ಸೆಲ್ಫಿ ಕ್ಲಿಕ್ಕಿಸಲು ಬಂದ ಮೈದಾನ ಸಿಬ್ಬಂದಿ ದೂಡಿದ ಋತುರಾಜ್​ ಗಾಯಕ್ವಾಡ್​.. ವಿಡಿಯೋ ವೈರಲ್, ಭಾರಿ ಟೀಕೆ

ದಕ್ಷಿಣ ಆಫ್ರಿಕಾ ವಿರುದ್ಧದ 5ನೇ ಟಿ-20 ಪಂದ್ಯ ಮಳೆಯಿಂದ ರದ್ದಾಗಿದೆ. ಮಳೆಯ ವೇಳೆ ಸೆಲ್ಫಿ ತೆಗೆದುಕೊಳ್ಳಲು ಬಂದ ಮೈದಾನ ಸಿಬ್ಬಂದಿಯನ್ನು ದೂಡಿದ ಭಾರತ ತಂಡದ ಋತುರಾಜ್​ ಗಾಯಕ್ವಾಡ್​ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ಟೀಕೆ ವ್ಯಕ್ತವಾಗಿದೆ.

ಭಾರತ ತಂಡದ ಆರಂಭಿಕ ಆಟಗಾರ ಋತುರಾಜ್​ ಗಾಯಕ್ವಾಡ್​ ಅವರು, ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲು ಬಂದ ಮೈದಾನ ಸಿಬ್ಬಂದಿಯನ್ನು ಅವಮಾನಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ಭಾರಿ ಟೀಕೆಗೆ ಗುರಿಯಾಗಿದೆ. ಅವರನ್ನು ಕ್ರಿಕೆಟ್​ನಿಂದಲೇ ನಿಷೇಧಿಸುವಂತೆಯೂ ಒತ್ತಾಯಿಸಲಾಗಿದೆ.

ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮಳೆಯಿಂದ ರದ್ದಾದ 5ನೇ ಟಿ-20 ಪಂದ್ಯ ಆರಂಭಕ್ಕೂ ಮುನ್ನ ಋತುರಾಜ್​ ಗಾಯಕ್ವಾಡ್​ ಬ್ಯಾಟಿಂಗ್​ ಡಗ್​ಔಟ್​ನಲ್ಲಿ ಕುಳಿತಿದ್ದಾಗ ಅವರ ಬಳಿಗೆ ಬಂದ ಮೈದಾನದ ಸಿಬ್ಬಂದಿ ಗಾಯಕ್ವಾಡ್​ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲು ಹತ್ತಿರ ಬಂದಾಗ ದೂರ ಸರಿಯುವಂತೆ ಸೂಚಿಸಿ ಅವಮಾನಿಸಿದ್ದಾರೆ.

• Very bad and disrespectful gesture by Ruturaj Gaikwad. Sad to see these groundsmen getting treated like this 😔#RuturajGaikwad pic.twitter.com/jIXWvUdqIX

  — Arnav (@imarnav_904) June 19, 2022 " class="align-text-top noRightClick twitterSection" data="

  Very bad and disrespectful gesture by Ruturaj Gaikwad. Sad to see these groundsmen getting treated like this 😔#RuturajGaikwad pic.twitter.com/jIXWvUdqIX

  — Arnav (@imarnav_904) June 19, 2022

  ">

  Very bad and disrespectful gesture by Ruturaj Gaikwad. Sad to see these groundsmen getting treated like this 😔#RuturajGaikwad pic.twitter.com/jIXWvUdqIX

  — Arnav (@imarnav_904) June 19, 2022

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್​ ಆಗಿದೆ. ಗಾಯಕ್ವಾಡ್​ರ ಈ ವರ್ತನೆಗೆ ಕಟು ಟೀಕೆ ವ್ಯಕ್ತವಾಗಿದೆ. ಮೈದಾನದ ಸಿಬ್ಬಂದಿ ಮಳೆಯ ಮಧ್ಯೆಯೂ ಕೆಲಸ ಮಾಡಿ ಆಟಕ್ಕೆ ಮೈದಾನ ಸಿದ್ಧಪಡಿಸಲು ಶ್ರಮಿಸಿದ್ದಾರೆ. ಅಂತಹ ವ್ಯಕ್ತಿ ಸೆಲ್ಫಿ ಕೇಳಲು ಬಂದಾಗ ನಿರಾಕರಿಸಿ, ದೂರ ದೂಡಿ ಅವಮಾನಿಸಿದ್ದಕ್ಕೆ ಆಟಗಾರನ ವಿರುದ್ಧ ನೆಟಿಜನ್ಸ್​ ಟೀಕಾಪ್ರಹಾರ ನಡೆಸಿದ್ದಾರೆ.

