ವನಿತೆಯರ ಏಕದಿನ ಕ್ರಿಕೆಟ್: ಟೀಂ ಇಂಡಿಯಾ ಮಣಿಸಿ ಸರಣಿ ಗೆದ್ದ ನ್ಯೂಜಿಲ್ಯಾಂಡ್

ಟೀಂ ಇಂಡಿಯಾ ವನಿತೆಯರ ತಂಡದ ವಿರುದ್ಧ ನ್ಯೂಜಿಲ್ಯಾಂಡ್ ತಂಡ ಸತತವಾಗಿ ಮೂರು ಪಂದ್ಯಗಳನ್ನು ಗೆಲ್ಲುವ ಮೂಲಕ ಏಕದಿನ ಸರಣಿ ತನ್ನದಾಗಿಸಿಕೊಂಡಿದೆ.

ಕ್ವೀನ್ಸ್​ಟೌನ್(ನ್ಯೂಜಿಲ್ಯಾಂಡ್): ಮೂರನೇ ಏಕದಿನ ಪಂದ್ಯದಲ್ಲಿ ನ್ಯೂಜಿಲೆಂಡ್‌ ವನಿತೆಯರ ತಂಡದ ವಿರುದ್ಧ ಟೀಂ ಇಂಡಿಯಾ ಮೂರು ವಿಕೆಟ್‌ಗಳ ಅಂತರದಿಂದ ಪರಾಭವಗೊಂಡಿದ್ದು, ನ್ಯೂಜಿಲ್ಯಾಂಡ್ ತಂಡ 3-0 ಮೂಲಕ ಸರಣಿ ತನ್ನದಾಗಿಸಿಕೊಂಡಿದೆ.

ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡ ನ್ಯೂಜಿಲ್ಯಾಂಡ್ ತಂಡ ಟೀಂ ಇಂಡಿಯಾವನ್ನು ಸಾಧಾರಣ ಮೊತ್ತಕ್ಕೆ ಆಲೌಟ್​ ಮಾಡುವಲ್ಲಿ ಯಶಸ್ವಿಯಾಗಿತ್ತು. ಎಲ್ಲಾ ವಿಕೆಟ್​​ಗಳನ್ನು 49.3 ಓವರ್​ಗಳಲ್ಲಿ ಕಳೆದುಕೊಂಡ ಟೀಂ ಇಂಡಿಯಾ 279 ರನ್​ಗಳನ್ನು ಗಳಿಸಲು ಸಾಧ್ಯವಾಯಿತು.

ಎಸ್​.ಮೇಘನಾ 61, ದೀಪ್ತಿ ಶರ್ಮಾ 69, ಶೆಫಾಲಿ ವರ್ಮಾ 51, ನಾಯಕಿ ಮಿಥಾಲಿ ರಾಜ್ 23, ಯಸ್ತಿಕಾ ಭಾಟಿಯಾ 19, ಹರ್ಮನ್​ಪ್ರೀತ್​ ಕೌರ್​ 13, ಸ್ನೇಹ್ ರಾಣಾ 11, ತಾನಿಯಾ ಭಾಟಿಯಾ ಮತ್ತು ಜೂಲನ್ ಗೋಸ್ವಾಮಿ ತಲಾ 8 ಹಾಗು ಏಕ್ತಾ ಬಿಷ್ತ್​ 1 ರನ್​ ಗಳಿಸಿದರು.

