ಹೈದರಾಬಾದ್(ಡೆಸ್ಕ್) : ನಾಯಕತ್ವ ಬಯಸಿ ಡೆಲ್ಲಿ ಕ್ಯಾಪಿಟಲ್ಸ್ನಿಂದ ಹೊರ ಬಂದಿರುವ ಭಾರತ ತಂಡದ ಬ್ಯಾಟರ್ ಶ್ರೇಯಸ್ ಅಯ್ಯರ್ ಮುಂಬರುವ ಮೆಗಾ ಹರಾಜಿನಲ್ಲಿ ದುಬಾರಿ ಆಟಗಾರನಾಗಲಿದ್ದಾರೆ ಎಂದು ಮಾಜಿ ಕ್ರಿಕೆಟಿಗ ಆಕಾಶ್ ಚೋಪ್ರಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಜೊತೆಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ಇವರನ್ನು 2022ರ ಐಪಿಎಲ್ಗೆ ನಾಯಕನ ಸ್ಥಾನಕ್ಕೆ ಆಯ್ಕೆ ಮಾಡಿಕೊಳ್ಳಬಹುದು ಎಂದು ತಿಳಿಸಿದ್ದಾರೆ.
ರವಿಚಂದ್ರನ್ ಅಶ್ವಿನ್, ಟ್ರೆಂಟ್ ಬೌಲ್ಟ್,ಪ್ಯಾಟ್ ಕಮಿನ್ಸ್, ಕ್ವಿಂಟನ್ ಡಿಕಾಕ್, ಶಿಖರ್ ಧವನ್, ಫಾಫ್ ಡು ಪ್ಲೆಸಿಸ್, ಶ್ರೇಯಸ್ ಅಯ್ಯರ್, ಕಗಿಸೊ ರಬಾಡ ಮತ್ತು ಡೇವಿಡ್ ವಾರ್ನರ್ 2022ರ ಐಪಿಎಲ್ ಮೆಗಾ ಆ್ಯಕ್ಷನ್ನಲ್ಲಿ ಮಾರ್ಕ್ಯೂ ಆಟಗಾರರ ಪಟ್ಟಿಯಲ್ಲಿದ್ದಾರೆ.
ಭುಜದ ನೋವಿನ ಕಾರಣ 2021ರ ಮೊದಲಾರ್ಧದ ಐಪಿಎಲ್ ತಪ್ಪಿಸಿಸಕೊಂಡಿದ್ದ ಶ್ರೇಯಸ್ ಬದಲಿಗೆ ಪಂತ್ರನ್ನು ನಾಯಕನನ್ನಾಗಿ ಡೆಲ್ಲಿ ತಂಡ ನೇಮಿಸಿತ್ತು. ದ್ವಿತೀಯಾರ್ಧದಲ್ಲಿ ಅಯ್ಯರ್ ತಂಡಕ್ಕೆ ವಾಪಸಾದ ಬಳಿಕವೂ ಫ್ರಾಂಚೈಸಿ ಪಂತ್ ಅವರನ್ನೇ ನಾಯಕನನ್ನಾಗಿ ಮುಂದುವರಿಸಿತ್ತು.
ಇದೀಗ ಅಯ್ಯರ್ ಡೆಲ್ಲಿ ತಂಡದಿಂದ ಹೊರ ಬಂದಿರುವುದರಿಂದ ಅಕಾಶ್ ಚೋಪ್ರಾ ನಾಯಕತ್ವಕ್ಕಾಗಿ ಹುಡುಕುತ್ತಿರುವ ತಂಡಗಳಿಗೆ ಅಯ್ಯರ್ ಅತ್ಯುತ್ತಮ ಆಯ್ಕೆ ಎಂದಿದ್ದಾರೆ.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
"ಶ್ರೇಯಸ್ ಅಯ್ಯರ್ ಕೆಕೆಆರ್ ಮತ್ತು ಆರ್ಸಿಬಿ ತಂಗಳಿಗೆ ಸಮರ್ಥನಾದ ನಾಯಕನಾಗಬಹುದು. ಆದರೆ, ಪಂಜಾಬ್ ಕಿಂಗ್ ಅಯ್ಯರ್ ಕಡೆಗೆ ನೋಡುತ್ತಿದೆ ಎಂದು ನಾನು ಭಾವಿಸುವುದಿಲ್ಲ" ಎಂದು ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಹೇಳಿದ್ದಾರೆ.
"ಮುಂಬರುವ ಐಪಿಎಲ್ ಹರಾಜಿನಲ್ಲಿ ಶ್ರೇಯಸ್ ಅಯ್ಯರ್ ಅವರು ದುಬಾರಿ ಆಟಗಾರನಾಗಿ ಹೊರ ಹೊಮ್ಮಲಿದ್ದಾರೆ. ಈ ಲಿಸ್ಟ್(ಮಾರ್ಕ್ಯೂ)ನಲ್ಲಿ ಆತನೇ ದುಬಾರಿಯಾಗುತ್ತಾನೆ. ಏಕೆಂದರೆ, ಇಶಾನ್ ಕಿಶನ್ ಅಲ್ಲಿಲ್ಲ. ಒಂದು ವೇಳೆ ಇಶಾನ್ ಕಿಶನ್ ಅಲ್ಲಿದ್ದಿದ್ದರೆ ಉತ್ತಮ ಪೈಪೋಟಿ ನಡೆಯುತ್ತಿತ್ತು. ಇದೀಗ ಇಶಾನ್ಗಾಗಿ ಫ್ರಾಂಚೈಸಿಗಳು ಹಣವನ್ನು ಉಳಿಸಿಕೊಳ್ಳುತ್ತಾರೆ ಮತ್ತು ಶ್ರೇಯಸ್ರನ್ನು ಖರೀದಿಸಲು ಹಣವನ್ನು ಚೆಲ್ಲುತ್ತಾರೆ" ಎಂದು ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ.
ದಕ್ಷಿಣ ಆಫ್ರಿಕಾದ ಕಗಿಸೋ ರಬಾಡ, ಕ್ವಿಂಟನ್ ಡಿಕಾಕ್ ಮತ್ತು ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್ ಕೂಡ ಗರಿಷ್ಠ ಮೊತ್ತವನ್ನು ಪಡೆಯುವ ವಿದೇಶಿ ಆಟಗಾರರಾಗಲಿದ್ದಾರೆ ಎಂದು ಆಕಾಶ್ ಚೋಪ್ರಾ ಹೇಳಿದ್ದಾರೆ.
ಇದನ್ನೂ ಓದಿ:ಟಿ20ಯಲ್ಲಿ 64 ರನ್ ಬಿಟ್ಟುಕೊಟ್ಟು ಕುಗ್ಗಿದಾಗಲೂ ಧೋನಿ ನನ್ನ ಬೆಂಬಲಕ್ಕೆ ನಿಂತಿದ್ದರು : ಯಜ್ವೇಂದ್ರ ಚಹಲ್
