ವಾಂಖೆಡೆಯಲ್ಲಿ ಮಕಾಡೆ ಮಲಗಿದ ಕೆಕೆಆರ್: ರಾಯಲ್ಸ್​ಗೆ ಗೆಲ್ಲಲು ಬೇಕು ಕೇವಲ 134 ರನ್​

ಕ್ರಿಸ್​ ಮೋರಿಸ್​ ದಾಳಿಗೆ ತತ್ತರಿಸಿದ ಕೋಲ್ಕತ್ತಾ ನೈಟ್ ರೈಡರ್ಸ್ ಬ್ಯಾಟಿಂಗ್ ಸ್ವರ್ಗ ವಾಂಖೆಡೆಯಲ್ಲೇ ಕೇವಲ 133 ರನ್​ಗಳಿಸಿದೆ.

ಮುಂಬೈ: ಬ್ಯಾಟ್ಸ್​ಮನ್​ಗಳ ಪಾಲಿನ ಸ್ವರ್ಗವಾಗಿರುವ ವಾಂಖೆಡೆಯಲ್ಲಿ ರಾಜಸ್ಥಾನ್ ರಾಯಲ್ಸ್​ ತಂಡದ ಬೌಲರ್​ಗಳು ಮೇಲುಗೈ ಸಾಧಿಸಿದ್ದು, ಕೆಕೆಆರ್​ ತಂಡವನ್ನು ಕೇವಲ 133 ರನ್​ಗಳಿಗೆ ನಿಯಂತ್ರಿಸಿದ್ದಾರೆ.

ಟಾಸ್​ ಸೋತು ಇನ್ನಿಂಗ್ಸ್​ ಆರಂಭಿಸಿದ ಕೋಲ್ಕತ್ತಾ ತಂಡ ನಿಧಾನಗತಿಯ ಆಟ ನಡೆಸಿತು. ಪವರ್​ ಪ್ಲೇನಲ್ಲಿ ಕೇವಲ 24 ರನ್​ಗಳಿಸಿದ್ದಲ್ಲದೇ ಆರಂಭಿಕ ಬ್ಯಾಟ್ಸ್​ಮನ್ ಶುಬ್ಮನ್​ ಗಿಲ್​ ವಿಕೆಟ್ ಕಳೆದುಕೊಂಡಿತು.

2ನೇ ವಿಕೆಟ್​ಗೆ ತ್ರಿಪಾಠಿ ಮತ್ತು ರಾಣಾ 25 ರನ್​ ಸೇರಿಸಿದರು. ರಾಣಾ ರನ್​ಗಳಿಸಲು ಪರದಾಡಿ 25 ಎಸೆತಗಳಲ್ಲಿ ಕೇವಲ 22 ರನ್​ಗಳಿಸಿ ಚೇತನ್​ ಸೆಕಾರಿಯಾಗೆ ವಿಕೆಟ್ ಒಪ್ಪಿಸಿದರು. ನಂತರ ಬಂದ ನರೈನ್ ಕೇವಲ 6 ರನ್​ಗೆ​ ಸೀಮಿತವಾದರೆ, ಇವರ ಬೆನ್ನಲ್ಲೇ ದುರಾದೃಷ್ಟ ರೀತಿಯಲ್ಲಿ ನಾಯಕ ಮಾರ್ಗನ್​ ಒಂದೂ ಎಸೆತ ಎದುರಿಸದೇ ರನ್​ಔಟ್​ ಆಗಿ ನಿರ್ಗಮಿಸಿದರು.

• A wonderful bowling effort from @rajasthanroyals restrict #KKR to 133-9.
  
  Let's see if they can defend this. Buttler to open with Jaiswal for #RR.
  
  👉 https://t.co/oKLdD2Pi9R #VIVOIPL #RRvKKR pic.twitter.com/NVLgxAZW3H

  — IndianPremierLeague (@IPL) April 24, 2021 " class="align-text-top noRightClick twitterSection" data="

  A wonderful bowling effort from @rajasthanroyals restrict #KKR to 133-9.
  
  Let's see if they can defend this. Buttler to open with Jaiswal for #RR.
  
  👉 https://t.co/oKLdD2Pi9R #VIVOIPL #RRvKKR pic.twitter.com/NVLgxAZW3H

  — IndianPremierLeague (@IPL) April 24, 2021

  ">

  A wonderful bowling effort from @rajasthanroyals restrict #KKR to 133-9.
  
  Let's see if they can defend this. Buttler to open with Jaiswal for #RR.
  
  👉 https://t.co/oKLdD2Pi9R #VIVOIPL #RRvKKR pic.twitter.com/NVLgxAZW3H

  — IndianPremierLeague (@IPL) April 24, 2021

ಈ ಹಂತದಲ್ಲಿ ತ್ರಿಪಾಠಿ ಮತ್ತು ಕಾರ್ತಿಕ್ 5ನೇ ವಿಕೆಟ್​ಗೆ 33 ರನ್​ಗಳ ಜೊತೆಯಾಟ ನಡೆಸಿ ಚೇತರಿಕೆಯ ಆಟ ತೋರಿದರು. ಆದರೆ ಈ ಹಂತದಲ್ಲಿ ಕಣಕ್ಕಿಳಿದ ಮುಸ್ತಫಿಜುರ್ ರೆಹಮಾನ್ ಬೌಲಿಂಗ್​ನಲ್ಲಿ ಪರಾಗ್​​ಗೆ ಕ್ಯಾಚ್ ನೀಡಿ ಔಟಾದರು.

ತ್ರಿಪಾಠಿ ವಿಕೆಟ್ ನಂತರ ಕೆಕೆಆರ್ ಮತ್ತೆ ದಿಢೀರ್​ ಕುಸಿತ ಕಂಡಿತು. ರಸೆಲ್ 9 ಮತ್ತು ದಿನೇಶ್ ಕಾರ್ತಿಕ್ ಒಂದೇ ಓವರ್​ನಲ್ಲಿ ಮೋರಿಸ್​ಗೆ ವಿಕೆಟ್​ ಒಪ್ಪಿಸಿದರು. 20 ನೇ ಓವರ್​ನಲ್ಲಿ ಕಳೆದ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದ ಕಮ್ಮಿನ್ಸ್ 10 ಮತ್ತು ಶಿವಂ ಮಾವಿ 5 ರನ್​ಗಳಿಸಿ ಮೋರಿಸ್​ಗೆ ವಿಕೆಟ್​ ಒಪ್ಪಿಸಿದರು.

ಒಟ್ಟಾರೆ 20 ಓವರ್​ಗಳಲ್ಲಿ 9 ಕಳೆದುಕೊಂಡ ಕೋಲ್ಕತ್ತಾ ನೈಟ್ ರೈಡರ್ಸ್ 133 ರನ್​ಗಳಿಸಿದೆ. ಅದ್ಭುತ ಬೌಲಿಂಗ್ ಪ್ರದರ್ಶನ ಮಾಡಿದ ರಾಜಸ್ಥಾನ ತಂಡದ ಮೋರಿಸ್​ 23ರನ್​ ನೀಡಿ 4 ವಿಕೆಟ್ ಪಡೆದರು. ಮುಸ್ತಫಿಜುರ್, ಚೇತನ್ ಸಕಾರಿಯಾ ಮತ್ತು ಉನಾದ್ಕಟ್​ ತಲಾ ಒಂದು ವಿಕೆಟ್ ಪಡೆದು ಮಿಂಚಿದರು.