ಮೂರನೇ ಬಾರಿಗೆ ಸಿಡ್ನಿ ಸಿಕ್ಸರ್ಸ್​​ಗೆ ಬಿಬಿಎಲ್ ಚಾಂಪಿಯನ್​ ಪಟ್ಟ!

ಶನಿವಾರ (ಫೆ.6) ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ ಆರಂಭಿಸಿದ ಸಿಡ್ನಿ, 20 ಓವರ್​​​​ನಲ್ಲಿ 6 ವಿಕೆಟ್ ಪತನಗೊಂಡು 188 ರನ್ ಗಳಿಸಿತ್ತು. ಬೃಹತ್​ ಮೊತ್ತ ಬೆನ್ನಟ್ಟಿದ ಪರ್ತ್​ 9 ವಿಕೆಟ್​ಗೆ 161 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರಿಂದ ಸಿಡ್ನಿ ಸಿಕ್ಸರ್​ ತಂಡ 27 ರನ್‌ಗಳ ರೋಚಕ ಗೆಲುವು ಸಾಧಿಸಿತು.

ಸಿಡ್ನಿ : 10ನೇ ಆವೃತ್ತಿ ಬಿಗ್​ ಬ್ಯಾಷ್​ ಲೀಗ್​ನ (ಬಿಬಿಎಲ್​) ಫೈನಲ್​ ಪಂದ್ಯದಲ್ಲಿ ಪರ್ತ್ ಸ್ಕಾರ್ಚರ್ಸ್ ತಂಡವನ್ನು ಬಗ್ಗುಬಡಿದ ಸಿಡ್ನಿ ಸಿಕ್ಸರ್ಸ್​ ಸತತ ಎರಡನೇ ಬಾರಿ ಹಾಗೂ ಒಟ್ಟಾರೆ 3ನೇ ಬಾರಿ ಚಾಂಪಿಯನ್​ ಪಟ್ಟ ಅಲಂಕರಿಸಿದೆ.

ಶನಿವಾರ (ಫೆ.6) ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ ಆರಂಭಿಸಿದ ಸಿಡ್ನಿ, 20 ಓವರ್​​​​ನಲ್ಲಿ 6 ವಿಕೆಟ್ ಕಳೆದುಗೊಂಡು 188 ರನ್ ಗಳಿಸಿತ್ತು. ಬೃಹತ್​ ಮೊತ್ತ ಬೆನ್ನಟ್ಟಿದ ಪರ್ತ್​ 9 ವಿಕೆಟ್​ಗೆ 161 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರಿಂದ ಸಿಡ್ನಿ ಸಿಕ್ಸರ್​ ತಂಡ 27 ರನ್‌ಗಳ ರೋಚಕ ಗೆಲುವು ಸಾಧಿಸಿತು.

ಸಿಡ್ನಿ ತಂಡದ ಪರ ಆರಂಭಿಕ ಜೇಮ್ಸ್​ ವಿನ್ಸ್​ ಅಮೋಘ ಅರ್ಧಶತಕ (95, 10*4, 3*6) ಬಾರಿಸಿ ಮಿಂಚುವ ಮೂಲಕ ತಂಡದ ಗೆಲುವಿಗೆ ಕಾರಣರಾದರು. ಜೋಷ್​​ ಫಿಲಿಪ್ಪೆ, ಡೇನಿಯಲ್ ಹ್ಯೂಸ್​ 13, ಮೋಯಿಸ್​ ಹೆನ್ರಿಕ್ಸ್ 18, ಜೋರ್ಡನ್ ಸಿಲ್ಕ್ 17*, ಡೇನಿಯಲ್ ಕ್ರಿಶ್ಚಿಯನ್ 20, ಕಾರ್ಲೋಸ್ ಬ್ರಾತ್‌ವೇಟ್ 10 ರನ್‌ ಗಳಿಸಿದರು. ಪರ್ತ್​​ನ ಜಾಯ್​ ರಿಚರ್ಡ್ಸ್‌ಸನ್, ಆ್ಯಂಡ್ರ್ಯೂ ಟೈ ತಲಾ 2, ಫವಾದ್ ಅಹ್ಮದ್ 1 ವಿಕೆಟ್ ಕಿತ್ತರು.

• Soak it up, @SixersBBL fans 🏆🏆 #BBL10 | #BBLFinals pic.twitter.com/UkmmMtsZFF

  — KFC Big Bash League (@BBL) February 6, 2021 " class="align-text-top noRightClick twitterSection" data="

