ಲೀಗ್​ನಲ್ಲಿ ಉಳಿಯಲು ಆರ್​ಸಿಬಿಗೆ ಗೆಲುವು ಅನಿವಾರ್ಯ, ಟಾಸ್​ ಗೆದ್ದ ಮಂಧಾನ ಬ್ಯಾಟಿಂಗ್​ ಆಯ್ಕೆ

ಮಾಡು ಇಲ್ಲವೇ ಮಡಿ ಪಂದ್ಯದಲ್ಲಿ ಬ್ಯಾಟಿಂಗ್​ ತೆಗೆದುಕೊಂಡ ಮಂಧಾನ - ಯುಪಿ ವಾರಿರ್ಸ್​ ತಂಡದಲ್ಲಿ ಒಂದು ಬದಲಾವಣೆ ಮಾಡಿದ್ದು ಶಬ್ನಿಮ್ ಇಸ್ಮಾಯಿಲ್ ಬದಲಾಗಿ ಗ್ರೇಸ್ ಹ್ಯಾರಿಸ್ ತಂಡಕ್ಕೆ ಸೇರ್ಪಡೆ

ಮುಂಬೈ: ಮೂರು ಪಂದ್ಯಗಳಲ್ಲಿ ಸೋತಿರುವ ಆರ್​ಸಿಬಿಗಿಂದು ಮಾಡು ಇಲ್ಲವೇ ಮಡಿ ಪಂದ್ಯವಾಗಿದೆ. ಇಂದಿನ ಯುಪಿ ವಾರಿಯರ್ಸ್​ ಎದುರಿನ ಹಣಾಹಣಿಯಲ್ಲಿ ಸೋತರೆ ತಂಡ ಬಹುತೇಕ ಲೀಗ್​ನಿಂದ ಹೊರಗುಳಿದಂತೆ. ಡು ಆರ್​ ಡೈ ಪಂದ್ಯದಲ್ಲಿ ಟಾಸ್​ ಗೆದ್ದ ಆರ್​ಸಿಬಿ ಬ್ಯಾಟಿಂಗ್​ ಆಯ್ಕೆ ಮಾಡಿದೆ. ಯುಪಿ ವಾರಿಯರ್ಸ್​ ತಂಡದ ಶಬ್ನಿಮ್ ಇಸ್ಮಾಯಿಲ್ ಬದಲಾಗಿ ಗ್ರೇಸ್ ಹ್ಯಾರಿಸ್ ತಂಡದಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.

• 🚨 Toss Update 🚨@RCBTweets have elected to bat against @UPWarriorz.
  
  Follow the match ▶️ https://t.co/aLy7IOKGXp#TATAWPL | #RCBvUPW pic.twitter.com/CzQeYxCbLv

  — Women's Premier League (WPL) (@wplt20) March 10, 2023 " class="align-text-top noRightClick twitterSection" data="

  🚨 Toss Update 🚨@RCBTweets have elected to bat against @UPWarriorz.
  
  Follow the match ▶️ https://t.co/aLy7IOKGXp#TATAWPL | #RCBvUPW pic.twitter.com/CzQeYxCbLv

  — Women's Premier League (WPL) (@wplt20) March 10, 2023

  ">

  🚨 Toss Update 🚨@RCBTweets have elected to bat against @UPWarriorz.
  
  Follow the match ▶️ https://t.co/aLy7IOKGXp#TATAWPL | #RCBvUPW pic.twitter.com/CzQeYxCbLv

  — Women's Premier League (WPL) (@wplt20) March 10, 2023

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಆಡುವ ತಂಡ: ಸ್ಮೃತಿ ಮಂಧಾನ (ನಾಯಕಿ), ಸೋಫಿ ಡಿವೈನ್, ಎಲ್ಲಿಸ್ ಪೆರ್ರಿ, ಹೀದರ್ ನೈಟ್, ರಿಚಾ ಘೋಷ್ (ವಿಕೆಟ್​ ಕೀಪರ್), ಎರಿನ್ ಬರ್ನ್ಸ್, ಶ್ರೇಯಾಂಕಾ ಪಾಟೀಲ್, ಕನಿಕಾ ಅಹುಜಾ, ಸಹನಾ ಪವಾರ್, ಕೋಮಲ್ ಝಂಜಾದ್, ರೇಣುಕಾ ಠಾಕೂರ್ ಸಿಂಗ್

