ಚೆನ್ನೈ: ಆಲ್ರೌಂಡ್ ಪ್ರದರ್ಶನ ನೀಡಿ ಪುದುಚೇರಿ ವಿರುದ್ಧ ಸಂಪೂರ್ಣ ಪ್ರಾಬಲ್ಯ ಸಾಧಿಸಿರುವ ಕರ್ನಾಟಕ ತಂಡ ಇನ್ನಿಂಗ್ಸ್ ಜಯ ಸಾಧಿಸಲು ಅಂತಿಮ ದಿನ ಎದುರಾಳಿಯ 6 ವಿಕೆಟ್ ಪಡೆಯಬೇಕಿದೆ. ಫಾಲೋ ಆನ್ಗೆ ತುತ್ತಾಗಿರುವ ಪುದುಚೇರಿ 3ನೇ ದಿನದಂತ್ಯಕ್ಕೆ 62 ರನ್ಗಳಿಗೆ 4 ವಿಕೆಟ್ ಕಳೆದುಕೊಂಡಿದ್ದು, ಇನ್ನೂ 150 ರನ್ಗಳ ಇನ್ನಿಂಗ್ಸ್ ಹಿನ್ನಡೆ ಅನುಭವಿಸಿದೆ.
ಶುಕ್ರವಾರ 2 ವಿಕೆಟ್ ಕಳೆದು 33 ರನ್‌ಗಳಿಸಿದ್ದ ಪುದುಚೇರಿ 3ನೇ ದಿನ ಕರ್ನಾಟಕದ ಬೌಲರ್ಗಳ ಮಾರಕ ದಾಳಿಗೆ ತತ್ತರಿಸಿ 241 ರನ್ಗಳಿಗೆ ಸರ್ವಪತನ ಕಂಡಿತು. ನಾಯಕ ದಾಮೋದರನ್ ರೋಹಿತ್ 133 ಎಸೆತಗಳಲ್ಲಿ 15 ಬೌಂಡರಿ ಮತ್ತು 2 ಸಿಕ್ಸರ್ ಸಹಿತ 100 ರನ್ ಗಳಿಸಿ ಅಜೇಯರಾಗುಳಿದರು. ಇತರೆ ಬ್ಯಾಟರ್ಗಳಿಂದ ಸೂಕ್ತ ಬೆಂಬಲ ಸಿಗದ ಕಾರಣ ಫಾಲೋ ಆನ್ ತಪ್ಪಿಸಲು ಸಾಧ್ಯವಾಗಲಿಲ್ಲ. ಕರ್ನಾಟಕದಿಂದ ವರ್ಗಾವಣೆಗೊಂಡು ಪುದುಚೇರಿಯಲ್ಲಿ ಆಡುತ್ತಿರುವ ಪವನ್ ದೇಶಪಾಂಡೆ 83 ಎಸೆತಗಳಲ್ಲಿ 1 ಬೌಂಡರಿ ಹಾಗೂ 2 ಸಿಕ್ಸರ್ ಸಹಿತ 29 ರನ್ ಬಾರಿಸಿ 6ನೇ ವಿಕೆಟ್ಗೆ ನಾಯಕ ರೋಹಿತ್ ಜೊತೆ 46 ರನ್ ಸೇರಿಸಿದರು. ಆದೆ ಇವರನ್ನ ಕೆ. ಗೌತಮ್ ಪೆವಿಲಿಯನ್ಗಟ್ಟುವಲ್ಲಿ ಯಶಸ್ವಿಯಾದರು.
ಕರ್ನಾಟಕ ಪರ ಕೃಷ್ಣಪ್ಪ ಗೌತಮ್ ಪುದುಚೇರಿ ತಂಡದ ಪ್ರಮುಖ 5 ವಿಕೆಟ್ ಕಬಳಿಸಿದರೆ, ವೇಗಿಗಳಾದ ಪ್ರಸಿಧ್ ಕೃಷ್ಣ ಮತ್ತು ವಿದ್ಯಾಧರ್ ಪಾಟಿಲ್ ತಲಾ 2 ವಿಕೆಟ್ ಪಡೆದ ಎದುರಾಳಿ ತಂಡ ಫಾಲೋ ಆನ್ ಬಲೆಗೆ ಬೀಳುವಂತೆ ಮಾಡಿದರು.
212 ರನ್ಗಳ ಬೃಹತ್ ಮುನ್ನಡೆ ಪಡೆದ ಮನೀಶ್ ಪಡೆ ಪುದುಚೇರಿ ಮೇಲೆ ಫಾಲೋ ಆನ್ ಹೇರಿತು. ಮತ್ತೆ ಎರಡನೇ ಇನಿಂಗ್ಸ್ ಆರಂಭಿಸಿದ ಪುದುಚೇರಿಗೆ ಕರ್ನಾಟಕ ಬೌಲರ್ಗಳು ಆಘಾತ ನೀಡಿದರು.
ನೇಯನ್ ಶ್ಯಾಮ್ ಕಂಗಾಯನ್(16) ಮತ್ತು ಪರಾಸ್ ಡೋಗ್ರಾ(14)ರನ್ನು ಪ್ರಸಿಧ್ ಕೃಷ್ಣ ಪೆವಿಲಯನ್ಗಟ್ಟಿದ್ದರೆ ವಿದ್ಯಾಧರ್ ಪಾಟೀಲ್ ಅರವಿಂದ್(40 ಮತ್ತು ಸ್ಪಿನ್ನರ್ ಶ್ರೇಯಸ್ ಗೋಪಾಲ್ ವಿಕೆಟ್ ಕೀಪರ್ ಎಸ್. ಕಾರ್ತಿಕ್(8) ವಿಕೆಟ್ ಪಡೆದು ಕರ್ನಾಟಕ ತಂಡಕ್ಕೆ ಮುನ್ನಡೆ ಒದಗಿಸಿಕೊಟ್ಟಿದ್ದಾರೆ.
ಪವನ್ ದೇಶಪಾಂಡೆ 3 ಹಾಗೂ ನಾಯಕ ದಾಮೋದರನ್ ರೋಹಿತ್ 10 ರನ್ ಬಾರಿಸಿ ಅಂತಿಮ ದಿನದಾಟಕ್ಕೆ ಕ್ರೀಸ್ ಕಾಯ್ದುಕೊಂಡಿದ್ದಾರೆ. ಪುದುಚೇರಿ ಇನಿಂಗ್ಸ್ ಸೋಲಿನಿಂದ ಪಾರಾಗಲೂ 150 ರನ್‌ಗಳನ್ನು ಬಾರಿಸಬೇಕಿದೆ.
ಇದನ್ನೂ ಓದಿ:ಮೊದಲ ಐಪಿಎಲ್ ವೇಳೆಯೇ ವಾರ್ನ್ ನನಗೆ ದೊಡ್ಡ ವೇದಿಕೆ ಕಲ್ಪಿಸಿಕೊಟ್ಟಿದ್ದರು: ಜಡೇಜಾ
