ನವದೆಹಲಿ: ಏಕದಿನ ವಿಶ್ವಕಪ್ನ ಉದ್ದೇಶದಿಂದ ವೇಗದ ಬೌಲರ್ಗಳಿಗೆ ಹೆಚ್ಚಿನ ಒತ್ತಡ ನೀಡದಿರಲು ಆಡಳಿತ ಮಂಡಳಿ ನಿರ್ಧರಿಸಿದ್ದು, ಪಂದ್ಯದ ನಡುವ ವಿರಾಮ ನೀಡಲು ಆಲೋಚಿಸಿದೆ. ಇದೇ ಉದ್ದೇಶದಿಂದ ಮೂರನೇ ಪಂದ್ಯದಿಂದ ಶಮಿಗೆ ವಿರಾಮ ನೀಡಿ ಉಮೇಶ್ ಯಾದವ್ಗೆ ಸ್ಥಾನ ಕೊಡುವ ಬಗ್ಗೆ ಚಿಂತಿಸಲಾಗಿತ್ತು ಎಂದು ತಿಳಿದು ಬಂದಿದೆ. ಐಪಿಎಲ್ ಮತ್ತು ಏಕದಿನ ವಿಶ್ವ ಕಪ್ ಇರುವುದರಿಂದ ಬೌಲರ್ಗಳಿಗೆ ಹೆಚ್ಚು ಒತ್ತಡ ಉಂಟಾಗಲಿದೆ.
ಆದ್ದರಿಂದ, ಆಸ್ಟ್ರೇಲಿಯಾ ಸರಣಿಯ ಮೊದಲ ಎರಡು ಟೆಸ್ಟ್‌ಗಳನ್ನು ಆಡಿದ್ದ ಮತ್ತು ಏಕದಿನ ತಂಡದ ಭಾಗವಾಗಿರುವ ಶಮಿಗೆ ಮೂರನೇ ಪಂದ್ಯಕ್ಕೆ ವಿಶ್ರಾಂತಿ ನೀಡಲಾಗಿದೆ. ಅವರ ಸ್ಥಾನದಲ್ಲಿ ಉಮೇಶ್ ಯಾದವ್ ಅವರನ್ನು ಪ್ರಮುಖ ಬೌಲರ್ ಆಗಿ ಮತ್ತು ಮೊಹಮ್ಮದ್ ಸಿರಾಜ್ನನ್ನು ಎರಡನೇ ವೇಗಿಯಾಗಿ ಆಡಿಸಲಾಗಿತ್ತು. ಸಿರಾಜ್ಗೆ ಮೊದಲ ಮೂರು ಪಂದ್ಯಗಳಲ್ಲಿ ಕೇವಲ 24 ಓವರ್‌ಗಳನ್ನು ಹಾಕಿಸಲಾಗಿದೆ. ಸಿರಾಜ್ಗೆ ಮಾರ್ಚ್ 17 ರಿಂದ 22 ರ ನಡುವಿನ ಎಲ್ಲ ಮೂರು ಏಕದಿನ ಪಂದ್ಯಗಳಲ್ಲಿ ಆಡಿಸುವ ಸಾಧ್ಯತೆಯಿದೆ. ಮುಂದಿನ ಮೊಟೆರಾದ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಅಂತಿಮ ಪಂದ್ಯದಲ್ಲಿ ಸಿರಾಜ್ಗೆ ವಿಶ್ರಾಂತಿ ನೀಡುವ ಸಾಧ್ಯತೆ ಇದೆ.
ಆಸಿಸ್ ಸೀರಿಸ್ನಲ್ಲಿ 30 ಓವರ್ ಮಾಡಿರುವ ಶಮಿ ಉಭಯ ತಂಡ ವೇಗದ ಬೌಲರ್ಗಳಲ್ಲಿ ಉತ್ತಮ ಎಕಾನಮಿ ಹೊಂದಿದ್ದಾರೆ. ಮೊಟೆರಾದ ಒಣ ಮೇಲ್ಮೈ ಪಿಚ್ನಲ್ಲಿ ಶಮಿಯ ಬೌಲಿಂಗ್ ಹೆಚ್ಚು ಸ್ಕೂಪ್ ಇರುವ ಕಾರಣ ಕಣಕ್ಕಿಳಿಯುವ ಸಾಧ್ಯತೆ ಇದೆ. ನರೇಂದ್ರ ಮೋದಿ ಕ್ರೀಡಾಂಗಣ ರಿವರ್ಸ್ ಸ್ವಿಂಗ್‌ಗೆ ಅನುಕೂಲಕರವಾಗಿರುವುದು ಶಮಿಗೆ ಹೆಚ್ಚು ವಿಕೆಟ್ಗೆ ಪಡೆಯುವ ಸಾಧ್ಯತೆ ಇದೆ.