ಯುಪಿ ವಾರಿಯರ್ಸ್​ ಆಡುವ ತಂಡ: ಅಲಿಸ್ಸಾ ಹೀಲಿ (ನಾಯಕಿ/ವಿಕೆಟ್​ ಕೀಪರ್​), ಶ್ವೇತಾ ಸೆಹ್ರಾವತ್, ಕಿರಣ್ ನವಗಿರೆ, ತಹ್ಲಿಯಾ ಮೆಗ್ರಾತ್, ದೀಪ್ತಿ ಶರ್ಮಾ, ಗ್ರೇಸ್ ಹ್ಯಾರಿಸ್, ದೇವಿಕಾ ವೈದ್ಯ, ಸಿಮ್ರಾನ್ ಶೇಖ್, ಸೋಫಿ ಎಕ್ಲೆಸ್ಟೋನ್, ಅಂಜಲಿ ಸರ್ವಾಣಿ, ರಾಜೇಶ್ವರಿ ಗಾಯಕ್ವಾಡ್

ಒಂದೇ ಪಿಚ್​ನಲ್ಲಿ ಸತತ ಸೋಲು: ಬ್ಯಾಟಿಂಗ್​ನಲ್ಲಿ ಸಾಧಾರಣ ಪ್ರದರ್ಶನ ನೀಡುತ್ತಿರುವ ಆರ್​ಸಿಬಿ ವನಿತೆಯರು, ಫೀಲ್ಡಿಂಗ್​​ ಮತ್ತು ಬೌಲಿಂಗ್​ನಲ್ಲಿ ವಿಫಲರಾಗುತ್ತಿದ್ದಾರೆ. ಮೂರು ಪಂದ್ಯದಲ್ಲಿ ಸೋಲು ಕಂಡಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅಂಕ ಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದೆ. ಇಂದಿನ ಪಂದ್ಯದ ಮೂಲಕ ಎಲ್ಲಾ ತಂಡದೊಂದಿಗೆ ಪ್ರಥಮ ಮುಖಾಮುಖಿ ಮುಕ್ತಾಯವಾಗಲಿದೆ. ಇಂದಿನಿಂದ ಪ್ರತಿ ಪಂದ್ಯವನ್ನು ಗೆದ್ದರೆ ಆರ್​ಸಿಬಿಗೆ ಲೀಗ್​ನ ಕ್ವಾಲಿಪೈಯರ್​ ಪಂದ್ಯ ಆಡುವ ಅವಕಾಶ ಸಿಗಲಿದೆ.

ಗುಜರಾತ್​ ಮೇಲೂ ವೈಫಲ್ಯ: ಆರ್​ಸಿಬಿ ಮತ್ತು ಗುಜರಾತ್​ ಜೈಂಟ್ಸ್​ ಎರಡು ಪಂದ್ಯಗಳಲ್ಲಿ ಸೋಲು ಕಂಡಿದ್ದವು. ಮಾರ್ಚ್​ 8ರಂದು ಗುಜರಾತ್​ ವಿರುದ್ಧ ನಡೆದ ಪಂದ್ಯದಲ್ಲಿ ಸಹ ಬೆಂಗಳೂರು 11 ರನ್​ಗಳಿಂದ ಸೋಲನುಭವಿಸಿತು. ಗುಜರಾತ್​ ನೀಡಿದ್ದ 201 ರನ್​ಗಳನ್ನು ಪೂರೈಸುವಲ್ಲಿ ಮಂಧಾನ ಪಡೆ ಮತ್ತೆ ಎಡವಿತು. ಮೊದಲ ಪಂದ್ಯದಿಂದ ಮಂಧಾನ ಹೇಳುತ್ತಾ ಬರುತ್ತಿರುವಂತೆ ತಂಡದಿಂದ ಬೃಹತ್​ ಇನ್ನಿಂಗ್ಸ್​ ಆಡದಿರುವುದು ತಂಡದ ಸೋಲಿಗೆ ಕಾರಣವಾಗುತ್ತಿದೆ. ಕೇವಲ 20, 30 ರನ್​ಗಳ ಕೊಡುಗೆ ಬ್ಯಾಟರ್​ಗಳಿಂದ ಬರುತ್ತಿದೆ.

