ಶಾರ್ಜಾ: ಇಂದು ದುಬೈನ ಶಾರ್ಜಾ ಮೈದಾನದಲ್ಲಿ ಮಹಿಳಾ ಟಿ-20 ಚಾಲೆಂಜ್‌ನ ಮೂರನೇ ಆವೃತ್ತಿ ಆರಂಭವಾಗಿಲಿದೆ. ಭಾರತ ತಂಡದ ಟಾಪ್ ಆಟಗಾರ್ತಿಯರು ಹಾಗೂ ಇಂಗ್ಲೆಂಡ್, ದಕ್ಷಿಣ ಆಫ್ರಿಕಾ ಮತ್ತು ವೆಸ್ಟ್ ಇಂಡೀಸ್‌, ಶ್ರೀಲಂಕಾ, ಬಾಂಗ್ಲಾದೇಶ ಮತ್ತು ನ್ಯೂಜಿಲೆಂಡ್‌ನ ಆಟಗಾರ್ತಿಯರು ಸಹ ಈ ಟೂರ್ನಿಯಲ್ಲಿ ಆಡಲಿದ್ದಾರೆ.
ಇದು ನಾಲ್ಕು ಪಂದ್ಯಗಳ ಟೂರ್ನಿಯಾಗಿದ್ದು, ಈ ಟೂರ್ನಿಯಲ್ಲಿ ಮೂರು ತಂಡಗಳು ಸೆಣೆಸಾಡಲಿವೆ. ಇಂದು ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಹರ್ಮನ್‌ಪ್ರೀತ್ ಕೌರ್ ಪಡೆ ಸೂಪರ್ನೋವಾ, ಕಳೆದ ವರ್ಷದ ರನ್ನರ್ಸ್ ಅಪ್ ಮಿಥಾಲಿ ರಾಜ್ ಪಡೆ ವೆಲಾಸಿಟಿ ತಂಡ ಕಣಕ್ಕಿಳಿಯಲಿವೆ.
ಹರ್ಮನ್‌ಪ್ರೀತ್ ಕೌರ್ ನೇತೃತ್ವದ ಸೂಪರ್ನೋವಾಸ್ ಈ ಹಿಂದಿನ ಎರಡು ಆವೃತ್ತಿಗಳನ್ನು ಗೆದ್ದಿದೆ. ಹರ್ಮನ್ ಪ್ರೀತ್ ಕೌರ್ ಮಹಿಳಾ ಟಿ20 ಚಾಲೆಂಜ್ ಇತಿಹಾಸದಲ್ಲೇ ಯಶಸ್ವಿ ಆಟಗಾರ್ತಿಯರಾಗಿದ್ದಾರೆ. ಇವರ ನೇತೃತ್ವದ ತಂಡ ಸತತವಾಗಿ 2 ಬಾರಿ ಚಾಂಪಿಯನ್ ಆಗಿದೆ.
ಹರ್ಮನ್‌ಪ್ರೀತ್ ಕೌರ್ ಕೊನೆಯ ಆವೃತ್ತಿಯಲ್ಲಿ ಮೂರು ಪಂದ್ಯಗಳಲ್ಲಿ ಅವರು ಎರಡು ಅರ್ಧಶತಕಗಳನ್ನ ಗಳಿಸಿದ್ದರು. ಫೈನಲ್‌ ಪಂದ್ಯದಲ್ಲಿ 37 ಬೌಲ್ಗಳಲ್ಲಿ 51ರನ್ ಸಿಡಿಸಿ ಗೆಲುವಿನ ರೂವಾರಿಯಾಗಿದ್ದರು. ಭಾರತದ ಪರ ಟಿ-20ಯಲ್ಲಿ ಸೆಂಚುರಿ ಸಿಡಿಸಿದ ಮೊದಲ ಮಹಿಳಾ ಕ್ರಿಕೆಟಿಗೆ ಹಾಗೂ 100 ಟಿ20 ಪಂದ್ಯವನ್ನಾಡಿದ ಮೊದಲ ಆಟಗಾರ್ತಿ ಎಂಬ ದಾಖಲೆ ಹೊಂದಿದ್ದಾರೆ.
ಮುಂಬೈನ 20 ವರ್ಷದ ಪ್ರತಿಭಾನ್ವಿತ ಬ್ಯಾಟ್ಸ್ವುಮನ್ ಜೆಮಿಮಾ ರೋಡ್ರಿಗಸ್ 2019ರ ಮಹಿಳಾ ಟಿ20 ಚಾಲೆಂಜ್ನಲ್ಲಿ 61.50 ಸರಾಸರಿಯಲ್ಲಿ 123 ರನ್ಗಳಿಸುವ ಮೂಲಕ 'ಪ್ಲೇಯರ್ ಆಫ್ ದಿ ಸೀರೀಸ್' ಪ್ರಶಸ್ತಿಗೆ ಭಾಜನರಾಗಿದ್ದರು. ಇವರು ಸೂಪರ್ ನೊವಾಸ್ನ ಪ್ರಮುಖ ಬ್ಯಾಟರ್ ಆಗಲಿದ್ದಾರೆ.
