10 ವರ್ಷಗಳ ಐಸಿಸಿ ಕಪ್​ ಬರ ನೀಗಿಸುತ್ತಾ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್?​

2013ರ ಚಾಂಪಿಯನ್ಸ್​ ಟ್ರೋಫಿಯ ನಂತರ ಭಾರತಕ್ಕೆ ಯಾವುದೇ ಐಸಿಸಿ ಕಪ್​ ಬಂದಿಲ್ಲ. ಹಿಗಾಗಿ ವಿಶ್ವ ಟೆಸ್ಟ್​​ ಚಾಂಪಿಯನ್​ಶಿಪ್​ ಮೇಲೆ ನಿರೀಕ್ಷೆಗಳು ಹೆಚ್ಚಿವೆ.

ಭಾರತಕ್ಕೆ ಸರಿಸುಮಾರು 10 ವರ್ಷಗಳಿಂದ ಐಸಿಸಿ ನಡೆಸುವ ಪ್ರತಿಷ್ಠಿತ ಕಪ್​ಗಳು ದೊರೆತಿಲ್ಲ. ಭಾರತ 2013 ಇಂಗ್ಲೆಂಡ್​ ಅ​ನ್ನು ಮಣಿಸಿ ಧೋನಿ ನಾಯಕತ್ವದಲ್ಲಿ ಐಸಿಸಿ ಚಾಂಪಿಯನ್ಸ್​ ಟ್ರೋಫಿ ಗೆದ್ದು ಕೊಂಡಿತ್ತು. ಆದಾದ ನಂತರ 7 ಐಸಿಸಿ ಆಯೋಜನೆ ಟೂರ್ನಿಗಳು ನಡೆದಿದ್ದು ಯಾವುದರಲ್ಲೂ ಗೆಲುವು ದಾಖಲಿಸಿಲ್ಲ. 2013ರದ್ದೇ ಭಾರತಕ್ಕೆ ಬಂದ ಕೊನೆಯ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಕೌನ್ಸಿಲ್​ ನಡೆಸುವ ಪ್ರಶಸ್ತಿಯಾಗಿದೆ.

ನಂತರ ಭಾರತ ತಂಡ ಉತ್ತಮ ಪ್ರದರ್ಶನ ನೀಡಿದರು ಫೈನಲ್‌ವರೆಗೆ ಹೋಗಿ ರನ್ನರ್​ ಆಪ್​ ಆಗಿದೆ. ಸತತ ಐಸಿಸಿ ಟ್ರೋಫಿಯ ಸೋಲಿನ ಕಾರಣ ಭಾರತ ತಂಡನ ನಾಯಕತ್ವ ವಹಿಸಿದ್ದ ವಿರಾಟ್​ ಕೂಡ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿ ತಂಡದಲ್ಲಿ ಕೇವಲ ಆಟಗಾರರಾಗಿ ಉಳಿದು ಕೊಂಡರು. ಈಗ ಭಾರತ ವಿಶ್ವ ಟೆಸ್ಟ್​ ಚಾಂಪಿಯನ್​​ಶಿಪ್​ ಫೈನಲ್​ ಪ್ರವೇಶ ಪಡೆದುಕೊಂಡಿದ್ದು ಓವೆಲ್​ನಲ್ಲಿ ನಡೆಯುವ ಟೆಸ್ಟ್​​ ಪಂದ್ಯದಲ್ಲಿ ಗೆದ್ದು ಗದೆ ವಶಪಡಿಸಿಕೊಳ್ಳುತ್ತಾ? ಎಂಬ ಕುತೂಹಲ ಎಲ್ಲರಲ್ಲಿದೆ.

• India have set a date with Australia at The Oval for the #WTC23 Final 🔥
  
  More ➡️ https://t.co/en4JKEz34d pic.twitter.com/WezeBkKluj

  — ICC (@ICC) March 13, 2023 " class="align-text-top noRightClick twitterSection" data="