'ಗ್ರೌಂಡ್ಸ್‌ಮನ್‌ಗಳು ಮಳೆಯಲ್ಲಿಯೇ ಕೆಲಸ ಮಾಡಿ ಮೈದಾನ ಸಿದ್ಧಪಡಿಸಿದರೆ, ಗಾಯಕ್ವಾಡ್​ ಅಂತಹ ಶ್ರಮಜೀವಿಯನ್ನೇ ಮುಟ್ಟದಂತೆ ದೂರ ದೂಡಿದ್ದು ಸರಿಯಲ್ಲ. ಈತನನ್ನು ಕ್ರಿಕೆಟ್​ನಿಂದಲೇ ನಿಷೇಧಿಸಿ' ಎಂದು ಟ್ವಿಟ್ಟರ್ ಬಳಕೆದಾರ ಅವನೀತ್​ ಎಂಬುವವರು ಆಗ್ರಹಿಸಿದ್ದಾರೆ.

ಮತ್ತೊಬ್ಬ ಬಳಕೆದಾರ ಅಮಯ್‌ಪ್ರೇಮ್ "ಋತುರಾಜ್ ಗ್ರೌಂಡ್‌ಮೆನ್‌ರನ್ನು ಜಾತಿ ಆಧಾರದ ಮೇಲೆ ನೋಡಿಕೊಂಡಿದ್ದಾರೆ. ಅವರ ಕೆಟ್ಟ ನಡವಳಿಕೆಗೆ ಬಿಸಿಸಿಐ ದಂಡ ವಿಧಿಸಬೇಕು' ಎಂದು ಕೋರಿದ್ದಾರೆ.

'ಋತುರಾಜ್ ಗಾಯಕ್ವಾಡ್, ಕೌಶಲ್ಯ ಮತ್ತು ಆಟಕ್ಕಿಂತ ವರ್ತನೆ ಮುಖ್ಯ. ನಿಮ್ಮ ಈ ವರ್ತನೆಯಿಂದ ನೀವು ಎಂದಿಗೂ ಉನ್ನತ ಸ್ಥಾನಕ್ಕೆ ಹೋಗಲು ಸಾಧ್ಯವಿಲ್ಲ. ಸಚಿನ್, ಧೋನಿ ಮತ್ತು ಕೊಹ್ಲಿಯಂತಹ ಆಟಗಾರರು ಇಂದಿಗೂ ಜನಮಾನಸದಲ್ಲಿ ಲೆಜೆಂಡ್ಸ್ ಆಗಿ ಉಳಿದಿದ್ದಾರೆ. ಅದಕ್ಕೆ ಕಾರಣ ಅವರ ನಡವಳಿಕೆ. ಮಾನವರನ್ನು ಗೌರವಿಸುವುದನ್ನು ಕಲಿಯಿರಿ' ಎಂದು ಇನ್ನೊಬ್ಬ ಟ್ವಿಟ್ಟರ್​ ಬಳಕೆದಾರ ಬುದ್ಧಿ ಹೇಳಿದ್ದಾರೆ.

ಈ ಘಟನೆಯ ಕುರಿತಾಗಿ ಯಾವೊಬ್ಬ ಕ್ರಿಕೆಟರ್​ ಈವರೆಗೂ ಪ್ರತಿಕ್ರಿಯೆ ನೀಡಿಲ್ಲ. ಮಳೆಯಿಂದ ರದ್ದಾದ ಪಂದ್ಯ ಸುದ್ದಿಯಾಗಿದ್ದಕ್ಕಿಂತಲೂ ಮಳೆ ವಿರಾಮದ ವೇಳೆ ನಡೆದ ಈ ಘಟನೆ ಹೆಚ್ಚು ಸದ್ದು ಮಾಡಿದೆ. ಋತುರಾಜ್​ ಗಾಯಕ್ವಾಡ್​ ಮಳೆ ಬಿಡುವು ಬಳಿಕ ಆಟ ಆರಂಭವಾದಾಗ 10 ರನ್​ ಗಳಿಸಿ ಔಟಾದರು. ಇಡೀ ಸರಣಿಯಲ್ಲಿ ಒಂದು ಅರ್ಧಶತಕ ಸಮೇತ 150 ರನ್​ ಮಾತ್ರ ಗಳಿಸಿದ್ದಾರೆ.

ಓದಿ; ಕಳೆದ 8 ತಿಂಗಳಲ್ಲಿ 6 ನಾಯಕರನ್ನು ಬದಲಾಯಿಸಿದ ಟೀಂ ಇಂಡಿಯಾ! ತಂಡದ ಮುಂದಿನ ನಾಯಕ ಇವರೇನಾ?