ಜಯವರ್ಧನೆ, ಜಹೀರ್ ಖಾನ್​​ಗೆ ಮಹತ್ವದ ಜವಾಬ್ದಾರಿ ನೀಡಿದ ಮುಂಬೈ.. ಕೋಚ್​ ಸ್ಥಾನ ಯಾರಿಗೆ?

ಮುಂಬೈ ಇಂಡಿಯನ್ಸ್ ತಂಡದ ಮುಖ್ಯ ಕೋಚ್ ಆಗಿ ಸೇವೆ ಸಲ್ಲಿಸುತ್ತಿದ್ದ ಮಹೇಲಾ ಜಯವರ್ಧನೆಗೆ ಇದೀಗ ಮಹತ್ವದ ಜವಾಬ್ದಾರಿ ನೀಡಲಾಗಿದೆ. ಹೀಗಾಗಿ, ತಂಡದ ಕೋಚ್​ ಸ್ಥಾನ ಯಾರಿಗೆ ಸಿಗಲಿದೆ ಎಂಬ ಕುತೂಹಲ ಮೂಡಿದೆ.

ಮುಂಬೈ: ಐದು ಬಾರಿಯ ಐಪಿಎಲ್​​ ಚಾಂಪಿಯನ್​ ಮುಂಬೈ ಇಂಡಿಯನ್ಸ್​ ಮಹತ್ವದ ನಿರ್ಧಾರ ಕೈಗೊಂಡಿದೆ. ತಂಡದ ಮುಖ್ಯ ಕೋಚ್​​ ಮಹೇಲಾ ಜಯವರ್ಧನೆ ಹಾಗು ಕ್ರಿಕೆಟ್ ತಂಡದ ನಿರ್ದೇಶಕ ಜಹೀರ್ ಖಾನ್​​ ಅವರಿಗೆ ಇದೀಗ ಬೇರೆ ಜವಾಬ್ದಾರಿ ನೀಡಿ, ಆದೇಶ ಹೊರಡಿಸಿದೆ.

2017ರಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಮುಖ್ಯ ಕೋಚ್​ ಆಗಿ ಶ್ರೀಲಂಕಾದ ಮಾಜಿ ಕ್ಯಾಪ್ಟನ್​ ಜಯವರ್ಧನೆ ಆಯ್ಕೆಯಾಗಿದ್ದರು. ಇವರ ತರಬೇತಿ ಅಡಿಯಲ್ಲಿ ತಂಡ ಮೂರು ಸಲ ಚಾಂಪಿಯನ್​ ಆಗಿ ಹೊರಹೊಮ್ಮಿದೆ. ಇದೀಗ ಅವರನ್ನ ಗ್ಲೋಬಲ್​ ಹೆಡ್​ ಆಫ್​ ಪರ್ಫಾರ್ಮೆನ್ಸ್​​​ ಆಗಿ ನೇಮಕಗೊಳಿಸಿದೆ. ಇನ್ನು, 2018ರಲ್ಲಿ ಮುಂಬೈ ತಂಡದ ಕ್ರಿಕೆಟ್ ಕಾರ್ಯಾಚರಣೆ ನಿರ್ದೇಶಕರಾಗಿ ಆಯ್ಕೆಯಾಗಿದ್ದ ವೇಗಿ ಜಹೀರ್ ಖಾನ್​​ ಅವರನ್ನು ಕ್ರಿಕೆಟ್​ ಅಭಿವೃದ್ಧಿಯ ಜಾಗತಿಕ ಮುಖ್ಯಸ್ಥರನ್ನಾಗಿ ನೇಮಕಗೊಳಿಸಿದೆ.

ಮುಂಬೈ ಇಂಡಿಯನ್ಸ್​​ ಮಾಲೀಕರಾದ ರಿಲಯನ್ಸ್​ ಇಂಡಸ್ಟ್ರೀಸ್​ ಇತ್ತೀಚೆಗೆ ಯುಎಇಯ ಐಎಲ್​ಟಿ 20 ಹಾಗೂ ದಕ್ಷಿಣ ಆಫ್ರಿಕಾದಲ್ಲಿ ಎಸ್​​ಎ 20 ಲೀಗ್​​ಗಳಲ್ಲಿ ಫ್ರಾಂಚೈಸಿ ಖರೀದಿ ಮಾಡಿದೆ. ಇದರ ಬೆನ್ನಲ್ಲೇ ಈ ಮಹತ್ವದ ನಿರ್ಧಾರ ಕೈಗೊಂಡಿದೆ. ಹೊಸ ಜವಾಬ್ದಾರಿಯಲ್ಲಿ ಜಯವರ್ಧನೆ ತಂಡಗಳ ಕಾರ್ಯತಂತ್ರ, ತರಬೇತಿ ನೀಡಲಿದ್ದು, ಆಟಗಾರರು ಜಾಗತಿಕವಾಗಿ ಬೆಳೆಯಲು ನಿರ್ದೇಶನ ನೀಡಲಿದ್ದಾರೆ.