ಮಹಿಳಾ ಟಿ20 ಟೂರ್ನಿಯಲ್ಲೇ ಅತ್ಯಂತ ಕಿರಿಯ ನಾಯಕಿ ಎಂಬ ದಾಖಲೆಯನ್ನ ಸ್ಮೃತಿ ಮಂಧಾನ ಹೊಂದಿದ್ದಾರೆ. ಕಳೆದ ವರ್ಷದ ಸೋಲಿಗೆ ಸೇಡು ತೀರಿಸಿಕೊಳ್ಳುವ ಹಂಬಲದಲ್ಲಿದ್ದಾರೆ. ಮಂಧಾನ ಟಿ20 ವಿಶ್ವಕಪ್ನಲ್ಲಿ 4 ಇನ್ನಿಂಗ್ಸ್ಗಳಲ್ಲಿ ಕೇವಲ 49 ರನ್ಗಳಿಸಿ ವಿಫಲರಾಗಿದ್ದರು. ಆದರೆ, ಮಹಿಳಾ ಟಿ20 ಚಾಲೆಂಜ್ ಮೂಲಕ ಮತ್ತೆ ಫಾರ್ಮ್ ಕಳೆದುಕೊಳ್ಳುವ ನಿರೀಕ್ಷೆಯಲ್ಲಿ ಟ್ರೈಲ್ಬ್ಲೇಜರ್ಸ್ ನಾಯಕಿಯಿದ್ದಾರೆ.
ದೇಶದ ಮಹಿಳಾ ಕ್ರಿಕೆಟ್‌ಗೆ ಹೆಚ್ಚು ಉತ್ತೇಜನವನ್ನು ನೀಡಲು ಈ ಪಂದ್ಯಾವಳಿಯನ್ನು ಬಿಸಿಸಿಐ 2018 ರಲ್ಲಿ ಮೊದಲು ಪರಿಚಯಿಸಿತು. ವೆಲಾಸಿಟಿ ಮತ್ತು ಟ್ರೈಲ್ಬ್ಲೇಜರ್ಸ್ ನಡುವಿನ ಪಂದ್ಯವನ್ನು ಹೊರತುಪಡಿಸಿ ಎಲ್ಲಾ ಪಂದ್ಯಗಳು ಸಂಜೆ 7:30 ರಿಂದ ಪ್ರಾರಂಭವಾಗುತ್ತವೆ. ವೆಲಾಸಿಟಿ ಮತ್ತು ಟ್ರೈಲ್ಬ್ಲೇಜರ್ಸ್ ನಡುವಿನ ಪಂದ್ಯ ಮಧ್ಯಾಹ್ನ 3:30ಕ್ಕೆ ನಡೆಯಲಿದೆ.
ಸೂಪರ್ನೊವಾಸ್ ತಂಡ: ಹರ್ಮನ್‌ಪ್ರೀತ್ ಕೌರ್ (ನಾಯಕಿ), ಜೆಮಿಮಾ ರೊಡ್ರಿಗಸ್, ಚಮರಿ ಅತಪತ್ತು, ಪ್ರಿಯಾ ಪುನಿಯಾ, ಅನುಜಾ ಪಾಟೀಲ್, ರಾಧಾ ಯಾದವ್, ತಾನಿಯಾ ಭಾಟಿಯಾ, ಶಶಿಕಲಾ ಶ್ರೀವರ್ಧನೆ, ಪೂನಂ ಯಾದವ್, ಶಕೇರಾ ಸೆಲ್ಮಾನ್, ಅರುಂಧತಿ ರೆಡ್ಡಿ, ಪೂಜಾ ವಸ್ತ್ರಾಕರ್, ಆಯುಷಿ ಸೋನಿ, ಆಯಭೋಂಗ ಖಾಕ, ಮುಸ್ಕಾನ್ ಮಲಿಕ್ ಈ ತಂಡದ ಆಟಗಾರ್ತಿಯರು.
ವೆಲಾಸಿಟಿ ತಂಡ : ಮಿಥಾಲಿ ರಾಜ್ (ನಾಯಕಿ), ವೇದ ಕೃಷ್ಣಮೂರ್ತಿ (ಉಪ ನಾಯಕಿ), ಶಫಾಲಿ ವರ್ಮಾ, ಸುಷ್ಮಾ ವರ್ಮಾ , ಏಕ್ತಾ ಬಿಶ್ತ್, ಮಾನ್ಸಿ ಜೋಶಿ, ಶಿಖಾ ಪಾಂಡೆ, ದೇವಿಕಾ ವೈದ್ಯ, ಸುಶ್ರೀ ದಿಬ್ಯಾದರ್ಶಿನಿ, ಮನಾಲಿ ದಕ್ಷಿಣೇಶಿ, ಲೇಘ್ ಕಾಶ್ನೆ ಜಹನಾರಾ ಆಲಂ ಮತ್ತು ಎಂ ಅನಘಾ.