• ✅ 3 wicket win
  ✅ @kfcnz ODI Series win
  ✅ 2nd highest successful chase in ODI history#NZvIND pic.twitter.com/lKCDBG1rn9

  — WHITE FERNS (@WHITE_FERNS) February 18, 2022 " class="align-text-top noRightClick twitterSection" data="

  ✅ 3 wicket win
  ✅ @kfcnz ODI Series win
  ✅ 2nd highest successful chase in ODI history#NZvIND pic.twitter.com/lKCDBG1rn9

  — WHITE FERNS (@WHITE_FERNS) February 18, 2022

  ">

  ✅ 3 wicket win
  ✅ @kfcnz ODI Series win
  ✅ 2nd highest successful chase in ODI history#NZvIND pic.twitter.com/lKCDBG1rn9

  — WHITE FERNS (@WHITE_FERNS) February 18, 2022

ನ್ಯೂಜಿಲ್ಯಾಂಡ್ ತಂಡದ ಬೌಲಿಂಗ್‌ನಲ್ಲಿ​ ಸಂಘಟಿತ ಪ್ರಯತ್ನ ಕಂಡುಬಂತು. ಹನ್ನಾಹ್ ರೋವ್ ಮತ್ತು ರೋಸ್​ಮೇರಿ ಮೈರ್ ತಲಾ 2 ವಿಕೆಟ್ ಪಡೆದರೆ, ಸೋಫಿ ಡಿವೈನ್, ಅಮೆಲಿಯಾ ಕೆರ್​, ಫ್ರಾನ್ಸಿಸ್ ಮ್ಯಾಕೆ, ಆ್ಯಮಿ ಸ್ಯಾಟರ್ಥ್​ವೇಟ್ ತಲಾ ಒಂದು ವಿಕೆಟ್ ಪಡೆದರು.

ಟೀಂ ಇಂಡಿಯಾದ ವನಿತೆಯರನ್ನು ಆಲ್​ ಔಟ್ ಮಾಡಿ, 279 ರನ್​ಗಳ ಬೆನ್ನತ್ತಿದ ನ್ಯೂಜಿಲ್ಯಾಂಡ್ ಪರ ಲಾರೆನ್ ಡೌನ್ 64, ಅಮೆಲಿಯಾ ಕೆರ್​ 67, ಆ್ಯಮಿ ಸ್ಯಾಟರ್ಥ್​ವೇಟ್ 59, ಕೆಟಿ ಮಾರ್ಟಿನ್ 35, ಮ್ಯಾಡಿ ಗ್ರೀನ್ 24, ಫ್ರಾನ್ಸಿಸ್ ಮ್ಯಾಕೆ 17 ರನ್​ಗಳಿಸುವ ಮೂಲಕ ತಂಡದ ಗೆಲುವಿಗೆ ಕಾರಣರಾದರು.

ಇದನ್ನೂ ಓದಿ: ಕೆರೆಬಿಯನ್ನರಿಗೆ 'ಮಾಡು ಇಲ್ಲವೆ ಮಡಿ’ ಪಂದ್ಯ... ಸರಣಿ ಗೆಲ್ಲುವ ತವಕದಲ್ಲಿ ಭಾರತ!

ಭಾರತದ ವನಿತೆಯರ ತಂಡದಲ್ಲಿ ಜೂಲನ್ ಗೋಸ್ವಾಮಿ 3 ವಿಕೆಟ್​​ಗಳನ್ನು ಪಡೆದರೆ, ರೇಣುಕಾ ಸಿಂಗ್, ಏಕ್ತಾ ಬಿಷ್ತ್​ ದೀಪ್ತಿ ಶರ್ಮಾ, ಸ್ನೇಹ್ ರಾಣಾ ತಲಾ ಒಂದು ವಿಕೆಟ್ ಪಡೆದರು.

ಐದು ಪಂದ್ಯ ಏಕದಿನ ಸರಣಿಯಲ್ಲಿ ಸತತವಾಗಿ ಮೂರು ಪಂದ್ಯಗಳನ್ನು ಗೆಲ್ಲುವ ಮೂಲಕ ನ್ಯೂಜಿಲ್ಯಾಂಡ್ ಸರಣಿಯನ್ನು ತನ್ನದಾಗಿಸಿಕೊಂಡಿದೆ. ಮುಂದಿನ ಎರಡು ಪಂದ್ಯಗಳು ಫೆಬ್ರವರಿ 22 ಮತ್ತು ಫೆಬ್ರವರಿ 24ರಂದು ನಡೆಯಲಿವೆ.