ಅಫ್ಘಾನಿಸ್ತಾನ ವಿರುದ್ಧ ಕ್ಲೀನ್‌ಸ್ವೀಪ್​ ಸಾಧಿಸಿದರೆ ಪಾಕ್‌ಗೆ ಏಕದಿನ ಕ್ರಿಕೆಟ್‌ನಲ್ಲಿ ಅಗ್ರಪಟ್ಟ!

ಶ್ರೀಲಂಕಾದಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಪಾಕಿಸ್ತಾನ​ ತಂಡ 3 ಏಕದಿನ ಪಂದ್ಯಗಳ ಕ್ರಿಕೆಟ್‌ ಸರಣಿ ಆಡುತ್ತಿದೆ. ಕೊನೆಯ ಪಂದ್ಯ ನಾಳೆ ನಡೆಯಲಿದೆ.

ಲಾಹೋರ್ (ಪಾಕಿಸ್ತಾನ): ಪಾಕಿಸ್ತಾನ ತಂಡ ಏಷ್ಯಾಕಪ್​ ಮತ್ತು ಏಕದಿನ ವಿಶ್ವಕಪ್ ಕ್ರಿಕೆಟ್​ ಹಿನ್ನೆಲೆಯಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಮೂರು ಏಕದಿನ ಪಂದ್ಯಗಳ ಸರಣಿಯನ್ನು ಶ್ರೀಲಂಕಾದಲ್ಲಿ ಆಡುತ್ತಿದೆ. ಸರಣಿಯ ಎರಡನೇ ಪಂದ್ಯವನ್ನು ನಿನ್ನೆ (ಗುರುವಾರ) 1 ವಿಕೆಟ್​ನಿಂದ ರೋಚಕವಾಗಿ ಗೆದ್ದು ಬೀಗಿದೆ. ಪಾಕ್​ ಈ ಮೂಲಕ ಸರಣಿಯಲ್ಲಿ 2-0ಯಿಂದ ಮುನ್ನಡೆ ಕಂಡಿದೆ. ನಾಳೆ (ಆಗಸ್ಟ್​ 26) ನಡೆಯಲಿರುವ ಪಂದ್ಯದಲ್ಲಿ ಪಾಕಿಸ್ತಾನ ಗೆದ್ದಲ್ಲಿ ಐಸಿಸಿ ಏಕದಿನ ತಂಡದ ಶ್ರೇಯಾಂಕದಲ್ಲಿ ಆಸ್ಟ್ರೇಲಿಯಾವನ್ನು ಕೆಳಗಿಳಿಸಿ ಅಗ್ರಸ್ಥಾನ ಅಲಂಕರಿಸುತ್ತದೆ.

ಮುಂದೆ ನಡೆಯಲಿರುವ ಏಷ್ಯಾಕಪ್​ ಮತ್ತು ವಿಶ್ವಕಪ್​ಗೂ ಮುನ್ನ ಪಾಕ್​ ತಂಡಕ್ಕೆ ಇದು ಪ್ಲಸ್​ ಪಾಯಿಂಟ್‌ ಆಗಲಿದೆ. ಇದಕ್ಕಾಗಿ ಅಫ್ಘಾನಿಸ್ತಾನವನ್ನು ಮೂರನೇ ಪಂದ್ಯದಲ್ಲಿ ಮಣಿಸುವ ಲೆಕ್ಕಾಚಾರ ಬಾಬರ್​ ಪಡೆಯದ್ದು. ಸದ್ಯ ಐಸಿಸಿ ರ್‍ಯಾಂಕಿಂಗ್​ನಲ್ಲಿ ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ತಂಡಗಳು ಕ್ರಮವಾಗಿ 23 ಮತ್ತು 22 ಪಂದ್ಯಗಳಿಂದ 118 ಅಂಕಗಳನ್ನು ಹೊಂದಿದ್ದು, ಒಂದು ಹಾಗೂ ಎರಡನೇ ಸ್ಥಾನದಲ್ಲಿವೆ. ಭಾರತವು ಮೂರನೇ ಮತ್ತು ನ್ಯೂಜಿಲೆಂಡ್, ಇಂಗ್ಲೆಂಡ್ ನಾಲ್ಕು, ಐದರಲ್ಲಿವೆ.