  India have set a date with Australia at The Oval for the #WTC23 Final 🔥
  
  More ➡️ https://t.co/en4JKEz34d pic.twitter.com/WezeBkKluj

  — ICC (@ICC) March 13, 2023

  ">

  India have set a date with Australia at The Oval for the #WTC23 Final 🔥
  
  More ➡️ https://t.co/en4JKEz34d pic.twitter.com/WezeBkKluj

  — ICC (@ICC) March 13, 2023

2014 ಟಿ20 ವಿಶ್ವಕಪ್​ ಫೈನಲ್​ ಸೋಲು: 2013ರಲ್ಲಿ ಚಾಪಿಂಯನ್ಸ್​ ಟ್ರೋಫಿ ಗೆದ್ದಿದ್ದ ಭಾರತ ಅದೇ ತಂಡದೊಂದಿಗೆ ಟಿ20 ವಿಶ್ವ ಕಪ್​ ಎದುರಿಸಿತ್ತು. ಗುಂಪು ಹಂತದಲ್ಲಿ ನಾಲ್ಕು ಪಂದ್ಯದಲ್ಲಿ ಸೋಲನ್ನೇ ಕಾಣದೇ ಫೈನಲ್​ ಪ್ರವೇಶ ಪಡೆದಿತ್ತು. ಕೊನೆಯ ಪಂದ್ಯದಲ್ಲಿ ಭಾರತಕ್ಕೆ ಶ್ರೀಲಂಕಾ ಎದುರಾಳಿಯಾಗಿತ್ತು. ಈ ಪಂದ್ಯದಲ್ಲಿ ಭಾರತ ನೀಡಿದ್ದ 130 ರನ್​ನ ಗುರಿಯನ್ನು ಲಂಕಾ 4 ವಿಕೆಟ್​ ನಷ್ಟದಲ್ಲಿ ಸಾಧಿಸಿತ್ತು. ಭಾರತ 6 ವಿಕೆಟ್​ಗಳ ಸೋಲನುಭವಿಸಿತ್ತು.

2015ರ ಏಕದಿನ ವಿಶ್ವಕಪ್​ ಸೆಮೀಸ್​ ಸೋಲು: 2011ರಲ್ಲಿ ಏಕದಿನ ವಿಶ್ವಕಪ್​ ಗೆದ್ದಿದ್ದ ಭಾರತಕ್ಕೆ ನಾಲ್ಕು ವರ್ಷಗಳ ನಂತರ ಮತ್ತೆ ವಿಶ್ವಕಪ್​ ಪಂದ್ಯ ಎದುರಾಗಿತ್ತು. ಗುಂಪು ಹಂತದ 6 ಪಂದ್ಯದಲ್ಲಿ ಒಂದೂ ಸೋಲು ಕಾಣದೇ ಸೆಮೀಸ್​ ಪ್ರವೇಶ ಪಡೆದಿದ್ದ ಭಾರತ ಆಸ್ಟ್ರೇಲಿಯಾದ ಎದುರು ಸೋಲನುಭವಿಸಿತು. ಆಸಿಸ್​ ನೀಡಿದ್ದ 328 ರನ್​ ಗುರಿ ಬೆನ್ನು ಹತ್ತಿದ್ದ ಭಾರತ 233 ರನ್​ಗೆ ಆಲ್​ಔಟ್​ ಆಗಿ ಸೆಮಿಸ್​ನಿಂದ ಹೊರ ಬಂದಿತ್ತು.

2016 ಟಿ20 ವಿಶ್ವಕಪ್ ಸೆಮೀಸ್​ ಅಪಜಯ: ಎರಡನೇ ಸೆಮೀಸ್​ ಕದನದಲ್ಲಿ ವೆಸ್ಟ್​ ಇಂಡೀಸ್​ ವಿರುದ್ಧ ಭಾರತ 7 ವಿಕೆಟ್​ಗಳ ಸೋಲನುಭವಿಸಿತ್ತು. ಭಾರತ ಕೊಟ್ಟಿದ್ದ 192 ರನ್​ನ ಗುರಿಯನ್ನು ಮೂರು ವಿಕೆಟ್​ ಕಳೆದಕೊಂಡು 2 ಬಾಲ್​ ಉಳಿಸಿಕೊಂಡು ಕೆರಿಬಿಯನ್ನರು ಗೆದ್ದಿದ್ದರು. ಫೈನಲ್​ನಲ್ಲಿ ಸಹ ವೆಸ್ಟ್​​ ಇಂಡೀಸ್ ಇಂಗ್ಲೆಂಡ್​ ಮಣಿಸಿ ಗೆಲುವು ದಾಖಲಿಸಿತ್ತು.

