ಎಬಿಡಿ, ಮ್ಯಾಕ್ಸ್​ವೆಲ್​ ಸ್ಪೋಟಕ ಅರ್ಧಶತಕ: ಕೆಕೆಆರ್​ಗೆ 205ರನ್​ಗಳ ಬೃಹತ್ ಗುರಿ ನೀಡಿದ ಆರ್​ಸಿಬಿ

ಗ್ಲೇನ್​ ಮ್ಯಾಕ್ಸ್​ವೆಲ್ ಮತ್ತು ಎಬಿ ಡಿ ವಿಲಿಯರ್ಸ್​ ಅರ್ಧಶತಕದ ನೆರವಿನಿಂದ ಆರ್​ಸಿಬಿ ಎದುರಾಳಿ ಕೋಲ್ಕತ್ತಾ ನೈಟ್​ ರೈಡರ್ಸ್​ಗೆ 205ರನ್​​ಗಳ ಬೃಹತ್ ಮೊತ್ತದ ಗುರಿ ನೀಡಿದೆ.

ಚೆನ್ನೈ: ಗ್ಲೇನ್​ ಮ್ಯಾಕ್ಸ್​ವೆಲ್ ಮತ್ತು ಎಬಿ ಡಿ ವಿಲಿಯರ್ಸ್​ ಅರ್ಧಶತಕದ ನೆರವಿನಿಂದ ಆರ್​ಸಿಬಿ ಎದುರಾಳಿ ಕೋಲ್ಕತ್ತಾ ನೈಟ್​ ರೈಡರ್ಸ್​ಗೆ 205ರನ್​​ಗಳ ಬೃಹತ್ ಮೊತ್ತದ ಗುರಿ ನೀಡಿದೆ.

ಟಾಸ್​ ಗೆದ್ದ ಆರ್​ಸಿಬಿ ಬ್ಯಾಟಿಂಗ್ ಮಾಡಲು ನಿರ್ಧರಿಸಿ 2ನೇ ಓವರ್​ನಲ್ಲೆ ನಾಯಕ ಕೊಹ್ಲಿ(5) ಮತ್ತು ರಜತ್ ಪಾಟಿದಾರ್​(1) ವಿಕೆಟ್ ಕಳೆದುಕೊಂಡು ಆಘಾತ ಅನುಭವಿಸಿತು.

• VISION 2️⃣0️⃣0️⃣➕ ✅ #PlayBold #WeAreChallengers #IPL2021 #DareToDream #RCBvKKR pic.twitter.com/hiTcVWPHjE

  — Royal Challengers Bangalore (@RCBTweets) April 18, 2021 " class="align-text-top noRightClick twitterSection" data="

  VISION 2️⃣0️⃣0️⃣➕ ✅ #PlayBold #WeAreChallengers #IPL2021 #DareToDream #RCBvKKR pic.twitter.com/hiTcVWPHjE

  — Royal Challengers Bangalore (@RCBTweets) April 18, 2021

  ">

  VISION 2️⃣0️⃣0️⃣➕ ✅ #PlayBold #WeAreChallengers #IPL2021 #DareToDream #RCBvKKR pic.twitter.com/hiTcVWPHjE

  — Royal Challengers Bangalore (@RCBTweets) April 18, 2021

ಆದರೆ ಯುವ ಆಟಗಾರ ದೇವದತ್​ ಪಡಿಕ್ಕಲ್ ಜೊತೆಗೂಡಿದ ಮ್ಯಾಕ್ಸ್​ವೆಲ್ 3ನೇ ವಿಕೆಟ್​ಗೆ 86 ರನ್​ ಸೇರಿಸಿ ಚೇತರಿಕೆ ನೀಡಿದರು. ಮ್ಯಾಕ್ಸಿ ಅಬ್ಬರಿಸುತ್ತಿದ್ದರೆ ಇತ್ತ ಪಡಿಕ್ಕಲ್ ಸ್ಟ್ರೈಕ್ ಬದಲಾಯಿಸಿಕೊಡುತ್ತಾ ನಿಧಾನಗತಿ ಬ್ಯಾಟಿಂಗ್ ಪ್ರದರ್ಶನ ತೋರಿದರು. ಪಡಿಕ್ಕಲ್ 28 ಎಸೆತಗಳಲ್ಲಿ 25 ರನ್​ಗಳಿಸಿ 12ನೇ ಓವರ್​ನಲ್ಲಿ ಪ್ರಸಿಧ್ ಕೃಷ್ಣಾ ಬೌಲಿಂಗ್​ನಲ್ಲಿ ತ್ರಿಪಾಠಿಗೆ ಕ್ಯಾಚ್​ ನೀಡಿ ಔಟಾದರು.

