3ನೇ ಟಿ20: ಭಾರತಕ್ಕೆ147 ರನ್​ಗಳ ಸಾಧಾರಣ ಗುರಿ ನೀಡಿದ ಶ್ರೀಲಂಕಾ

ನಾಯಕ ದಸುನ್ ಶನಕ 38 ಎಸೆತಗಳಲ್ಲಿ 9 ಬೌಂಡರಿ ಮತ್ತು 2 ಸಿಕ್ಸರ್​ ಸಹಿತ 74 ರನ್​ ಗಳಿಸಿ ಲಂಕಾ ತಂಡ ಅಲ್ಪ ಮೊತ್ತಕ್ಕೆ ಕುಸಿಯುವ ಭೀತಿಯಿಂದ ತಪ್ಪಿಸಿದರು. ಶನಕ ಹೊರೆತುಪಡಿಸಿದರೆ ವಿಕೆಟ್ ಕೀಪರ್​ ದಿನೇಶ್ ಚಂಡಿಮಲ್ 25 ರನ್​ಗಳಿಸಿದರು.

ಧರ್ಮಶಾಲಾ: ಭಾರತದ ಮಾರಕ ಬೌಲಿಂಗ್ ದಾಳಿಗೆ ಬೆದರಿದ ಶ್ರೀಲಂಕಾ ತಂಡ 3ನೇ ಟಿ20 ಪಂದ್ಯದಲ್ಲಿ 20 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ಕೇವಲ 146 ರನ್​ಗಳಿಸಲಷ್ಟೇ ಶಕ್ತವಾಗಿದೆ.

ಕೊನೆಯ ಪಂದ್ಯವನ್ನಾದರೂ ಗೆದ್ದ ವೈಟ್​​ವಾಷ್​ ಮುಖಭಂಗವನ್ನು ತಪ್ಪಿಸಿಕೊಳ್ಳುವ ಇರಾದೆಯಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಶ್ರೀಲಂಕಾ ತಂಡ ನಿರೀಕ್ಷಿತ ಆರಂಭ ಪಡೆಯುವಲ್ಲಿ ವಿಫಲವಾಯಿತು.

• Innings Break!
  
  After opting to bat first, Sri Lanka post a total of 146/5.#TeamIndia chase coming up shortly. Stay tuned!
  
  Scorecard - https://t.co/rmrqdXJhhV #INDvSL @Paytm pic.twitter.com/RA8sdYJXGT

  — BCCI (@BCCI) February 27, 2022 " class="align-text-top noRightClick twitterSection" data="

  Innings Break!
  
  After opting to bat first, Sri Lanka post a total of 146/5.#TeamIndia chase coming up shortly. Stay tuned!
  
  Scorecard - https://t.co/rmrqdXJhhV #INDvSL @Paytm pic.twitter.com/RA8sdYJXGT

  — BCCI (@BCCI) February 27, 2022

  ">

  Innings Break!
  
  After opting to bat first, Sri Lanka post a total of 146/5.#TeamIndia chase coming up shortly. Stay tuned!
  
  Scorecard - https://t.co/rmrqdXJhhV #INDvSL @Paytm pic.twitter.com/RA8sdYJXGT

  — BCCI (@BCCI) February 27, 2022

ಆರಂಭಿಕರಾಗಿ ಕಣಕ್ಕಿಳಿದಿದ್ದ ಗುಣತಿಲಕ ಮೊದಲ ಓವರ್​ನ ಕೊನೆಯ ಎಸೆತದಲ್ಲಿ ಸಿರಾಜ್​ ಬೌಲಿಂಗ್​​ನಲ್ಲಿ ಕ್ಲೀನ್​ ಬೌಲ್ಡ್​ ಆಗುವ ಮೂಲಕ ಖಾತೆ ತೆರೆಯದೇ ನಿರ್ಗಮಿಸಿದರು.

ನಂತರ ಕಳೆದ ಪಂದ್ಯದಲ್ಲಿ 75 ರನ್​ಗಳಿಸಿದ್ದ ನಿಸ್ಸಾಂಕ(1) ಮತ್ತು ಅಸಲಂಕಾ ಕೇವಲ 4 ರನ್​ಗಳಿಸಿ ಆವೇಶ್​​ ಖಾನ್​ಗೆ ವಿಕೆಟ್​​ ಒಪ್ಪಿಸಿದರು. ಜನಿತ್​ ಲಿಯಾನಗೆ(9) ಆಟವನ್ನು ರವಿ ಬಿಷ್ಣೋಯ್​ ನಿಲ್ಲಿಸಿದರು.

29ಕ್ಕೆ4 ವಿಕೆಟ್​ ಕಳೆದುಕೊಂಡಿದ್ದ ವೇಳೆ ಒಂದಾದ ನಾಯಕ ದಸುನ್ ಶನಕ ಮತ್ತು ವಿಕೆಟ್ ಕೀಪರ್ ಅಸಲಂಕ 5ನೇ ವಿಕೆಟ್​ಗೆ 31 ರನ್​ ಸೇರಿಸಿದರು. ಚಾಂಡಿಮಲ್ 25 ರನ್​ಗಳಿಸಿ ಹರ್ಷಲ್​ ಪಟೇಲ್​ ಬೌಲಿಂಗ್​ನಲ್ಲಿ ವೆಂಕಟೇಶ್ ಅಯಯ್ಯರ್​ಗೆ ಕ್ಯಾಚ್​ ನೀಡಿ ಔಟಾದರು.

ಆದರೆ ಕೊನೆಯವರೆಗೂ ಏಕಾಂಗಿಯಾಗಿ ಹೋರಾಟ ನಡೆಸಿದ ಶನಕ 38 ಎಸೆತಗಳಲ್ಲಿ 9 ಬೌಂಡರಿ ಮತ್ತು 2 ಸಿಕ್ಸರ್​ ಸಹಿತ 74 ರನ್​ಗಳಿಸಿ ಲಂಕಾ ತಂಡ ಅಲ್ಪ ಮೊತ್ತಕ್ಕೆ ಕುಸಿಯುವ ಭೀತಿಯಿಂದ ತಪ್ಪಿಸಿದರು. ಕರಣುರತ್ನೆ 19 ಎಸೆತಗಳಲ್ಲಿ 12 ರನ್​ಗಳಿಸಿದರು.

ಭಾರತದ ಪರ ಅದ್ಭುತ ಬೌಲಿಂಗ್ ದಾಳಿ ನಡೆಸಿದ ಆವೇಶ್ ಖಾನ್​ 23ಕ್ಕೆ 2, ರವಿ ಬಿಷ್ಣೋಯ್​ 32ಕ್ಕೆ1, ಹರ್ಷಲ್ ಪಟೇಲ್ 29ಕ್ಕೆ1, ಮೊಹಮ್ಮದ್ ಸಿರಾಜ್ 22ಕ್ಕೆ1 ವಿಕೆಟ್​ ಪಡೆದರು.

ಇದನ್ನೂ ಓದಿ: ಅತಿ ಹೆಚ್ಚು ಟಿ20 ಪಂದ್ಯಗಳನ್ನಾಡಿದ ಕ್ರಿಕೆಟಿಗ : ರೋಹಿತ್ ಶರ್ಮಾ ಹೆಸರಿಗೆ ವಿಶ್ವದಾಖಲೆಯ ಗರಿ