ಟಿ20 ವಿಶ್ವಕಪ್‌ನಲ್ಲಿ ಅತೀ ಹೆಚ್ಚು ರನ್​ ಗಳಿಸಿದ ಮಂಧಾನ: 150 ಅಂತಾರಾಷ್ಟ್ರೀಯ ಪಂದ್ಯ ಆಡಿದ ಕೌರ್​ ದಾಖಲೆ

150 ಅಂತಾರಾಷ್ಟ್ರೀಯ ಆಡಿದ ಮೊದಲ ಪ್ಲೇಯರ್​ ಹರ್ಮನ್​ಪ್ರಿತ್ ಕೌರ್​ - 2023ರ ಟಿ20 ವಿಶ್ವಕಪ್​ನಲ್ಲಿ ಈ ವರೆಗೆ ಅತಿ ಹೆಚ್ಚು ರನ್​ಗಳಿಸಿ ಮೊದಲ ಸ್ಥಾನದಲ್ಲಿರುವ ಮಂಧಾನ

ನವದೆಹಲಿ: ಐರ್ಲೆಂಡ್​ ಎದುರು ಭಾರತೀಯ ವನಿತೆಯರು ವರುಣನ ಅಡ್ಡಿಯ ನಡುವೆಯೂ ಗೆಲುವು ಸಾಧಿಸಿದ್ದು, ಬಿ ಗುಂಪಿನಿಂದ ಸೆಮೀಸ್​ಗೆ ಪ್ರವೇಶಿಸಿದೆ. ಮಳೆಯ ಪರಿಣಾಮ 5 ರನ್​ನಿಂದ ಐರ್ಲೆಂಡ್​ ಸೋಲನುಭವಿಸಿತು. ಬಿರುಸಿನ ಬ್ಯಾಟ್ಸ್‌ಮನ್‌ ಸ್ಮೃತಿ ಮಂಧಾನ ಈ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಭಾರತದ ಪರ ಮಂಧಾನ 87 ರನ್ ಗಳಿಸಿದ್ದಾರೆ. ಈ ಮೂಲಕ ಮಂಧಾನ 2023ರ ಟಿ20 ವಿಶ್ವಕಪ್​ನ ಇದುವರೆಗಿನ ಪಂದ್ಯಗಳಲ್ಲಿ ಅತಿ ಹೆಚ್ಚು ರನ್​ ಗಳಿಸಿದ ಆಟಗಾರ್ತಿ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ.

• I. C. Y. M. I
  
  3️⃣0️⃣0️⃣0️⃣ T20I runs for @ImHarmanpreet! 🙌 🙌
  
  Follow the match ▶️ https://t.co/rmyQRfmmLk #TeamIndia | #T20WorldCup | #INDvIRE pic.twitter.com/cveMzpcou1

  — BCCI Women (@BCCIWomen) February 20, 2023 " class="align-text-top noRightClick twitterSection" data="

  I. C. Y. M. I
  
  3️⃣0️⃣0️⃣0️⃣ T20I runs for @ImHarmanpreet! 🙌 🙌
  
  Follow the match ▶️ https://t.co/rmyQRfmmLk #TeamIndia | #T20WorldCup | #INDvIRE pic.twitter.com/cveMzpcou1

  — BCCI Women (@BCCIWomen) February 20, 2023

  ">

  I. C. Y. M. I
  
  3️⃣0️⃣0️⃣0️⃣ T20I runs for @ImHarmanpreet! 🙌 🙌
  
  Follow the match ▶️ https://t.co/rmyQRfmmLk #TeamIndia | #T20WorldCup | #INDvIRE pic.twitter.com/cveMzpcou1

  — BCCI Women (@BCCIWomen) February 20, 2023

ಆಸ್ಟ್ರೇಲಿಯಾದ ಅಲಿಸ್ಸಾ ಹೀಲಿ ಅವರು ಮೂರು ಪಂದ್ಯದಿಂದ 54,37 ಮತ್ತು 55 ರನ್​ನಿಂದ ಒಟ್ಟು 146 ರನ್​ಗಳಿಸಿದ್ದಾರೆ. ಭಾರತದ ಆರಂಭಿಕ ಆಟಗಾರ್ತಿ ಸ್ಮೃತಿ ಮಂಧಾನ ಪಾಕಿಸ್ತಾನದ ಎದುರಿನ ಪಂದ್ಯದಲ್ಲಿ ಕಣಕ್ಕಿಳಿದಿರಲಿಲ್ಲ. ನಂತರದ ಮೂರು ಪಂದ್ಯದಲ್ಲಿ 87, 10 ಮತ್ತು 52 ರನ್​ನಿಂದ ಒಟ್ಟು 149 ಮೊತ್ತ ಕಲೆ ಹಾಕಿದ್ದಾರೆ. ಈ ಮೂಲಕ 2023ರ ಟಿ20 ವಿಶ್ವಕಪ್​ನಲ್ಲಿ ಅತಿ ಹೆಚ್ಚು ರನ್​ ಗಳಿಸಿದವರ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.

