ಅಹಮದಾಬಾದ್: ಇಂಡಿಯನ್ ಪ್ರೀಮಿಯರ್ ಲೀಗ್ನ ನಿನ್ನೆಯ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ ತಂಡ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಗೆಲುವು ದಾಖಲು ಮಾಡಿದ್ದು, ಈ ಮೂಲಕ ಅಂಕ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದೆ.
ನಿನ್ನೆಯ ಪಂದ್ಯದಲ್ಲಿ ಕೋಲ್ಕತ್ತಾ ತಂಡದ ಟಾಪ್ ಆರ್ಡರ್ ಪ್ಲೇಯರ್ಸ್ ವೈಫಲ್ಯ ಅನುಭವಿಸುತ್ತಿದ್ದಂತೆ ಕಣಕ್ಕಿಳಿದ ರಸೆಲ್ ಕೇವಲ 27 ಎಸೆತಗಳಲ್ಲಿ 4 ಸಿಕ್ಸರ್ 2 ಬೌಂಡರಿ ಸೇರಿ 45 ರನ್ ಗಳಿಕೆ ಮಾಡಿದ್ದರು. ಇವರ ವಿರುದ್ಧ ಯಾವುದೇ ಕಾರಣಕ್ಕೂ ಸ್ಪಿನ್ನರ್ಸ್ ಕಣಕ್ಕಿಳಿಸದಿರುವ ನಿರ್ಧರಿಸಿದ್ದೇವು ಎಂದು ಆಲ್ರೌಂಡರ್ ಲಲಿತ್ ಯಾದವ್ ಹೇಳಿದ್ದಾರೆ.
ಇದನ್ನೂ ಓದಿ: 'ಉದಾರತೆ' ಮೆರೆದ ಪೂರನ್: ಕೋವಿಡ್ ಹೋರಾಟಕ್ಕೆ IPL ಸಂಬಳದ ಇಷ್ಟೊಂದು ಹಣ ದೇಣಿಗೆ
ಆಂಡ್ರೆ ರಸೆಲ್ ಎದುರು ಸ್ಪಿನ್ನರ್ಸ್ಗಳನ್ನ ಕಣಕ್ಕಿಳಿಸದಂತೆ ಯೋಜನೆ ರೂಪಿಸಿದ್ದೆವು. ಹೀಗಾಗಿ ಇಶಾಂತ್ ಶರ್ಮಾ, ರಬಡಾ ಹಾಗೂ ಆವೇಶ್ ಖಾನ್ಗೆ ಬೌಲ್ ನೀಡಿದ್ದೇವು. ಬೌನ್ಸರ್ ಹಾಗೂ ಯಾರ್ಕರ್ ಎಸೆಯುವ ಯೋಜನೆ ಮೂಲಕ ಆರಂಭದಲ್ಲಿ ಅವರ ಮೇಲೆ ನಿಯಂತ್ರಣ ಹೇರಲಾಯಿತು ಎಂದರು.
ಇದು ನನಗೆ ಸತತ ಮೂರನೇ ಪಂದ್ಯವಾಗಿದ್ದು, ನಿಯಮಿತವಾಗಿ ಆಡಲು ಸಾಧ್ಯವಾಗುತ್ತಿರುವ ಕಾರಣ ಆತ್ಮವಿಶ್ವಾಸ ಹೆಚ್ಚಿಸಿದೆ. ತಂಡದಲ್ಲಿ ರಿಷಭ್ ಪಂತ್, ಇಶಾಂತ್ ಶರ್ಮಾ ಹಾಗೂ ಶಿಖರ್ ಧವನ್ ಅವರಂತಹ ಪ್ಲೇಯರ್ಸ್ಗಳಿರುವುದು ನನಗೆ ಉತ್ತಮ ಬಾಂಧವ್ಯ ಬೆಳೆದಿದೆ ಎಂದರು.
