ಲಂಡನ್ : ಅಲ್ಲಿ ರಾಬಿನ್ಸನ್ ಹಳೆಯ ಟ್ವೀಟ್ ವಿವಾದದ ನಂತರ ಇದೀಗ ಇಂಗ್ಲೆಂಡ್ ಸೀಮಿತ ಓವರ್ಗಳ ನಾಯಕ ಇಯಾನ್ ಮಾರ್ಗನ್ ಮತ್ತು ವಿಕೆಟ್ ಕೀಪರ್ ಜೋಶ್ ಬಟ್ಲರ್ ಅಭಿಮಾನಿಗಳು ಬಳಸುವ ಇಂಗ್ಲಿಷ್ ಭಾಷೆಯನ್ನು ಅಪಹಾಸ್ಯ ಮಾಡುವ ರೀತಿಯಲ್ಲಿ ಸಂಭಾಷಣೆ ಮಾಡಿರುವುದು ಬೆಳಕಿಗೆ ಬಂದಿದೆ. ಈ ಕುರಿತು ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್ ಬಟ್ಲರ್ ಮತ್ತು ಇಯಾನ್ ಮಾರ್ಗನ್ ಇಬ್ಬರ ಟ್ವೀಟ್ಗಳ ಸಂಬಂಧ ತನಿಖೆ ನಡೆಸುವುದಕ್ಕೆ ಆದೇಶಿಸಿದೆ ಎಂದು ತಿಳಿದು ಬಂದಿದೆ.
ಇಂಗ್ಲೆಂಡ್ ಕ್ರಿಕೆಟ್ ಬೋರ್ಡ್ ತಾರತಮ್ಯದ ವಿರುದ್ಧ ಶೂನ್ಯ ಸಹಿಷ್ಣು ನೀತಿಯನ್ನು ಹೊಂದಿದೆ. 8 ವರ್ಷಗಳ ಹಿಂದೆ ರಾಬಿನ್ಸನ್ ಮಾಡಿದ್ದ ಜನಾಂಗೀಯ ನೀತಿ ಮತ್ತು ಮಹಿಳೆಯರ ಮೇಲಿನ ಅಪಹಾಸ್ಯ ಟ್ವೀಟ್ಗಳು ಬಹಿರಂಗಗೊಂಡ ನಂತರ ಅವರನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ಅಮಾನತು ಮಾಡಲಾಗಿತ್ತು. ಆದರೆ, ಇಂಗ್ಲೆಂಡ್ ಪ್ರಧಾನಿ ಸೇರಿ ಹಲವಾರು ರಾಜಕಾರಣಿಗಳು ಇಸಿಬಿ ನಡೆ ಖಂಡಿಸಿದ್ದರು. ಯಾವಾಗಲೋ ಮಾಡಿದ್ದ ತಪ್ಪಿಗೆ ಈಗ ಶಿಕ್ಷೆ ನೀಡುವುದು ಸರಿಯಾದ ಕ್ರಮವಲ್ಲ, ಈ ನಿರ್ಧಾರವನ್ನು ಮತ್ತೊಮ್ಮೆ ಪರಿಶೀಲನೆ ನಡೆಸುವಂತೆ ತಿಳಿಸಿದ್ದರು.
ಆದರೆ, ಇದೀಗ ಜೋಶ್ ಬಟ್ಲರ್ ಮತ್ತು ಇಯಾನ್ ಮಾರ್ಗನ್ ಭಾರತೀಯ ಅಭಿಮಾನಿಗಳು ಬಳಸುವ 'ಸರ್' ಎಂಬ ಪದವನ್ನು ಗುರಿಯಾಗಿಸಿ ಟ್ವೀಟ್ ಮಾಡಿ ಅಪಹಾಸ್ಯ ಮಾಡಿದ್ದಾರೆ. ಕೋಲ್ಕತಾ ನೈಟ್ ರೈಡರ್ಸ್ ತಂಡದ ಕೋಚ್ ಬ್ರೆಂಡನ್ ಮೆಕ್ಲಮ್ ಕೂಡ ಅವರ ಜೊತೆ ಸೇರಿ ಭಾರತೀಯರ ಇಂಗ್ಲಿಷ್ ಬಳಕೆಯನ್ನು ಅಪಹಾಸ್ಯ ಮಾಡಿದ್ದಾರೆ.
ಅಲ್ಲದೆ ಬಟ್ಲರ್ ಮತ್ತು ಮಾರ್ಗನ್ ಇಂಗ್ಲೆಂಡ್ ತಂಡ ಸ್ಥಾಪಿಸಿದ ಬ್ಯಾಟ್ಸ್ಮನ್ಗಳಾದ ನಂತರ ಬರೆಯಲಾಗಿದೆ. ಇದು ಸಾಮಾಜಿಕ ಮಾಧ್ಯಮದಲ್ಲಿ ಅಪರಾಧಕ್ಕೆ ಕಾರಣವಾಗಿದೆ" ಎಂದು ವರದಿಯಿಂದ ತಿಳಿದು ಬಂದಿದೆ.
ಇದನ್ನು ಓದಿ:ನಾವು ರಾಬಿನ್ಸನ್ ಕ್ಷಮೆ ಸ್ವೀಕರಿಸಿದ್ದೇವೆ, ನಮ್ಮ ಸಂಪೂರ್ಣ ಬೆಂಬಲ ಆತನಿಗಿದೆ : ಆ್ಯಂಡರ್ಸನ್
