ಕೊಲಂಬೊ: ಮುಂಬರುವ ಆಸ್ಟ್ರೇಲಿಯಾ ವಿರುದ್ಧದ ಟಿ20 ಮತ್ತು ಏಕದಿನ ಸರಣಿಗಾಗಿ ಶ್ರೀಲಂಕಾ ಕ್ರಿಕೆಟ್ ಮಂಡಳಿ ಲೆಜೆಂಡರಿ ವೆಗದ ಬೌಲರ್ ಲಸಿತ್ ಮಾಲಿಂಗ ಅವರನ್ನು ಬುಧವಾರ ಬೌಲಿಂಗ್ ಸ್ಟ್ರಾಟಜಿ ಕೋಚ್ ಆಗಿ ನೇಮಕ ಮಾಡಿದೆ.
ಮಾಲಿಂಗ ಈ ಹೊಸ ಅಲ್ಪಾವದಿಯ ಸಮಯದಲ್ಲಿ ವಿಶೇಷ ಕೋಚ್ ಆಗಿ, ಶ್ರೀಲಂಕಾ ಬೌಲರ್ಗಳಿಗೆ ಕಾರ್ಯತಂತ್ರದ ಯೋಜನೆಗಳನ್ನು ಆನ್-ಫೀಲ್ಡ್ನಲ್ಲಿ ಕಾರ್ಯಗತಗೊಳಿಸುವುದಕ್ಕೆ ತರಬೇತಿ ಮತ್ತು ತಾಂತ್ರಿಕ ಪರಿಣತಿಯನ್ನು ಒದಗಿಸಲಿದ್ದಾರೆ.
ಇದನ್ನೂ ಓದಿ:ನಾನು ಕಂಡಂತಹ ತೀಕ್ಷ್ಣ ಕ್ರಿಕೆಟ್ ಮೈಂಡ್ ಹೊಂದಿದವರಲ್ಲಿ ಎಂಎಸ್ ಧೋನಿ ಕೂಡ ಒಬ್ಬರು : ಗ್ರೇಗ್ ಚಾಪೆಲ್
" ಮಾಲಿಂಗ ಅವರ ಅಪಾರ ಅನುಭವ ಮತ್ತು ಅವರ ಡೆತ್-ಬೌಲಿಂಗ್ ಪರಿಣತಿ, ವಿಶೇಷವಾಗಿ ಟಿ20 ಮಾದರಿಯಲ್ಲಿ ನಮಗೆ ಮುಂದಿನ ಸರಣಿಯಲ್ಲಿ ಅಪಾರವಾಗಿ ನೆರವಾಗಲಿದೆ" ಎಂದು ಶ್ರೀಲಂಕಾ ಕ್ರಿಕೆಟ್ ಮಂಡಳಿ ವಿಶ್ವಾಸ ವ್ಯಕ್ತಪಡಿಸಿದೆ.
"ನಾವು ಕೆಲವು ತುಂಬಾ ಪ್ರತಿಭೆಯುಳ್ಳ ಯುವ ಬೌಲರ್ಗಳನ್ನು ಹೊಂದಿದ್ದೇವೆ. ನನ್ನ ಜ್ಞಾನ ಮತ್ತು ಅನುಭವವನ್ನು ಹಂಚಿಕೊಂಡು ಅವರನ್ನು ಅಭಿವೃದ್ಧಿಗೊಳಿಸಲು ಈ ಅವಕಾಶ ಸಿಕ್ಕಿರುವುದಕ್ಕೆ ನಾನು ತುಂಬಾ ಉತ್ಸುಕನಾಗಿದ್ದೇನೆ " ಎಂದು ಮಾಲಿಂಗ ತಿಳಿಸಿದ್ದಾರೆ.
ಜುಲೈ1ರಂದು ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ಲಸಿತ್ ಮಾಲಿಂಗ ಶ್ರೀಲಂಕಾ ಪರ 84 ಪಂದ್ಯಗಳಿಂದ 107 ವಿಕೆಟ್ ಪಡೆದಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ ಗರಿಷ್ಠ ವಿಕೆಟ್ ಪಡೆದ 3ನೇ ಬೌಲರ್ ಎಂಬ ದಾಖಲೆಗೆ ಪಾತ್ರರಾಗಿದ್ದಾರೆ.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
