ಪಾರ್ಲ್(ದಕ್ಷಿಣ ಆಫ್ರಿಕಾ): ಆತಿಥೇಯ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಎರಡನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾದ ಯುವ ಬ್ಯಾಟರ್ ರಿಷಭ್ ಪಂತ್ ಆರ್ಭಟಿಸಿದ್ದು, ಶತಕ ವಂಚಿತರಾದರೂ 85ರನ್ಗಳ ಕಾಣಿಕೆ ನೀಡಿ ತಂಡದ ರನ್ ಏರಿಕೆಯಲ್ಲಿ ಸಹಾಯ ಮಾಡಿದರು. ಇದರ ಜೊತೆಗೆ ಹರಿಣಗಳ ನಾಡಲ್ಲಿ ಭಾರತೀಯ ವಿಕೆಟ್ ಕೀಪರ್ಗಳ ಪೈಕಿ ಹೊಸದೊಂದು ದಾಖಲೆ ನಿರ್ಮಿಸಿದ್ದಾರೆ.
ವಿರಾಟ್ ಕೊಹ್ಲಿ ವಿಕೆಟ್ ಪತನವಾಗುತ್ತಿದ್ದಂತೆ ಮೈದಾನಕ್ಕಿಳಿದ ವಿಕೆಟ್ ಕೀಪರ್ ಬ್ಯಾಟರ್ ರಿಷಭ್ ಪಂತ್, ತಾವು ಎದುರಿಸಿದ 71 ಎಸೆತಗಳಲ್ಲಿ 2 ಸಿಕ್ಸರ್, 10 ಬೌಂಡರಿ ಸೇರಿದಂತೆ 85 ರನ್ ಗಳಿಸಿದರು. ಈ ಮೂಲಕ ಈ ಹಿಂದೆ ರಾಹುಲ್ ದ್ರಾವಿಡ್(ವಿಕೆಟ್ ಕೀಪರ್) ನಿರ್ಮಿಸಿದ ರೆಕಾರ್ಡ್ ಬ್ರೇಕ್ ಮಾಡಿದ್ದಾರೆ.
ಈ ಹಿಂದೆ 2001ರಲ್ಲಿ ಟೀಂ ಇಂಡಿಯಾ ವಿಕೆಟ್ ಕೀಪರ್ ಆಗಿದ್ದ ರಾಹುಲ್ ದ್ರಾವಿಡ್ ಡರ್ಬನ್ನಲ್ಲಿ 77ರನ್ಗಳಿಸಿದ್ದ ದಾಖಲೆ ಬ್ರೇಕ್ ಮಾಡಿದರು. ಹರಿಣಗಳ ನಾಡಲ್ಲಿ 85ರನ್ಗಳಿಕೆ ಮಾಡಿರುವ ಪಂತ್ ಇದೀಗ ಭಾರತೀಯ ವಿಕೆಟ್ ಕೀಪರ್ನಿಂದ ಮೂಡಿ ಬಂದಿರುವ ಗರಿಷ್ಠ ಏಕದಿನ ಸ್ಕೋರ್ ಆಗಿದೆ.
2013ರಲ್ಲಿ ಟೀಂ ಇಂಡಿಯಾ ವಿಕೆಟ್ ಕೀಪರ್ ಮಹೇಂದ್ರ ಸಿಂಗ್ ಧೋನಿ ಜೋಹಾನ್ಸ್ಬರ್ಗ್ ಮೈದಾನದಲ್ಲಿ ಹರಿಣಗಳ ವಿರುದ್ಧ 65ರನ್ಗಳಿಕೆ ಮಾಡಿದ್ದರು. ಇದಾದ ಬಳಿಕ ಟೀಂ ಇಂಡಿಯಾದ ಯಾವುದೇ ವಿಕೆಟ್ ಕೀಪರ್ ಗರಿಷ್ಠ ರನ್ಗಳಿಕೆ ಮಾಡಿಲ್ಲ ಎಂಬುದು ಗಮನಾರ್ಹ.
ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಎರಡನೇ ಏಕದಿನ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿರುವ ಟೀಂ ಇಂಡಿಯಾ 50 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 287ರನ್ಗಳಿಕೆ ಮಾಡಿದೆ. ತಂಡದ ಪರ ರಿಷಭ್ ಪಂತ್ 85ರನ್ಗಳಿಕೆ ಮಾಡಿ ಗರಿಷ್ಠ ಸ್ಕೋರ್ರ ಆಗಿದ್ದಾರೆ.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
