ಅಬುಧಾಬಿ: ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಐಪಿಎಲ್ನಲ್ಲಿ ಅತಿ ಹೆಚ್ಚು ಕ್ಯಾಚ್ ಪಡೆದ ವಿಕೆಟ್ ಕೀಪರ್ ಎಂಬ ದಾಖಲೆಗೆ ಪಾತ್ರರಾಗಿದ್ದಾರೆ. ಈಗಾಗಲೇ ಅತಿ ಹೆಚ್ಚು ಬ್ಯಾಟರ್ಗಳನ್ನು ಪೆವಿಲಿಯನ್ಗಟ್ಟಿರುವ ದಾಖಲೆ ಇವರ ಹೆಸರಿನಲ್ಲೇ ಇದೆ.
ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ದಿನೇಶ್ ಕಾರ್ತಿಕ್ ಅವರ ಕ್ಯಾಚ್ ಪಡೆಯುವ ಮೂಲಕ ಈ ದಾಖಲೆಗೆ ಪಾತ್ರರಾದರು. ವಿಶೇಷವೆಂದರೆ, ಈ ಹಿಂದೆ ಈ ದಾಖಲೆ ಕಾರ್ತಿಕ್(115) ಹೆಸರಿನಲ್ಲಿಯೇ ಇತ್ತು. ಕೆಕೆಆರ್ ತಂಡ ಸೇರಿದಂತೆ ಹಲವಾರು ಫ್ರಾಂಚೈಸಿ ಪರ ಆಡಿರುವ ಕಾರ್ತಿಕ್ 189 ಇನ್ನಿಂಗ್ಸ್ಗಳಿಂದ 115 ಕ್ಯಾಚ್ ಪಡೆದಿದ್ದರೆ, ಧೋನಿ 207 ಇನ್ನಿಂಗ್ಸ್ಗಳಿಂದ 116 ಕ್ಯಾಚ್ ಪಡೆದಿದ್ದಾರೆ.
ಆದರೆ ಸ್ಟಂಪ್ಸ್(39) ಮತ್ತು ಕ್ಯಾಚ್ ಸೇರಿದಂತೆ 155 ಬ್ಯಾಟರ್ಗಳನ್ನು ಔಟ್ ಮಾಡಿರುವ ಧೋನಿ ಐಪಿಎಲ್ನಲ್ಲಿ ಅತಿ ಹೆಚ್ಚು ಮಂದಿ ಬ್ಯಾಟರ್ಗಳನ್ನು ಪೆವಿಲಿಯನ್ಗಟ್ಟಿರುವ ವಿಕೆಟ್ ಕೀಪರ್ ಎನಿಸಿಕೊಂಡಿದ್ದಾರೆ. ದಿನೇಶ್ ಕಾರ್ತಿಕ್ 146(31 ಸ್ಟಂಪ್) ಬ್ಯಾಟರ್ಗಳನ್ನು ಔಟ್ ಮಾಡಿದ್ದಾರೆ.
ಇವರಿಬ್ಬರು ವಿಕೆಟ್ ಕೀಪರ್ ಮಾತ್ರ ಐಪಿಎಲ್ನಲ್ಲಿ 100ಕ್ಕೂ ಹೆಚ್ಚು ಕ್ಯಾಚ್ ಪಡೆದಿರುವ ವಿಕೆಟ್ ಕೀಪರ್ ಆಗಿದ್ದಾರೆ. ಇವರನ್ನು ಬಿಟ್ಟರೆ ಪಾರ್ಥೀವ್ ಪಟೇಲ್ 65 ಮತ್ತು ನಮನ್ ಓಝಾ 65 ಕ್ಯಾಚ್, ವೃದ್ಧಿಮಾನ್ ಸಹಾ 59, ಕರ್ನಾಟಕದ ರಾಬಿನ್ ಉತ್ತಪ್ಪ 58 ಕ್ಯಾಚ್ ಪಡೆದಿದ್ದಾರೆ.
ಇದನ್ನೂ ಓದಿ: ಸಿಎಸ್ಕೆ ಪ್ಲೇ ಆಫ್ ತಲುಪಿದ ಮೇಲೆ ಧೋನಿ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡ್ಬೇಕು : ಗಂಭೀರ್ ಸಲಹೆ
