ಚೆನ್ನೈ: ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಸ್ಫೋಟಕ ಅರ್ಧಶತಕ ಸಿಡಿಸಿದ ರಾಯಲ್ ಚಾಲೆಂಜರ್ಸ್ ತಂಡದ ಆಪತ್ಬಾಂಧವ ಎಬಿ ಡಿ ವಿಲಿಯರ್ಸ್ ಐಪಿಎಲ್ ಇತಿಹಾಸದಲ್ಲಿ ಗರಿಷ್ಠ ಪಂದ್ಯಶ್ರೇಷ್ಠ ಪಡೆದ ದಾಖಲೆಯನ್ನು ಮತ್ತಷ್ಟು ಬಲಿಷ್ಠ ಪಡಿಸಿಕೊಂಡಿದ್ದಾರೆ.
ಭಾನುವಾರ ನಡೆದ ಪಂದ್ಯದಲ್ಲಿ ವಿಲಿಯರ್ಸ್ ಕೇವಲ 34 ಎಸೆತಗಳಲ್ಲಿ 9 ಬೌಂಡರಿ ಮತ್ತು 3 ಸಿಕ್ಸರ್ಗಳ ಸಹಿತ ಅಜೇಯ 76 ರನ್ ಸಿಡಿಸಿ, ಬೌಲಿಂಗ್ ಸ್ನೇಹಿ ಪಿಚ್ನಲ್ಲಿ ತಂಡದ ಮೊತ್ತವನ್ನು 200 ಗಡಿದಾಟುವಂತೆ ಮಾಡಿದ್ದರು. ಅದರಲ್ಲೂ ಕಳೆದೆರಡು ಪಂದ್ಯಗಳಲ್ಲಿ ಅತ್ಯುತ್ತಮ ಬೌಲಿಂಗ್ ಪ್ರದರ್ಶನ ತೋರಿದ್ದ ಕೆಕೆಆರ್ನ ರಸೆಲ್ರ 2 ಓವರ್ಗಳಲ್ಲಿ 38 ರನ್ ಚಚ್ಚಿದರು.
ಈ ಪಂದ್ಯದಲ್ಲಿ ಆರ್ಸಿಬಿ ನೀಡಿದ 205 ರನ್ಗಳ ಮೊತ್ತವನ್ನು ಬೆನ್ನಟ್ಟಿದ ಕೆಕೆಆರ್ 166 ರನ್ಗಸಿ 38 ರನ್ಗಳ ಸೋಲು ಕಂಡಿತು. ಅಜೇಯ ಅರ್ಧಶತಕ ಬಾರಿಸಿದ ಎಬಿಡಿ ಐಪಿಎಲ್ನಲ್ಲಿ 24ನೇ ಬಾರಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ತಮ್ಮದಾಗಿಸಿಕೊಂಡರು. ಈ ಮೂಲಕ ತಮ್ಮ ಹೆಸರಿನಲ್ಲೇ ಇರುವ ಈ ದಾಖಲೆಯನ್ನು ಮತ್ತಷ್ಟು ಅತ್ಯುತ್ತಮ ಗೊಳಿಸಿಕೊಂಡರು.
ಐಪಿಎಲ್ನಲ್ಲಿ ಹೆಚ್ಚು ಪಂದ್ಯ ಶ್ರೇಷ್ಠ ಪ್ರಶಸ್ತಿ ವಿಜೇತರು
- ಎಬಿ ಡಿ ವಿಲಿಯರ್ಸ್-24
- ಕ್ರಿಸ್ ಗೇಲ್ - 22
- ರೋಹಿತ್ ಶರ್ಮಾ-18
- ಡೇವಿಡ್ ವಾರ್ನರ್-17
- ಎಂಎಸ್ ಧೋನಿ-17
ಇದನ್ನು ಓದಿ: ಆರ್ಸಿಬಿಯ ಈ ಆಟಗಾರ 'ಪ್ಲೇಯರ್ ಆಫ್ ದ ಟೂರ್ನಮೆಂಟ್' ಆಗ್ತಾರೆ: ಮೈಕಲ್ ವಾನ್
ಆರ್ಸಿಬಿ ಆಟಗಾರರ ಮುಡಿಗೆ ಸೇರಿದ ಆರೆಂಜ್, ಪರ್ಪಲ್ ಕ್ಯಾಪ್... ಪಾಯಿಂಟ್ ಪಟ್ಟಿಯಲ್ಲಿ ಕೊಹ್ಲಿ ಪಡೆ ದರ್ಬಾರ್
