನ್ಗಳು ಬೇಕಾಗಿದ್ದವು. ಆದರೆ, 5ನೇ ಎಸತೆದಲ್ಲಿ 2 ರನ್ ಮತ್ತು ಪಂದ್ಯದ ಕೊನೆ ಬಾಲ್ನಲ್ಲಿ ಬೌಂಡರಿ ಬಾರಿಸಿದರೂ ಸೋಲೊಪ್ಪಿಕೊಳ್ಳಬೇಕಾಗಿತ್ತು.
ಕೊನೆಯವರೆಗೂ ಗೆಲುವಿಗೆ ಪ್ರಯತ್ನಿಸಿದ ರಶೀದ್ ಖಾನ್ 23 ಎಸೆತಗಳಲ್ಲಿ 4 ಸಿಕ್ಸರ್ಗಳು ಮತ್ತು 3 ಬೌಂಡರಿಗಳ ಸಮೇತ 48 ರನ್ಗಳನ್ನು ಬಾರಿಸಿದರು. ರಹಮಾನುಲ್ಲಾ ಗುರ್ಬಾಜ್ (30), ಇಬ್ರಾಹಿಂ ಜದ್ರಾನ್ (26), ಗುಲ್ಬದಿನ್ ವೈಸ್ (39), ದರ್ವಿಶ್ ರಸೂಲಿ (15) ಉತ್ತಮವಾಗಿ ಬ್ಯಾಟ್ ಬೀಸಿದರು. ಒಟ್ಟಾರೆ 7 ವಿಕೆಟ್ ನಷ್ಟಕ್ಕೆ ಅಫ್ಘಾನಿಸ್ತಾನ 164 ರನ್ಗಳನ್ನು ಬಾರಿಸಲಷ್ಟೇ ಶಕ್ತವಾಯಿತು.
ಇನ್ನು, ಬೌಲಿಂಗ್ನಲ್ಲೂ ಅಫ್ಘಾನಿಸ್ತಾನ ಆಟಗಾರರು ಉತ್ತಮ ಪ್ರದರ್ಶನ ನೀಡಿದರು. ಆಸ್ಟ್ರೇಲಿಯಾ ಇನ್ಸಿಂಗ್ನ ಆರಂಭದಿಂದಲೂ ಅಫ್ಘಾನಿಸ್ತಾನ ಬೌಲರ್ಗಳು ಬಿಗಿ ಬೌಲಿಂಗ್ ಮಾಡಿದರು. ಆಸೀಸ್ ತಂಡದ ಪರ ಡೇವಿಡ್ ವಾರ್ನರ್ (25), ಕ್ಯಾಮರೂನ್ ಗ್ರೀನ್ (3), ಮಿಚೆಲ್ ಮಾರ್ಷ್ (45), ಸ್ಟೊಯಿನಿಸ್ (25), ಮ್ಯಾಕ್ಸ್‌ವೆಲ್ ಅಜೇಯ 52 ರನ್ಗಳನ್ನು ಸಿಡಿಸಿದ್ದರು.
ಇದನ್ನೂ ಓದಿ: T20 World Cup: ಐರ್ಲೆಂಡ್ ವಿರುದ್ಧ ನ್ಯೂಜಿಲ್ಯಾಂಡ್ಗೆ ಜಯ.. ಸೋತ ಪಂದ್ಯದಲ್ಲಿ ಲಿಟಲ್ ಹ್ಯಾಟ್ರಿಕ್ ಸಾಧನೆ
