ಏಷ್ಯಾಕಪ್​: ಟಾಸ್​ ಗೆದ್ದ ಪಾಕಿಸ್ತಾನ​ ಬ್ಯಾಟಿಂಗ್​.. ಮಳೆ ಅಡ್ಡಿಯಿಂದಾಗಿ 45 ಓವರ್​ಗೆ ಪಂದ್ಯ ಕಡಿತ

Asia Cup Super 4: ಪಾಕಿಸ್ತಾನ ಶ್ರೀಲಂಕಾ ನಡುವಿನ ಪಂದ್ಯ ಮಳೆ ಅಡ್ಡಿ ಬಳಿಕ ಆರಂಭವಾಗಿದೆ. ಪಾಕಿಸ್ತಾನ ಬ್ಯಾಟಿಂಗ್​ ಆಯ್ದುಕೊಂಡಿದೆ.

ಕೊಲಂಬೊ: ಏಷ್ಯಾಕಪ್ ಟೂರ್ನಿಯ ಸೆಮಿಫೈನಲ್​ ಪಂದ್ಯ ಎಂದೇ ಬಿಂಬಿತವಾಗಿರುವ ಶ್ರೀಲಂಕಾ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯ ಮಳೆ ಅಡ್ಡಿ ನಡುವೆ ಆರಂಭವಾಗಿದ್ದು, ಟಾಸ್​ ಗೆದ್ದ ಪಾಕಿಸ್ತಾನ ಬ್ಯಾಟಿಂಗ್​ ಆಯ್ದುಕೊಂಡಿದೆ. ಎರಡೂ ತಂಡಗಳಿಗೂ ಈ ಪಂದ್ಯ ಮಹತ್ವದ್ದಾಗಿದ್ದು, ಇಲ್ಲಿ ಗೆದ್ದವರು ಸೆ.17 ರಂದು ನಡೆಯಲಿರುವ ಫೈನಲ್‌ನಲ್ಲಿ ಭಾರತವನ್ನು ಎದುರಿಸಲಿದ್ದಾರೆ.

3 ಗಂಟೆಗೆ ನಡೆಯಬೇಕಿದ್ದ ಪಂದ್ಯ ಮಳೆಯಿಂದಾಗಿ 2 ಗಂಟೆ ತಡವಾಗಿ ಆರಂಭವಾಯಿತು. 2 ಗಂಟೆ ಆಟ ವ್ಯರ್ಥವಾದ ಕಾರಣ ಪಂದ್ಯವನ್ನು 45 ಓವರ್​ಗಳಿಗೆ ಕಡಿತ ಮಾಡಲಾಗಿದೆ. 9 ಓವರ್​ ಪವರ್​ಪ್ಲೇ ಇರಲಿದೆ.

ಎರಡೂ ತಂಡಗಳಲ್ಲಿ ಬದಲಾವಣೆ ಮಾಡಲಾಗಿದೆ. ಪಾಕಿಸ್ತಾನದ ವೇಗಿಗಳಾದ ನಸೀಮ್​, ಮೊಹಮದ್​ ರೌಫ್​ ಗಾಯಗೊಂಡಿದ್ದಾರೆ. ನಸೀಮ್​ ಈಗಾಗಲೇ ಟೂರ್ನಿಯಿಂದಲೇ ಹೊರಬಿದ್ದಿದ್ದಾರೆ.

• Pakistan opt to bat first after the rain relents 👊
  
  It'll be 45 overs per side in Colombo 👀#AsiaCup2023 | #PAKvSL 📝: https://t.co/Xt9266nBcH pic.twitter.com/EEFcB1lsmC

  — ICC (@ICC) September 14, 2023 " class="align-text-top noRightClick twitterSection" data="

  Pakistan opt to bat first after the rain relents 👊
  
  It'll be 45 overs per side in Colombo 👀#AsiaCup2023 | #PAKvSL 📝: https://t.co/Xt9266nBcH pic.twitter.com/EEFcB1lsmC

  — ICC (@ICC) September 14, 2023

  ">

  Pakistan opt to bat first after the rain relents 👊
  
  It'll be 45 overs per side in Colombo 👀#AsiaCup2023 | #PAKvSL 📝: https://t.co/Xt9266nBcH pic.twitter.com/EEFcB1lsmC

  — ICC (@ICC) September 14, 2023

ಪ್ರಕಟಿತ ತಂಡದಲ್ಲೂ ಬದಲಾವಣೆ: ಪಾಕಿಸ್ತಾನ ಮೊದಲೇ ತಂಡವನ್ನು ಪ್ರಕಟಿಸಿತ್ತು. ಭಾರತದ ವಿರುದ್ಧ ಆಡಿದ್ದ ತಂಡದಲ್ಲಿ ಐದು ಆಟಗಾರರನ್ನು ಕೈ ಬಿಡಲಾಗಿದೆ. ನಸೀಮ್​ ಮತ್ತು ರೌಫ್​ ಗಾಯದಿಂದಾಗಿ ತಂಡದಿಂದ ಹೊರಗುಳಿದಿದ್ದಾರೆ. ಆರಂಭಿಕ ಫಖರ್​ ಜಮಾನ್ ಬದಲು ಮೊಹಮ್ಮದ್ ಹ್ಯಾರಿಸ್, ಅಘಾ ಅಸ್ಲಾಮ್​ ಬದಲು ಸೌದ್ ಶಕೀಲ್, ಫಾಹಿಮ್ ಅಶ್ರಫ್ ಬದಲು ಮೊಹಮ್ಮದ್ ನವಾಜ್​ಗೆ ಸ್ಥಾನ ನೀಡಲಾಗಿತ್ತು. ಗಾಯಗೊಂಡ ವೇಗಿಗಳ ಬದಲಾಗಿ ಮೊಹಮ್ಮದ್ ವಾಸಿಮ್ ಜೂನಿಯರ್, ಮೊಹಮ್ಮದ್ ನವಾಜ್ ಮಾನ್ ಖಾನ್​ಗೆ ಅವಕಾಶ ನೀಡಲಾಗಿತ್ತು. ಆದರೆ, ಇಮಾಮ್​ ಉಲ್​ ಹಕ್​ ಬೆನ್ನು ನೋವಿಗೀಡಾಗಿದ್ದರೆ, ಸೌದ್ ಶಕೀಲ್​ಗೆ ಜ್ವರ ಕಾಡುತ್ತಿದೆ. ಇಬ್ಬರ ಬದಲಿಗೆ ಫಖರ್​ ಜಮಾನ್​ ಮತ್ತು ಅಬ್ದುಲ್ಲಾ ಶಪೀಕ್​ಗೆ ಸ್ಥಾನ ನೀಡಲಾಗಿದೆ.