150 ಟಿ20 ಅಂತಾರಾಷ್ಟ್ರೀಯ ಪಂದ್ಯ ಆಡಿದ ದಾಖಲೆ: ನಿನ್ನೆ ನಾಯಕಿ ಹರ್ಮನ್​ಪ್ರಿತ್​ ಕೌರ್​ ಅವರು ಅಂತಾರಾಷ್ಟ್ರೀಯ 150 ಪಂದ್ಯವನ್ನು ಆಡಿದರು. ಈ ಮೂಲಕ ಪುರುಷ ಮತ್ತು ಮಹಿಳಾ ವಿಭಾಗದ ಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 150 ಪಂದ್ಯ ಆಡಿದ ಮೊದಲ ಪ್ಲೇಯರ್​ ಎಂಬ ದಾಖಲೆ ಬರೆದರು. ಟೀ ಇಂಡಿಯಾ ನಾಯಕ ರೋಹಿತ್​ ಶರ್ಮಾ 148 ಪಂದ್ಯಗಳನ್ನು ಆಡಿದ್ದು, ಎರಡನೇ ಸ್ಥಾನದಲ್ಲಿದ್ದಾರೆ. 143 ಟಿ20 ಪಂದ್ಯಗಳನ್ನು ಆಡಿರುವ ನ್ಯೂಜಿಲ್ಯಾಂಡ್​ನ ಮಾಜಿ ನಾಯಕಿ ಸೂಝಿ ಬೇಟ್ಸ್​ ಮೂರನೇ ಸ್ಥಾನದಲ್ಲಿದ್ದಾರೆ.

ಅತೀ ಹೆಚ್ಚು ರನ್​ ದಾಖಲೆ: ಅಂತಾರಾಷ್ಟ್ರೀಯ ಟಿ20ಯಲ್ಲಿ ಹರ್ಮನ್​ಪ್ರಿತ್​ ಕೌರ್​ 3000 ರನ್​ ಪೂರೈಸಿದ್ದಾರೆ. ಮೂರು ಸಹಸ್ರ ರನ್​ಗಳಿಸಿದ ಭಾರತದ ಮೊದಲ ಆಟಗಾರ್ತಿ ಎಂಬ ದಾಖಲೆ ಬರೆದಿದ್ದಾರೆ. ಮತ್ತೊಂದೆಡೆ 3 ಸಾವಿರ ರನ್​ ಗಳಿಸಿದ ವಿಶ್ವ ಕ್ರಿಕೆಟ್​ನ 4ನೇ ಪ್ಲೇಯರ್​ ಆಗಿದ್ದಾರೆ. ನ್ಯೂಜಿಲ್ಯಾಂಡ್​​ನ ಮಾಜಿ ನಾಯಕಿ ಸೂಝಿ ಬೇಟ್ಸ್​ 3,820 ರನ್​ನಿಂದ ಮೊದಲ ಸ್ಥಾನದಲ್ಲಿದ್ದಾರೆ. ಆಸ್ಟ್ರೇಲಿಯಾದ ಲ್ಯಾನಿಂಗ್​ 3,346, ವೆಸ್ಟ್​ ಇಂಡೀಸ್​ನ ಸ್ಟೆಫಾನಿ 3,166 ಕ್ರಮವಾಗಿ 2 ಮತ್ತು 3ನೇ ಸ್ಥಾನದಲ್ಲಿದ್ದಾರೆ.

ಮಂಧಾನ ಆಟಕ್ಕೆ ಒಲಿದ ಜಯ: ಮಹಿಳಾ ಟಿ20 ವಿಶ್ವಕಪ್​ ಕ್ರಿಕೆಟ್​ ಟೂರ್ನಿಯ ಇಂದಿನ ಪಂದ್ಯದಲ್ಲಿ ಐರ್ಲೆಂಡ್​ ವಿರುದ್ಧ ಡಕ್ವರ್ತ್ ಲೂಯಿಸ್ (DLS) ನಿಯಮದಡಿ ಭಾರತ ತಂಡ 5 ರನ್​ಗಳಿಂದ ಜಯಗಳಿಸುವ ಮೂಲಕ ಸೆಮಿಫೈನಲ್​ಗೆ ಲಗ್ಗೆ ಇಟ್ಟಿತು. ಗ್ಕೆಬರ್ಹಾದ ಸೇಂಟ್ ಜಾರ್ಜ್ ಪಾರ್ಕ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದ ಭಾರತ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಇನ್ನಿಂಗ್ಸ್ ಆರಂಭಿಸಿದ ಭಾರತಕ್ಕೆ ಉತ್ತಮ ಆರಂಭ ದೊರೆಯಿತು.

ಓಪನರ್ ಶಫಾಲಿ ವರ್ಮಾ ಅಬ್ಬರದ ಬ್ಯಾಟಿಂಗ್​ ತೋರದಿದ್ದರೂ 24 ರನ್​ ಬಾರಿಸಿದರು. ಇನ್ನೊಂದೆಡೆ, ಸ್ಮೃತಿ ಮಂಧಾನ ಬಿರುಸಿನ ಆಟವಾಡಿ 56 ಎಸೆತಗಳಲ್ಲಿ 9 ಬೌಂಡರಿ ಹಾಗೂ 3 ಸಿಕ್ಸರ್​ ಸಿಡಿಸುವ ಮೂಲಕ 87 ರನ್​ಗಳನ್ನು ಕಲೆ ಹಾಕಿದರು. ಈ ಮೂಲಕ ತಂಡದ ಮೊತ್ತವನ್ನು ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಇದನ್ನೂ ಓದಿ: ಮಹಿಳಾ ಟಿ20 ವಿಶ್ವಕಪ್​: ಐರ್ಲೆಂಡ್​ ವಿರುದ್ಧ ಗೆದ್ದು ಸೆಮಿಫೈನಲ್‌ಗೇರಿದ ಭಾರತ