ಡೆಲ್ಲಿ ವಿರುದ್ಧ ಬೌಲಿಂಗ್​ ವೈಫಲ್ಯ: ಡೆಲ್ಲಿ ಕ್ಯಾಪಿಟಲ್ಸ್​ ವಿರುದ್ಧದ ಮೊದಲ ಪಂದ್ಯದಲ್ಲಿ ಆರ್​ಸಿಬಿ ಬೌಲರ್​ಗಳು ಹೆಚ್ಚಿನ ರನ್​ ಬಿಟ್ಟುಕೊಟ್ಟು 223 ರನ್​ ಗುರಿ ಪಡೆದುಕೊಂಡಿದ್ದರು. ಇದು ಮಹಿಳಾ ಕ್ರಿಕೆಟ್​ನಲ್ಲಿ ಗಳಿಸಿದ 2ನೇ ಹೆಚ್ಚಿನ ರನ್​ ಎಂಬ ದಾಖಲೆ ನಿರ್ಮಾಣವಾಗಿತ್ತು. ಈ ರನ್​ ಬೆನ್ನಟ್ಟಿದ ಆರ್​ಸಿಬಿ 60 ರನ್​ಗಳಿಂದ ಸೋಲನುಭವಿಸಿತ್ತು.

ಮುಂಬೈ ಎದುರು 9 ವಿಕೆಟ್​ಗಳ ಸೋಲು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತನ್ನ ಎರಡನೇ ಪಂದ್ಯವನನ್ನು ಮುಂಬೈ ಇಂಡಿಯನ್ಸ್​ ವಿರುದ್ಧ ಆಡಿತ್ತು. ಈ ಪಂದ್ಯದಲ್ಲಿ 9 ವಿಕೆಟ್​ಗಳ ಸೋಲನುಭವಿಸಿತ್ತು. ಆರ್​ಸಿಬಿ ಕೊಟ್ಟಿದ್ದ 156 ರನ್ನಿನ ಗುರಿಯನ್ನು 14.4 ಬಾಲ್​ನಲ್ಲಿ ಮುಂಬೈ ಗಳಿಸಿತ್ತು. ಈ ಮೂಲಕ ಮತ್ತೆ ಬೌಲಿಂಗ್​ ವೈಫಲ್ಯವನ್ನು ಎದುರಿಸಿತ್ತು.

ಒಂದು ಸೋಲು ಕಂಡಿರುವ ಯುಪಿ: ಇಂದು ಯುಪಿ ವಾರಿಯರ್ಸ್​ ತನ್ನ ಮೂರನೇ ಪಂದ್ಯವನ್ನು ಆಡುತ್ತಿದೆ. ಈ ವರಗೆ ಆಡಿರುವ ಎರಡು ಪಂದ್ಯದಲ್ಲಿ ಒಂದರಲ್ಲಿ ಗೆದ್ದು ಮತ್ತೊಂದರಲ್ಲಿ ಸೋತಿದೆ. ಗುಜರಾತ್​ ಎದುರಿನ ಪಂದ್ಯದಲ್ಲಿ ಉತ್ತಮ ಫೈಟ್​ನೀಡಿ 3 ವಿಕೆಟ್​ಗಳ ಗೆಲುವು ದಾಖಲಿಸಿತ್ತು. ಡೆಲ್ಲಿಯ ಬ್ಯಾಟಿಂಗ್​ ಬಲದ ಮುಂದೆ ವಾರಿಯರ್ಸ್​ ಮಣಿದಿದ್ದರು.

ಇದನ್ನೂ ಓದಿ: ಮಹಿಳಾ ಪ್ರೀಮಿಯರ್​ ಲೀಗ್:​ ಪ್ಲೇ ಆಫ್‌​ ಹಂತ ತಲುಪುತ್ತಾ RCB? ಹೀಗಿದೆ ಲೆಕ್ಕಾಚಾರ ​