• This could be massive for Pakistan ahead of the @cricketworldcup 💥
  
  Details ⬇️#CWC23 https://t.co/JR72n70bAR

  — ICC (@ICC) August 25, 2023 " class="align-text-top noRightClick twitterSection" data="

  This could be massive for Pakistan ahead of the @cricketworldcup 💥
  
  Details ⬇️#CWC23 https://t.co/JR72n70bAR

  — ICC (@ICC) August 25, 2023

  ">

  This could be massive for Pakistan ahead of the @cricketworldcup 💥
  
  Details ⬇️#CWC23 https://t.co/JR72n70bAR

  — ICC (@ICC) August 25, 2023

ಏಷ್ಯಾಕಪ್​ನಲ್ಲಿ ಏಷ್ಯಾ ರಾಷ್ಟ್ರಗಳ ನಡುವೆ ಶ್ರೇಯಾಂಕದ ಪೈಪೋಟಿ ಜೋರಾಗಿಯೇ ನಡೆಯಲಿದೆ. ಮೂರನೇ ಸ್ಥಾನದಲ್ಲಿರುವ ಭಾರತ 113 ಅಂಕಗಳನ್ನು ಪಡೆದಿದೆ. ಏಷ್ಯಕಪ್​ನಲ್ಲಿ ಭರ್ಜರಿ ಆಟ ಪ್ರದರ್ಶಿಸಿದರೆ ಸ್ಥಾನದಲ್ಲಿ ಮೇಲೇರುವ ಸಾಧ್ಯತೆ ಇದೆ. ಇದರ ಜೊತೆಗೆ, ಭಾರತ ತವರಿನಲ್ಲಿ ವಿಶ್ವಕಪ್​ಗೂ ಮುನ್ನ ಆಸ್ಟ್ರೇಲಿಯಾದ ಜೊತೆಗೂ ಏಕದಿನ ಪಂದ್ಯಗಳನ್ನು ಆಡಲಿದೆ. ಏಷ್ಯಾಕಪ್​ನಲ್ಲಿ ಭಾರತ ಸಪ್ಟೆಂಬರ್​ 2ರಂದು ಪಾಕಿಸ್ತಾನದ ಜೊತೆಗೆ ಮತ್ತು 4 ರಂದು ನೇಪಾಳ ಜೊತೆಗೆ ಪಂದ್ಯ ಆಡಲಿದೆ. ನಂತರ ಸೂಪರ್​ ಫೋರ್​ ಹಂತದ ಪಂದ್ಯಗಳು ನಡೆಯುತ್ತವೆ.

ಈ ವರ್ಷ 10 ಏಕದಿನ ಪಂದ್ಯಗಳಲ್ಲಿ ಪಾಕಿಸ್ತಾನವು ಕೇವಲ ಮೂರರಲ್ಲಿ ಮಾತ್ರ ಸೋತಿದೆ. ಅಲ್ಲದೇ ಪಾಕಿಸ್ತಾನದ ಆಟಗಾರರು ಉತ್ತಮ ಫಾರ್ಮ್​ನಲ್ಲಿದ್ದಾರೆ. ಬಾಬರ್ ಅಜಮ್​​ ಏಕದಿನ ಕ್ರಿಕೆಟ್​ ಶ್ರೇಯಾಂಕದಲ್ಲಿ ಒಂದನೇ ಸ್ಥಾನದಲ್ಲಿದ್ದರೆ ಇಮಾಮ್-ಉಲ್-ಹಕ್ ಮೂರು ಮತ್ತು ಫಖರ್ ಜಮಾನ್ ಐದನೇ ಸ್ಥಾನದಲ್ಲಿದ್ದಾರೆ.

ಅಕ್ಟೋಬರ್​ 5ರಿಂದ ಭಾರತದಲ್ಲಿ ವಿಶ್ವಕಪ್​ನ ಪಂದ್ಯಗಳು ನಡೆಯಲಿವೆ. ಐಸಿಸಿ ಶ್ರೇಯಾಂಕದಲ್ಲಿ ಟಾಪ್​ ಐದು ತಂಡಗಳ ನಡುವೆ ಬಲಿಷ್ಠ ಪೈಪೋಟಿ ನಿರೀಕ್ಷಿಸಲಾಗುತ್ತಿದೆ. ಅದರಲ್ಲಿ ಪಾಕಿಸ್ತಾನ ಮತ್ತು ಭಾರತ ಏಷ್ಯನ್​ ರಾಷ್ಟ್ರಗಳಾಗಿ ಮೊದಲ ಐದರಲ್ಲಿವೆ. ಇದರಿಂದ ಈ ಎರಡು ತಂಡದ ಕದನ ಇನ್ನಷ್ಟು ರೋಚಕವಾಗಿರಲಿದೆ. ಭಾರತ ಮತ್ತು ಪಾಕಿಸ್ತಾನ ವಿಶ್ವಕಪ್​ನಲ್ಲಿ ಅಕ್ಟೋಬರ್​ 14ರಂದು ಗುಜರಾತ್​ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಎದುರಾಗಲಿವೆ.

ಇದನ್ನೂ ಓದಿ: ಯೋ - ಯೋ ಫಲಿತಾಂಶ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ ವಿರಾಟ್; ಬಿಸಿಸಿಐ ಆಕ್ಷೇಪ?