• 🚨 Head Coach ➡️ Global Head of Performance 🌏
  
  We are delighted to announce Mahela Jayawardene as our Global Head of Performance 🙌💙#OneFamily #MumbaiIndians #MIemirates #MIcapetown @MIEmirates @MICapeTown @MahelaJay pic.twitter.com/I4wobGDkOQ

  — Mumbai Indians (@mipaltan) September 14, 2022 " class="align-text-top noRightClick twitterSection" data="

  🚨 Head Coach ➡️ Global Head of Performance 🌏
  
  We are delighted to announce Mahela Jayawardene as our Global Head of Performance 🙌💙#OneFamily #MumbaiIndians #MIemirates #MIcapetown @MIEmirates @MICapeTown @MahelaJay pic.twitter.com/I4wobGDkOQ

  — Mumbai Indians (@mipaltan) September 14, 2022

  ">

  🚨 Head Coach ➡️ Global Head of Performance 🌏
  
  We are delighted to announce Mahela Jayawardene as our Global Head of Performance 🙌💙#OneFamily #MumbaiIndians #MIemirates #MIcapetown @MIEmirates @MICapeTown @MahelaJay pic.twitter.com/I4wobGDkOQ

  — Mumbai Indians (@mipaltan) September 14, 2022

ಇನ್ನು, ಜಹೀರ್​ ಖಾನ್​​ ಪಾತ್ರ, ಹೊಸ ಪ್ರತಿಭೆ ಗುರುತಿಸುವಿಕೆ, ಮೂರು ಫ್ರಾಂಚೈಸಿಗಳಲ್ಲಿ ಹೊಸ ಹೊಸ ಆಟಗಾರರಿಗೆ ಸೇರ್ಪಡೆ ಹಾಗೂ ಮೂರು ತಂಡಗಳ ಜೊತೆಗೆ ನಿಕಟವಾಗಿ ಕೆಲಸ ಮಾಡುವುದಾಗಿದೆ. ಈ ಜವಾಬ್ದಾರಿಯಿಂದ ನಮ್ಮ ಮೇಲಿನ ಜವಾಬ್ದಾರಿ ಮತ್ತಷ್ಟು ಹೆಚ್ಚಾಗಿದ್ದು, ಕೆಲಸ ಮಾಡಲು ಉತ್ಸುಕರಾಗಿದ್ದೇವೆ ಎಂದಿದ್ದಾರೆ. ಮುಂದಿನ ವರ್ಷದ ಐಪಿಎಲ್​​ಗೋಸ್ಕರ ಮುಂಬೈ ಫ್ರಾಂಚೈಸಿ ಹೊಸ ಕೋಚ್​​ಗೆ ಮಣೆ ಹಾಕುವ ಸಾಧ್ಯತೆ ದಟ್ಟವಾಗಿದೆ.

ಪ್ರಾಥಮಿಕ ಮಾಹಿತಿ ಪ್ರಕಾರ ತಂಡದ ಬ್ಯಾಟಿಂಗ್ ಕೋಚ್​ ಆಗಿ ಸೇವೆ ಸಲ್ಲಿಸುತ್ತಿರುವ ರಾಬಿನ್​ ಸಿಂಗ್​​​ ತಂಡದ ಮುಖ್ಯ ಕೋಚ್​ ಆಗಿ ಆಯ್ಕೆಯಾಗುವ ಸಾಧ್ಯತೆ ದಟ್ಟವಾಗಿದೆ ಎನ್ನಲಾಗ್ತಿದೆ. 2022ರ ಇಂಡಿಯನ್​ ಪ್ರೀಮಿಯರ್ ಲೀಗ್​ನಲ್ಲಿ ಮುಂಬೈ ಇಂಡಿಯನ್ಸ್​ ಕಳಪೆ ಪ್ರದರ್ಶನ ನೀಡಿದೆ.