ಮುಂಬೈ: ಡೆಲ್ಲಿ ಕ್ಯಾಪಿಟಲ್ ವಿರುದ್ಧ ನಡೆದ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ಅದ್ಭುತ ಗೆಲುವು ದಾಖಲು ಮಾಡಿದ್ದು, ಜಯ ಸಾಧಿಸುವ ಪಂದ್ಯದಲ್ಲಿ ರಿಷಭ್ ಪಂತ್ ಪಡೆ ಸೋಲು ಕಂಡಿರುವುದು ಇದೀಗ ತಂಡಕ್ಕೆ ಹಿನ್ನಡೆಯಾಗಿದೆ.
ರಾಜಸ್ಥಾನ ರಾಯಲ್ಸ್ 58 ರನ್ಗಳಿಕೆ ಮಾಡುವಷ್ಟರಲ್ಲಿ ಪ್ರಮುಖ 5 ವಿಕೆಟ್ ಕಳೆದುಕೊಂಡಿದ್ದರಿಂದ ಸೋಲು ಖಚಿತ ಎಂದುಕೊಂಡಿತು. ಆದರೆ, ತಂಡಕ್ಕೆ ಡೇವಿಡ್ ಮಿಲರ್ ಆಧಾರವಾಗಿದ್ದು, ಹಾಗೂ ಕೊನೆಯಲ್ಲಿ ಆಕರ್ಷಕ ಆಟವಾಡಿದ ಕ್ರಿಸ್ ಮೊರಿಸ್ 18 ಎಸೆತಗಳಲ್ಲಿ 36 ರನ್ಗಳಿಕೆ ಮಾಡಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದರು.
ಈ ವಿಚಾರವಾಗಿ ಮಾತನಾಡಿರುವ ಡೆಲ್ಲಿ ತಂಡದ ಕೋಚ್ ರಿಕಿ ಪಾಟಿಂಗ್, ಆರ್. ಅಶ್ವಿನ್ಗೆ ಕೊರೆ ಓವರ್ ನೀಡದಿರುವುದೇ ನಮಗೆ ಹಿನ್ನಡೆಯಾಗಿದ್ದು, ಸೋಲಿಗೆ ಅದೇ ಕಾರಣವಾಯ್ತು ಎಂದು ಒಪ್ಪಿಕೊಂಡಿದ್ದಾರೆ. ಮೂರು ಓವರ್ ಎಸೆದಿದ್ದ ಅಶ್ವಿನ್ 1 ಬೌಂಡರಿ ಸೇರಿ ಕೇವಲ 14ರನ್ ನೀಡಿದ್ದರು. ಕೊನೆ ಓವರ್ನಲ್ಲಿ ತಂಡಕ್ಕೆ 13ರನ್ಗಳ ಅವಶ್ಯಕತೆ ಇದ್ದಾಗ ಟಾಮ್ ಕರ್ರನ್ಗೆ ಬೌಲಿಂಗ್ ನೀಡಲಾಯಿತು. ಈ ವೇಳೆ, ಮೊರಿಸ್ ಸತತ ಎರಡು ಸಿಕ್ಸರ್ ಸಿಡಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು.
ಇದನ್ನೂ ಓದಿ: ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಮರಳಲಿದ್ದಾರೆ ಎಬಿಡಿ..ಮಹತ್ವದ ಸೂಚನೆ ನೀಡಿದ ಬೌಚರ್!
ಇದೇ ವೇಳೆ, ಇಶಾಂತ್ ಶರ್ಮಾ ಎರಡು ಪಂದ್ಯಗಳಿಂದ ಹೊರಗುಳಿದಿರುವ ಬಗ್ಗೆ ಮಾತನಾಡಿರುವ ಕೋಚ್, ಅವರೊಂದಿಗೆ ನಾವು ಕೆಲಸ ಮಾಡ್ತಿದ್ದು, ಮುಂದಿನ ಕೆಲ ಪಂದ್ಯಗಳಲ್ಲಿ ಅವರು ತಂಡದ ಭಾಗಿಯಾಗಲಿದ್ದಾರೆ ಎಂದಿದ್ದಾರೆ.
