ಸಿಕ್ಸ್​ ವೀರ ರೋಹಿತ್​ ಶರ್ಮಾ: ಯುನಿವರ್ಸಲ್​ ಬಾಸ್ ದಾಖಲೆ ಉಡೀಸ್

Rohit Sharma break Chris Gayle Record: ವಿಶ್ವಕಪ್​ನಲ್ಲಿ ಅತಿ ಹೆಚ್ಚು ಸಿಕ್ಸ್​ ದಾಖಲಿಸಿದ ಆಟಗಾರ ಎಂಬ ಖ್ಯಾತಿಯನ್ನು ರೋಹಿತ್​ ಶರ್ಮಾ ಪಡೆದಿದ್ದಾರೆ.

ಮುಂಬೈ (ಮಹಾರಾಷ್ಟ್ರ): ದೊಡ್ಡ ಹೊಡೆತಗಳಿಂದ ಹಿಟ್​ ಮ್ಯಾನ್​ ಎಂದೇ ಕರೆಸಿಕೊಳ್ಳುವ ರೋಹಿತ್​ ಶರ್ಮಾ ವಿಶ್ವಕಪ್​ನಲ್ಲಿ ಸಿಕ್ಸ್​ಗಳ ದಾಖಲೆ ಬರೆದಿದ್ದಾರೆ. ಯುನಿವರ್ಸಲ್​ ಬಾಸ್​ ಕ್ರಿಸ್​ ಗೇಲ್​ ಅವರ ದಾಖಲೆಯನ್ನು ಮುರಿದಿದ್ದಾರೆ. ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ರೋಹಿತ್​ ಶರ್ಮಾ ಅಬ್ಬರದ ಬ್ಯಾಟಿಂಗ್​ ಮಾಡುತ್ತಿದ್ದಾರೆ. ಆರಂಭಿಕರಾಗಿ ಕಣಕ್ಕಿಳಿದು ಅಬ್ಬರಿಸುವ ಅವರು ಎದುರಾಳಿ ಬೌಲರ್​ ವಿರುದ್ಧ ಮೊದಲ ಓವರ್​ನಿಂದಲೇ ದೊಡ್ಡ ಹೊಡೆತಗಳಿಗೆ ಮುಂದಾಗುತ್ತಾರೆ.

ವಿಶ್ವಕಪ್​ನಲ್ಲಿ ಭಾರತದ ನಾಯಕರಾಗಿ 500ಕ್ಕೂ ಹೆಚ್ಚು ರನ್​ ಕಲೆಹಾಕಿದ ಆಟಗಾರ ಎಂಬ ದಾಖಲೆಯನ್ನು ಈಗಾಗಲೇ ಮಾಡಿದ್ದಾರೆ. ನ್ಯೂಜಿಲೆಂಡ್​ ವಿರುದ್ಧ ನಡೆಯುತ್ತಿರುವ 2023ರ ವಿಶ್ವಕಪ್​ನ ಮೊದಲ ಸೆಮೀಸ್​ನಲ್ಲಿ ರೋಹಿತ್​ ಗೇಲ್​ ದಾಖಲೆ ಹಿಂದಿಕ್ಕಿದರು. ಇನ್ನಿಂಗ್ಸ್​ನಲ್ಲಿ 4 ಬೌಂಡರಿ ಮತ್ತು 4 ಸಿಕ್ಸ್​ಗಳಿಂದ 47 ರನ್​ ಕಲೆಹಾಕಿ ಔಟ್​ ಆದ ಶರ್ಮಾ ವಿಶ್ವಕಪ್​ನಲ್ಲಿ 50 ಸಿಕ್ಸ್​ ಬಾರಿಸಿದ ರೆಕಾರ್ಡ್​ ಬರೆದಿದ್ದಾರೆ. ಗೇಲ್​ ವಿಶ್ವಕಪ್​ನಲ್ಲಿ ಒಟ್ಟಾರೆ 49 ಸಿಕ್ಸ್​ಗಳನ್ನು ಗಳಿಸಿದ್ದರು.

• 🚨 Milestone Alert 🚨
  
  Captain Rohit Sharma has now hit the most sixes in Men's ODI World Cup 🫡#TeamIndia | #CWC23 | #MenInBlue | #INDvNZ pic.twitter.com/rapyuF0Ueg

  — BCCI (@BCCI) November 15, 2023 " class="align-text-top noRightClick twitterSection" data="

  🚨 Milestone Alert 🚨
  
  Captain Rohit Sharma has now hit the most sixes in Men's ODI World Cup 🫡#TeamIndia | #CWC23 | #MenInBlue | #INDvNZ pic.twitter.com/rapyuF0Ueg

  — BCCI (@BCCI) November 15, 2023

  ">

  🚨 Milestone Alert 🚨
  
  Captain Rohit Sharma has now hit the most sixes in Men's ODI World Cup 🫡#TeamIndia | #CWC23 | #MenInBlue | #INDvNZ pic.twitter.com/rapyuF0Ueg

  — BCCI (@BCCI) November 15, 2023

ಪ್ರಸ್ತುತ ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ರೋಹಿತ್ ಶರ್ಮಾ 27 ಸಿಕ್ಸ್​ಗಳನ್ನು ಗಳಿಸಿದ್ದಾರೆ. 2015 ವಿಶ್ವಕಪ್​ನಲ್ಲಿ ಗೇಲ್​ 26 ಸಿಕ್ಸ್​ ಗಳಿಸಿದ್ದು ದಾಖಲೆ ಆಗಿತ್ತು. ಒಂದು ವಿಶ್ವಕಪ್​ನಲ್ಲಿ ಅತಿ ಹೆಚ್ಚು ಸಿಕ್ಸ್​ ಗಳಿಸಿದ ಆಟಗಾರ ಎಂಬ ಖ್ಯಾತಿಗೂ ಒಳಗಾದರು. ಅಲ್ಲದೇ ತಾವು ಹಿಟ್​ ಮ್ಯಾನ್​ ಎಂಬುದನ್ನು ಮತ್ತೆ ಸಾಬೀತುಪಡಿಸಿದ್ದಾರೆ.

ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ರೋಹಿತ್ ಶರ್ಮಾ 10 ಇನ್ನಿಂಗ್ಸ್​ನಿಂದ 124.43ರ ಸ್ಟ್ರೈಕ್​​​ರೇಟ್​ನಲ್ಲಿ 61.11ರ ಸರಾಸರಿಯಲ್ಲಿ ಬ್ಯಾಟಿಂಗ್​ ಮಾಡಿ 550 ಕಲೆಹಾಕಿದ್ದಾರೆ. ಇದರಲ್ಲಿ ಅವರ ಬ್ಯಾಟ್​ನಿಂದ 1 ಶತಕ ಮತ್ತು 3 ಅರ್ಧಶತಕ ದಾಖಲಾಗಿದೆ. 62 ಬೌಂಡರಿ ಮತ್ತು 27 ಸಿಕ್ಸ್​ ಅನ್ನು ರೋಹಿತ್​ ಶರ್ಮಾ ಈ ವಿಶ್ವಕಪ್​ನಲ್ಲಿ ಹೊಡೆದಿದ್ದಾರೆ.

ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂಡ ರೋಹಿತ್​ ಶರ್ಮಾ ತಂಡಕ್ಕೆ ಉತ್ತಮ ಆಂಭವನ್ನು ತಂದುಕೊಟ್ಟರು. 2023ರ ವಿಶ್ವಕಪ್​ನಲ್ಲಿ ನಿಸ್ವಾರ್ಥವಾಗಿ ಆಡುತ್ತಿರುವ ಬ್ಯಾಟರ್ ಎಂದು ಕರೆಸಿಕೊಳ್ಳುತ್ತಿರುವ ಹಿಟ್​ಮ್ಯಾನ್​ ಇಂದು ಅದೇ ರೀತಿ ಆಡಿದರು. 29 ಬಾಲ್​ನಲ್ಲಿ 4 ಬೌಂಡರಿ ಮತ್ತು 4 ಸಿಕ್ಸ್​ ಗಳಿಸಿ 47 ರನ್​ ಮಾಡಿಕೊಂಡಿದ್ದ ರೋಹಿತ್​ ಸಿಂಗಲ್​ ಸ್ಕೋರ್ ಮಾಡಿ ಅರ್ಧಶತಕ ಪೂರೈಸಿಕೊಳ್ಳುವ ಬದಲು, ಸಿಕ್ಸ್​ಗೆ ಪ್ರಯತ್ನಿಸಿ ಕ್ಯಾಚ್ ಕೊಟ್ಟು ಔಟ್​ ಆದರು.

ರೋಹಿತ್​ ವಿಕೆಟ್​ ನಂತರ ವಿರಾಟ್ ಕೊಹ್ಲಿ​ ಮತ್ತು ಶುಭಮನ್​ ಗಿಲ್​ ಪಾಲುದಾರಿಕೆ ಹಂಚಿಕೊಂಡರು. ಶತಕದತ್ತ ಸಾಗುತ್ತಿದ್ದ ಗಿಲ್​ (79) ಮುಂಬೈನ ಬಿಸಿಲಿನ ಝಳಕ್ಕೆ ಸುಸ್ತಾಗಿ ಮೈದಾನದಿಂದ ಹೊರ ನಡೆಯಬೇಕಾಯಿತು. ವಿರಾಟ್​ ಮತ್ತು ಅಯ್ಯರ್​ ಗಿಲ್​ ನಿರ್ಗಮನದ ನಂತರ ಇನ್ನಿಂಗ್ಸ್​ ಬೆಳೆಸಿದರು. ಈ ಜೋಡಿ 163 ರನ್​ಗಳ ಪಾಲುದಾರಿಕೆ ಮಾಡಿತು. ಇದರ ಜೊತೆಗೆ ವಿರಾಟ್​ ದಾಖಲೆಯ ಶತಕವನ್ನು ಸಿಡಿಸಿದರು. 117 ವಿರಾಟ್​ ಔಟ್​ ಆದರೆ ಇನ್ನಿಂಗ್ಸ್ ಮುಂದುವರೆಸಿದ ಅಯ್ಯರ್​ 105 ರನ್​ ಗಳಿಸಿ ಕೊನೆಯಲ್ಲಿ ವಿಕೆಟ್​ ಒಪ್ಪಿಸಿದರು. ಡೆತ್​ ಓವರ್​ನಲ್ಲಿ ಬಂದ ರಾಹುಲ್​ (39) ಸಹ ಅಬ್ಬರಿಸಿದರು. ಇದರಿಂದ ಟೀಮ್​ ಇಂಡಿಯಾ ನಿಗದಿತ 50 ಓವರ್​ ಅಂತ್ಯಕ್ಕೆ 4 ವಿಕೆಟ್​ ನಷ್ಟಕ್ಕೆ 397 ರನ್​ ಕಲೆಹಾಕಿತು.

ಇದನ್ನೂ ಓದಿ: ಭಾರತ-ನ್ಯೂಜಿಲೆಂಡ್ ಮೊದಲ ಸೆಮಿಫೈನಲ್​: ಪಂದ್ಯಕ್ಕೂ ಮುನ್ನ ಪಿಚ್​ ವಿವಾದ