  Soak it up, @SixersBBL fans 🏆🏆 #BBL10 | #BBLFinals pic.twitter.com/UkmmMtsZFF

  — KFC Big Bash League (@BBL) February 6, 2021

  ">

  Soak it up, @SixersBBL fans 🏆🏆 #BBL10 | #BBLFinals pic.twitter.com/UkmmMtsZFF

  — KFC Big Bash League (@BBL) February 6, 2021

ಗುರಿ ಬೆನ್ನಟ್ಟಿದ ಪರ್ತ್ ಸ್ಕಾರ್ಚರ್ಸ್ ಯಾವೊಬ್ಬ ಆಟಗಾರನಿಂದಲೂ ಉತ್ತಮ ಪ್ರದರ್ಶನ ತೋರಲಿಲ್ಲ. ಕ್ಯಾಮರೂನ್​ ಬೆನ್‌ಕ್ರಾಫ್ಟ್‌ 30, ಲಿಯಾಮ್ ಲಿವಿಂಗ್‌ಸ್ಟೋನ್ 20, ಜೋಷ್​ ಇಂಗ್ಲಿಷ್ 22, ಮಿಚೆಲ್ ಮಾರ್ಷ್ 11, ಟರ್ನರ್ 11, ಹಾರ್ಡಿ 26 ರನ್‌ ಬಾರಿಸಿದರು. ಸಿಡ್ನಿಯ ಜ್ಯಾಕ್ಸನ್ ಬರ್ಡ್, ಸೀನ್​ ಅಬಾಟ್​, ಕ್ರಿಶ್ಚಿಯನ್ ತಲಾ 2, ಡ್ವೇನ್​ ಡ್ವಾರ್ಷಿಯಸ್​​ 3 ಪಡೆದು ಮಿಂಚಿದರು. ಜೇಮ್ಸ್ ವಿನ್ಸ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜರಾದರೆ, ಸರಣಿ ಶ್ರೇಷ್ಠ ಪ್ರಶಸ್ತಿಯನ್ನು ಜೋಷ್ ಫಿಲಿಪ್ಪೆ ಪಡೆದುಕೊಂಡರು.

3ನೇ ಬಾರಿಗೆ ಚಾಂಪಿಯನ್​​

2011ರಲ್ಲಿ ನಡೆದ ಬಿಬಿಎಲ್​​ನ ಮೊದಲ ಆವೃತ್ತಿಯಲ್ಲೇ ಫೈನಲ್​ಗೇರಿದ ಸಿಡ್ನಿ ಸಿಕ್ಸರ್​, ಪರ್ತ್​​ ಸ್ಕಾಚರ್ಸ್​ ವಿರುದ್ಧ 7 ವಿಕೆಟ್​ಗಳ ಅಂತರದಿಂದ ಗೆದ್ದು ಪ್ರಥಮ ಬಾರಿಗೆ ಪ್ರಶಸ್ತಿಗೆ ಮುತ್ತಿಕ್ಕಿತ್ತು. ನಂತರ 2019ರಲ್ಲಿ ಮೆಲ್ಬೋರ್ನ್ ಸ್ಟಾರ್ಸ್​ ವಿರುದ್ಧ 19 ರನ್​ಗಳ ರೋಚಕ ಗೆಲುವು ಸಾಧಿಸಿ ಎರಡನೇ ಬಾರಿ ಚಾಂಪಿಯನ್​ ಆಗಿ ಹೊರ ಹೊಮ್ಮಿತ್ತು. ಈ ಬಾರಿಯೂ ಪರ್ತ್​ ವಿರುದ್ಧ 27 ರನ್​ಗಳಿಂದ ಜಯಿಸುವ ಮೂಲಕ 3ನೇ ಬಾರಿಗೆ ಟ್ರೋಫಿ ತನ್ನದಾಗಿಸಿಕೊಂಡಿತು. 2014 ಮತ್ತು 2016ರ ಆವೃತ್ತಿಯಲ್ಲಿ ರನ್ನರ್​ ಅಪ್​ ಆಗಿತ್ತು.

3ನೇ ಬಾರಿಗೆ ರನ್ನರ್​ಅಪ್​

ಬಿಬಿಎಲ್​ ನಡೆದ 10 ಆವೃತ್ತಿಗಳಲ್ಲಿ ಪರ್ತ್​ ಸ್ಕಾಚರ್ಸ್​ ತಂಡವು 6 ಬಾರಿ ಫೈನಲ್​ ತಲುಪಿದೆ. ಅದರಲ್ಲಿ ಮೂರು ಬಾರಿ ರನ್ನರ್​ ​ಅಪ್​ ಆಗಿದ್ದರೆ, ಮೂರು ಬಾರಿ ಪ್ರಶಸ್ತಿ ಗೆದ್ದಿದೆ. 2011, 2012 ಮತ್ತು 2020ರಲ್ಲಿ ಕ್ರಮವಾಗಿ ಸಿಡ್ನಿ ಸಿಕ್ಸರ್, ಬ್ರಿಸ್ಬೇನ್​ ಹೀಟ್​ ಮತ್ತು ಸಿಡ್ನಿ ಸಿಕ್ಸರ್ ವಿರುದ್ಧ ಅಂತಿಮ ಹಣಾಹಣಿಯಲ್ಲಿ ಸೋಲು ಕಂಡು ರನ್ನರ್ ಆಗಿದೆ. 2013, 2014 ಮತ್ತು 2016ರಲ್ಲಿ ಕ್ರಮವಾಗಿ ಹೋಬಾರ್ಟ್​ ಹರಿಕೇನ್ಸ್​, 2ಬಾರಿ ಸಿಡ್ನಿ ಸಿಕ್ಸರ್ ವಿರುದ್ಧ ಜಯಿಸಿ ಟ್ರೋಫಿ ತನ್ನದಾಗಿಸಿಕೊಂಡಿದೆ.