ಎಬಿಡಿ- ಮ್ಯಾಕ್ಸ್​ವೆಲ್ ಅಬ್ಬರ

ಪಡಿಕ್ಕಲ್ ವಿಕೆಟ್​ ಪತನದ ನಂತರ ಒಂದಾದ ಎಬಿಡಿ ಮತ್ತು ಮ್ಯಾಕ್ಸ್​ವೆಲ್ ಕೆಕೆಆರ್ ಬೌಲಿಂಗ್​ ದಾಳಿಯನ್ನು ಪುಡಿಗಟ್ಟಿ 4ನೇ ವಿಕೆಟ್​ಗೆ ಕೇವಲ 35 ಎಸೆತಗಳಲ್ಲಿ 53 ರನ್​ ಸೇರಿಸಿದರು. 49 ಎಸೆತಗಳಲ್ಲಿ 9 ಬೌಂಡರಿ ಮತ್ತು 3 ಸಿಕ್ಸರ್​ಗಳ ನೆರವಿನಿಂದ 78 ರನ್​ಗಳಿಸಿ ಶತಕದತ್ತ ಮುನ್ನುಗ್ಗುತ್ತಿದ್ದ ಮ್ಯಾಕ್ಸ್​ವೆಲ್ ದೊಡ್ಡ ಹೊಡೆತಕ್ಕೆ ಕೈ ಹಾಕಿ ಕಮ್ಮಿನ್ಸ್​ಗೆ ವಿಕೆಟ್ ನೀಡಿ ನಿರಾಶೆಯನುಭವಿಸಿದರು.

ಮ್ಯಾಕ್ಸ್​ವೆಲ್ ನಂತರ ತನ್ನ ಸ್ಫೋಟಕ ಬ್ಯಾಟಿಂಗ್ ಮುಂದುವರಿಸಿದ, ವಿಲಿಯರ್ಸ್​ ಕೆಕೆಆರ್ ಬೌಲರ್​ಗಳನ್ನು ಚೆಂಡಾಡಿದರು. ಅವರು ಕೇವಲ 34 ಎಸೆತಗಳಲ್ಲಿ 9 ಬೌಂಡರಿ ಮತ್ತು 3 ಸ್ಫೋಟಕ ಸಿಕ್ಸರ್​ಗಳ ಸಹಿತ ಅಜೇಯ 76 ರನ್​ ಸಿಡಿಸಿದರು. ಆಲ್​ರೌಂಡರ್​ ಜೆಮೀಸನ್(11) ಜೊತೆಗೆ ಕೊನೆಯ 18 ಎಸೆತಗಳಲ್ಲಿ 56 ರನ್​ ಚಚ್ಚಿದರು. ಇದರಲ್ಲಿ ಜಮೀಸನ್ ಪಾಲು 11 ರನ್​ ಆದರೆ, ಎಬಿಡಿ ಪಾಲು 45 ರನ್​ ಆಗಿತ್ತು.

ಒಟ್ಟಾರೆ ಬೆಂಗಳೂರು ತಂಡ ತನ್ನ 20 ಓವರ್​ಗಳ ಕೋಟದಲ್ಲಿ 4 ವಿಕೆಟ್ ಕಳೆದುಕೊಂಡು 204 ರನ್​ ಗಳಿಸಿತು.

ಕೆಕೆಆರ್ ಪರ ವರುಣ್ ಚಕ್ರವರ್ತಿ 39ಕ್ಕೆ2, ಪ್ರಸಿಧ್ ಮತ್ತು ಕಮ್ಮಿನ್ಸ್​ ತಲಾ ಒಂದು ವಿಕೆಟ್​ ಪಡೆದರು.