7ನೇ ಕ್ರಮಾಂಕದಲ್ಲಿ ಬ್ಯಾಟ್​ ಬೀಸಿ ಸೆಂಚುರಿ ಸಿಡಿಸಿದ ಜಡೇಜಾ.. ವಿದೇಶಿ ಅಂಗಳದಲ್ಲಿ ಮೊದಲ ಶತಕ ಸಾಧನೆ

ಇಂಗ್ಲೆಂಡ್​ ವಿರುದ್ಧದ ಅಂತಿಮ ಟೆಸ್ಟ್​ ಪಂದ್ಯದಲ್ಲಿ 7ನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಲು ಮೈದಾನಕ್ಕಿಳಿದ ರವೀಂದ್ರ ಜಡೇಜಾ ಶತಕ ಸಿಡಿಸಿ ಮಿಂಚಿದ್ದಾರೆ.

ಬರ್ಮಿಂಗ್​​ಹ್ಯಾಮ್​​: ಇಂಗ್ಲೆಂಡ್​ ವಿರುದ್ಧ ನಡೆಯುತ್ತಿರುವ 5ನೇ ಟೆಸ್ಟ್​ ಪಂದ್ಯದಲ್ಲಿ ಟೀಂ ಇಂಡಿಯಾ ಆಲ್​ರೌಂಡರ್ ರವೀಂದ್ರ ಜಡೇಜಾ ಶತಕ ಸಿಡಿಸಿ ಮಿಂಚಿದ್ದಾರೆ. 7ನೇ ಕ್ರಮಾಂಕದಲ್ಲಿ ಬ್ಯಾಟ್​ ಮಾಡಲು ಕಣಕ್ಕಿಳಿದ ಈ ಪ್ಲೇಯರ್​​, ವಿಕೆಟ್ ಕೀಪರ್ ಕಮ್​ ಬ್ಯಾಟರ್ ಪಂತ್​ ಜೊತೆ ಉತ್ತಮ ಜೊತೆಯಾಟ ನೀಡುವ ಮೂಲಕ ಪಂದ್ಯದ ಎರಡನೇ ದಿನ ಸೆಂಚುರಿ ಬಾರಿಸಿದ್ದಾರೆ.

• CENTURY for @imjadeja 👏👏
  
  This is his third 💯 in Test cricket 👌👌
  
  LIVE - https://t.co/LL20D1K7si #ENGvIND pic.twitter.com/10LrrWiuVB

  — BCCI (@BCCI) July 2, 2022 " class="align-text-top noRightClick twitterSection" data="

  CENTURY for @imjadeja 👏👏
  
  This is his third 💯 in Test cricket 👌👌
  
  LIVE - https://t.co/LL20D1K7si #ENGvIND pic.twitter.com/10LrrWiuVB

  — BCCI (@BCCI) July 2, 2022

  ">

  CENTURY for @imjadeja 👏👏
  
  This is his third 💯 in Test cricket 👌👌
  
  LIVE - https://t.co/LL20D1K7si #ENGvIND pic.twitter.com/10LrrWiuVB

  — BCCI (@BCCI) July 2, 2022

ತಾವು ಎದುರಿಸಿದ 194 ಎಸೆತಗಳಲ್ಲಿ 13 ಬೌಂಡರಿ ಸಮೇತವಾಗಿ 104ರನ್​​ಗಳಿಸಿದ ಜಡೇಜಾ, ತಂಡದ ರನ್​​ ಹೆಚ್ಚಿಸುವಲ್ಲಿ ಮಹತ್ವದ ಪಾತ್ರ ನಿರ್ವಹಿಸಿದರು. ಇದರ ಜೊತೆಗೆ ಒಂದೇ ವರ್ಷದಲ್ಲಿ ಎರಡು ಶತಕ ಸಾಧನೆ ದಾಖಲೆ ಬರೆದರು. 7ನೇ ಕ್ರಮಾಂಕದಲ್ಲಿ ಬ್ಯಾಟ್​ ಬೀಸಲು ಮೈದಾನಕ್ಕಿಳಿದು ಈ ಸಾಧನೆ ಮಾಡಿರುವ ಸಾಲಿನಲ್ಲಿ ಈಗಾಗಲೇ ಕಪಿಲ್ ದೇವ್​, ಧೋನಿ, ಹರ್ಭಜನ್ ಸಿಂಗ್​ ಇದ್ದು, ಇದೀಗ ರವೀಂದ್ರ ಜಡೇಜಾ ಸಹ ಆ ಸಾಲಿಗೆ ಸೇರ್ಪಡೆಯಾಗಿದ್ದಾರೆ.

ವಿದೇಶಿ ಅಂಗದಲ್ಲಿ ಮೊದಲ ಶತಕ ಸಾಧನೆ: ಆಲ್​ರೌಂಡರ್ ರವೀಂದ್ರ ಜಡೇಜಾ ವಿದೇಶಿ ಅಂಗಳದಲ್ಲಿ ಇದೇ ಮೊದಲ ಸಲ ಟೆಸ್ಟ್​ ಶತಕ ಸಿಡಿಸಿರುವ ಸಾಧನೆ ಮಾಡಿದ್ದಾರೆ. ಜೊತೆಗೆ ಟೆಸ್ಟ್​ ಕ್ರಿಕೆಟ್​ನಲ್ಲಿ ಮೂರನೇ ಶತಕ ಸಿಡಿಸಿದ್ದಾರೆ. ಈ ಹಿಂದೆ 2018ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ರಾಜ್​ಕೋಟ್​ನಲ್ಲಿ ಹಾಗೂ ಕಳೆದ ಮಾರ್ಚ್​ ತಿಂಗಳಲ್ಲಿ ಶ್ರೀಲಂಕಾ ವಿರುದ್ಧ ಮೊಹಾಲಿಯಲ್ಲಿ ಶತಕ ಸಿಡಿಸಿದ್ದರು.

98ರನ್​​ಗಳಿಸುವಷ್ಟರಲ್ಲಿ ಪ್ರಮುಖ 5 ವಿಕೆಟ್ ಕಳೆದುಕೊಂಡಿದ್ದ ವೇಳೆ ಒಂದಾದ ಪಂತ್​-ಜಡೇಜಾ ಜೋಡಿ ಬರೋಬ್ಬರಿ 222ರನ್​​ಗಳ ಜೊತೆಯಾಟವಾಡಿತು. ಮೊದಲ ದಿನದ ಅಂತ್ಯಕ್ಕೆ 83ರನ್​​​ಗಳಿಕೆ ಮಾಡಿ, ಬ್ಯಾಟಿಂಗ್ ಕಾಯ್ದಿರಿಸಿಕೊಂಡಿದ್ದ ಜಡೇಜಾ ಇಂದು ಶತಕ(104ರನ್​) ಸಿಡಿಸಿದ ಬಳಿಕ ವಿಕೆಟ್ ಒಪ್ಪಿಸಿದ್ದಾರೆ.