ಭಾರತ ಪ್ರಸ್ತುತ ನಾಲ್ಕು ಟೆಸ್ಟ್‌ಗಳ ಸರಣಿಯಲ್ಲಿ 2-1 ಮುನ್ನಡೆ ಸಾಧಿಸಿದೆ. ಕೊನೆಯ ಪಂದ್ಯದಲ್ಲಿ ಗೆದ್ದರೆ ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ಫೈನಲ್ನಲ್ಲಿ ಆಡಲಿದೆ, ಇಲ್ಲದಿದ್ದಲ್ಲಿ ನ್ಯೂಜಿಲೆಂಡ್ ಮತ್ತು ಶ್ರೀಲಂಕಾ ನಡುವಣ ಟೆಸ್ಟ್ ಸರಣಿಯ ಫಲಿತಾಂಶ ಭಾರತದ ಡಬ್ಲ್ಯೂಟಿಸಿ ಫೈನಲ್ ಭವಿಷ್ಯ ನಿರ್ಣಾಯಕವಾಗಲಿದೆ. ಇಂದೋರ್‌ನ ಹೋಳ್ಕರ್ ಪಿಚ್ನ್ನು "ಕಳಪೆ" ಟ್ರ್ಯಾಕ್ ಎಂದು ಐಸಿಸಿ ಮ್ಯಾಚ್ ರೆಫರಿ ಕ್ರಿಸ್ ಬ್ರಾಡ್‌ ವರಿದಿ ನೀಡಿದ್ದಾರೆ. ಇದೀಗ ಗುಜರಾತ್ ಕ್ರಿಕೆಟ್ ಅಸೋಸಿಯೇಷನ್ (GCA) ಪಿಚ್ ಬಗ್ಗೆ ಹೆಚ್ಚು ಗಮನ ಹರಿಸುತ್ತಿದೆ. ಮೂರನೇ ಪಂದ್ಯದ ನಂತರ ಮಾತನಾಡಿದ ನಾಯಕ ರೋಹಿತ್ ಶರ್ಮಾ ಭಾರತದಲ್ಲಿ ಸ್ಪಿನ್ ಪಿಚ್ನಲ್ಲಿ ಕ್ರಿಕೆಟ್ ಆಡಲು ಹೆಚ್ಚು ಉತ್ಸುಕವಾಗಿರುತ್ತದೆ ಎಂದಿದ್ದಾರೆ. ಗುಜರಾತ್ ಸ್ಟೇಡಿಯಂ ಯಾವ ರೀತಿ ವರ್ತಿಸಲಿದೆ ಎಂದು ಕಾದು ನೋಡಬೇಕಿದೆ.
"ಪಿಚ್ ಇದೇ ರೀತಿ ಇರಬೇಕು ಎಂದು ಆಡಳಿತ ಮಂಡಳಿಯಿಂದ ಯಾವುದೇ ಆದೇಶ ಬಂದಿಲ್ಲ. ಯಾವಾಗಲೂ ಮಾಡುವ ರೀತಿಯ ಪಿಚ್ ತಯಾರಿಸಿದ್ದೇವೆ. ಜನವರಿಯಲ್ಲಿ ನಡೆದ ರಣಜಿ ಪಂದ್ಯದಲ್ಲಿ ರೈಲ್ವೇಸ್ ಮೊದಲು ಬ್ಯಾಟಿಂಗ್ 500 ಪ್ಲಸ್ (508) ಗಳಿಸಿತು ಮತ್ತು ಗುಜರಾತ್ ಸೋತಿದ್ದರೂ ಎರಡೂ ಇನ್ನಿಂಗ್ಸ್‌ಗಳಲ್ಲಿ 200 ಪ್ಲಸ್ ಗಳಿಸಿತ್ತು. ಬಿಸಿಸಿಐ ಪಿಚ್ ಕ್ಯುರೇಟರ್‌ಗಳಾದ ತಪೋಶ್ ಚಟರ್ಜಿ ಮತ್ತು ಭೌಮಿಕ್ ಅವರು ಯಾವ ರೀತಿಯ ನಿರ್ಣಯ ತೆಗೆದುಕೊಳ್ಳುತ್ತಾರೆ ಗೊತ್ತಿಲ್ಲ. ನಾವು ಉತ್ತಮ ಟೆಸ್ಟ್ ಪಿಚ್ ಮಾಡುತ್ತೇವೆ" ಎಂದು ಮೈದಾನದ ಆಡಳಿತ ತಿಳಿಸಿದೆ.
ಇದನ್ನೂ ಓದಿ: ಹೋಳ್ಕರ್ ಪಂದ್ಯ ಗೆಲುವಿನ ಕೀ ಅಂಶ ಹೇಳಿದ ಮಾಜಿ ಕ್ರಿಕೆಟಿಗ ಇಯಾನ್ ಚಾಪೆಲ್