2017 ಚಾಂಪಿಯನ್ಸ್​​ ಟ್ರೋಫಿ ಫೈನಲ್​: ವಿರಾಟ್ ನಾಯಕತ್ವದಲ್ಲಿ ಚಾಂಪಿ​ಯನ್ಸ್​ ಟ್ರೋಫಿ ಫೈನಲ್​ ಪ್ರವೇಶಿಸಿದ್ದ ಭಾರತ ಪಾಕಿಸ್ತಾನದಿಂದ ಹೀನಾಯ ಸೋಲನುಭವಿಸಿತ್ತು. ಪಾಕಿಸ್ತಾನ ಕೊಟ್ಟಿದ್ದ 338 ರನ್​ನ ಗುರಿಯನ್ನು ಬೆನ್ನು ಹತ್ತಿದ್ದ ಭಾರತ 158ಕ್ಕೆ ಆಲ್​ಔಟ್​ ಆಗಿತ್ತು. 180 ರನ್​ಗಳಿಂದ ಬೃಹತ್​ ಸೋಲು ಎದುರಿಸಿತ್ತು.

2019ರ ಏಕದಿನ ವಿಶ್ವಕಪ್​ ಸೆಮೀಸ್​ ಸೋಲು: ವಿರಾಟ್​ ನಾಯಕತ್ವದ ಐಸಿಸಿ ಟ್ರೋಫಿಯ ಎರಡನೇ ಸೋಲು ಇದಾಗಿತ್ತು. ಗುಂಪು ಹಂತದ ಪಂದ್ಯದಲ್ಲಿ 9ರಲ್ಲಿ 7 ಗೆದ್ದು, ಸೆಮೀಸ್​ಗೆ ಭಾರತ ಪ್ರವೇಶ ಪಡೆದಿತ್ತು. ನಾಕೌಟ್​ನಲ್ಲಿ ನ್ಯೂಜಿಲೆಂಡ್​ ವಿರುದ್ಧ ಮತ್ತೆ ಎಡವಿತು. ಕಿವೀಸ್​ ವಿರುದ್ಧ 18 ರನ್​ನ ಸೋಲು ಕಂಡಿತು.

ಚೊಚ್ಚಲ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಸೋಲು: 2021ರಲ್ಲಿ ಐಸಿಸಿ ಚೊಚ್ಚಲ ಬಾರಿಗೆ ಟೆಸ್ಟ್​ ಚಾಂಪಿಯನ್​ಶಿಪ್​ ಪರಿಚಯಿಸಿತ್ತು. ಇದರಲ್ಲಿ ಫೈನಲ್​ ಪ್ರವೇಶಿದ ಭಾರತ ಕಿವೀಸ್​ ವಿರುದ್ಧ ಸೋಲನುಭವಿಸಿತ್ತು. ಇದು ವಿರಾಟ್​ ಸತತ ಮೂರನೇ ಐಸಿಸಿ ಟ್ರೋಫಿಯ ಸೋಲಾಗಿತ್ತು. ಇದು ವಿರಾಟ್​ ನಾಯಕತ್ವಕ್ಕೆ ಕುತ್ತು ತಂದಿತ್ತು.

2022ರ ಟಿ20 ವಿಶ್ವಕಪ್ ಸೆಮೀಸ್​​ ಸೋಲು: ರೋಹಿತ್​ ಶರ್ಮಾ ನಾಯಕನಾಗಿ ಟಿ20 ವಿಶ್ವಕಪ್​ ಮುನ್ನಡೆಸಿದ್ದರು. ಸೆಮೀಸ್​ನಲ್ಲಿ ಇಂಗ್ಲೆಂಡ್​ ವಿರುದ್ಧ ಭಾರತ ಸೋಲನುಭವಿಸಿ, ಮತ್ತೊಂದು ಐಸಿಸಿ ಟ್ರೋಫಿಯನ್ನು ಕಳೆದುಕೊಂಡಿತ್ತು. ಈಗ ಜೂನ್​ 7 ರಿಂದು ಇಂಗ್ಲೆಂಡ್​ನ ಓವೆಲ್​ನಲ್ಲಿ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ನಡೆಯಲಿದ್ದು ಆಸ್ಟ್ರೇಲಿಯಾ ವಿರುದ್ಧ ಭಾರತಕ್ಕೆ ಕಣಕ್ಕಿಳಿಯಲಿದೆ. ಈ ಕಪ್​ ಮೇಲೆ ನಿರೀಕ್ಷೆ ಹೆಚ್ಚಿದ್ದು, ಐಪಿಎಲ್​ ಮುಗಿದ ಬೆನ್ನಲ್ಲೇ ಭಾರತ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ ಆಡಬೇಕಿದೆ.

ಇದನ್ನೂ ಓದಿ: ಜೂನ್‌ನಲ್ಲಿ ಶುರುವಾಗುತ್ತೆ ಟಿ10 ಲೀಗ್; ನಿವೃತ್ತ ದಿಗ್ಗಜರ ಕ್ರಿಕೆಟ್ ನೋಡಲು ಸಿದ್ಧರಾಗಿ!